ಮತ್ತೆ ಮೊಳಗಲಿದೆ ‘ಸಿಂಹ ಘರ್ಜನೆ’

ಸಿಂಹ ಮತ್ತೆ ಘರ್ಜಿಸಲಿದೆ!
ಅಂದು 'ಸಾಹಸ ಸಿಂಹ" ಇಂದು 'ಸಿಂಹಾದ್ರಿಯ ಸಿಂಹ." ವಿಷ್ಣು ಟೈಂ ಚೆನ್ನಾಗಿದೆ. ಮುಟ್ಟಿದ್ದೆಲ್ಲಾ ಚಿನ್ನ . ಸಿಂಹಾದ್ರಿಯ ಸಿಂಹ ಗೆಲ್ಲುವ ಬಗ್ಗೆ ಉದ್ಯಮಕ್ಕೆ ಅನುಮಾನವೇ ಉಳಿದಿಲ್ಲ .

ವಿಷ್ಣು ಹಾಗೂ ಎಸ್‌.ನಾರಾಯಣ್‌ ಜೋಡಿಯ ಇನ್ನೊಂದು ಪ್ರಯೋಗ- ಸಿಂಹಾದ್ರಿಯ ಸಿಂಹ. ವಿಷ್ಣುಗೆ ಮೀಸೆ ಅಂಟಿಸುವುದರ ಮೂಲಕವೇ ಗಲ್ಲಾ ಪೆಟ್ಟಿಗೆಯನ್ನು ದೋಚಿದ ನಾರಾಯಣ್‌, ಸಿಂಹದಲ್ಲಿ ಮೀಸೆ ಇಟ್ಟಿದ್ದಾರೋ ಇಲ್ಲವೋ ಅನ್ನುವುದು ಇನ್ನೂ ಗುಟ್ಟಾಗಿಯೇ ಉಳಿದಿದೆ. ಸಿಂಹ ಅಂದಮೇಲೆ ಮೀಸೆ ಜೋರಾಗಿಯೇ ಇರಬೇಕು ಅನ್ನುವುದು ಚಿತ್ರ ರಸಿಕರ ಸಿನಿಸಿಕೆ.

ಅಂದಹಾಗೆ, ಜೂನ್‌ 6 ರ ಗುರುವಾರ ಸಿಂಹಾದ್ರಿಯ ಸಿಂಹ ತೆರೆ ಕಾಣಲಿದೆ. ಕಳೆದ ವಾರ ತೆರೆಕಂಡ ತುಂಟಾಟ ಚಿತ್ರಕ್ಕೆ ಬೆಂಗಳೂರಿನಲ್ಲಿ ಸಿಕ್ಕಿದ್ದು ಒಂದೇ ಥಿಯೇಟರ್‌ ಆದರೆ, ಸಿಂಹಕ್ಕೆ ಈಗಾಗಲೇ ಐದಾರು ಥಿಯೇಟರ್‌ ಸಿಕ್ಕಿವೆ. ಅದು ಜಮೀನ್ದಾರ್ರು ಯಶಸ್ಸಿನ ಮಹಿಮೆ. ವಾರ್ತಾ ಸಂಚಯ