For Quick Alerts
    ALLOW NOTIFICATIONS  
    For Daily Alerts

    ಸ್ಯಾಂಡಲ್ ವುಡ್ : ಬಾಕ್ಸಾಫೀಸ್ ರಿಪೋರ್ಟ್

    By Staff
    |

    ಈವರೆಗೆ ಗೆದ್ದ ಚಿತ್ರಗಳೆಷ್ಟು, ಕೆಳಕ್ಕೆ ಬಿದ್ದ ಚಿತ್ರಗಳೆಷ್ಟು? ಯಾವ ತಾರೆಯ ಹಣೆಬರಹ ಹೇಗಿದೆ ?



    ಈವರೆಗೆ ಕಾಮಿಡಿ ಗಣೇಶ್ ಅವರನ್ನು ನಂಬಿದವರು ಟ್ರ್ಯಾಜಿಡಿ ಕಂಡಿಲ್ಲ! ಚೆಲುವಿನ ಚಿತ್ತಾರನಿರ್ಮಾಪಕ ಮತ್ತು ನಿರ್ದೇಶಕ ಎಸ್.ನಾರಾಯಣ್, ಹುಡುಗಾಟಚಿತ್ರದ ನಿರ್ಮಾಪಕ ಬಾಬು ರೆಡ್ಡಿ ಖುಷಿಯಿಂದಿದ್ದಾರೆ.

    ***

    ಜಯಸುಧಾ ಅಮ್ಮನಾಗಿ, ಶಿವರಾಜ್ ಕುಮಾರ್ ಮಗನಾಗಿ ಅಭಿನಯಿಸಿದ್ದತಾಯಿಯ ಮಡಿಲುಇನ್ನಿಲ್ಲದಂತೆ ನೆಲಕಚ್ಚಿತ್ತು. ಈ ನಷ್ಟವನ್ನು ಎಸ್.ನಾರಾಯಣ್, ಚೆಲುವಿನ ಚಿತ್ತಾರದಮುಖಾಂತರ ತುಂಬಿಕೊಂಡಿದ್ದಾರೆ.ಸಿನಿ ಮೂಲಗಳ ಪ್ರಕಾರ, ನಾರಾಯಣ್ ನಷ್ಟ ತುಂಬಿಕೊಂಡು ಈಗಾಗಲೇ 3ಕೋಟಿ ರೂಪಾಯಿ ಲಾಭ ಮಾಡಿದ್ದಾರೆ.

    ***

    ಒಂದು ಯಶಸ್ವಿ ಚಿತ್ರ, ಹತ್ತು ಚಿತ್ರಗಳನ್ನು ತುಳಿಯುವ ಪರಿಸ್ಥಿತಿ ರಾಜ್ಯದಲ್ಲಿದೆ. ಕನ್ನಡ ಚಿತ್ರಗಳು ಚಿತ್ರಮಂದಿರದ ಸಮಸ್ಯೆಯನ್ನು ಮೊದಲಿನಿಂದಲೂ ಎದುರಿಸುತ್ತಿದೆ. ಈಗ ರಾಜ್ಯದ ಇರೋಬರೋ ಟಾಕೀಸುಗಳನ್ನು ಗಣೇಶ್ ಚಿತ್ರಗಳು ಕಸಿದಿವೆ.

    ***

    ಗಣೇಶ್ ಅಲೆ ಅಬ್ಬರದ ಮಧ್ಯೆಯೂ ರಮೇಶ್ ರ ಸತ್ಯವಾನ ಸಾವಿತ್ರಿ, ರವಿಚಂದ್ರನ್ ರ ಯುಗಾದಿ, ತಮಾಷೆಗಾಗಿ , ಸುದೀಪ್ ರ ಶಾಂತಿ ನಿವಾಸ ನಂ.73ಕಷ್ಟಪಟ್ಟು ಚಿತ್ರಮಂದಿರದಲ್ಲಿ ಉಳಿದಿವೆ. ಈ ಚಿತ್ರಗಳು ನಿರ್ಮಾಪಕರಿಗೆ ಮೋಸ ಮಾಡಿಲ್ಲ. ಆದರೂ ಗಣೇಶ್ ಚಿತ್ರಗಳಿಂದ ತುಸು ತೊಂದರೆಯಂತೂ ಆಗಿದೆ.

    ***

    ಶಿವರಾಜ್ ಕುಮಾರ್ ಅಭಿನಯದ ಸಂತ ಮತ್ತು ನೆನಪಿರಲಿ ಪ್ರೇಮ್ ರ ಪಲ್ಲಕ್ಕಿಅರ್ಧ ಶತಕ ಹೊಡೆವ ಹೊತ್ತಿಗೆ ಸುಸ್ತಾಗಿವೆ.

    ***

    ಜ.1ರಿಂದ ಜು.31ರವರೆಗೆ 58 ಸಿನಿಮಾಗಳು ಬಿಡುಗಡೆಯಾಗಿವೆ. ಸಂಖ್ಯೆ ದೊಡ್ಡದು ಅನ್ನಿಸಿದರೂ, ಯಶಸ್ಸಿನ ಪ್ರಮಾಣ ಸಾಲದು. ಈ ಮಧ್ಯೆ 20 ಚಿತ್ರಗಳು ಬಿಡುಗಡೆಗೆ ಸಿದ್ಧಗೊಂಡಿದ್ದು, ಚಿತ್ರಮಂದಿರ ಹುಡುಕುತ್ತಿವೆ.

    ***

    ಉಪೇಂದ್ರ, ದರ್ಶನ್ ಅಭಿನಯದ ಅನಾಥರು, ದರ್ಶನ್ ಮತ್ತು ನವ್ಯ ನಾಯರ್ ಅಭಿನಯದ ಗಜ, ವಿಷ್ಣುವರ್ಧನ್ ಮತ್ತು ಸುಹಾಸಿನಿ ಅಭಿನಯದ ಮಾತಾಡ್ ಮಾತಾಡ್ ಮಲ್ಲಿಗೆಸದ್ಯದಲ್ಲಿಯೇ ತೆರೆಗೆ ಬರಲಿವೆ.

    ***

    ಮಾತಾಡ್ ಮಾತಾಡ್ ಮಲ್ಲಿಗೆಚಿತ್ರದ ಧ್ವನಿ ಸುರಳಿ ಬಿಡುಗಡೆಯಾಗಿದೆ. ನಾಗತಿಹಳ್ಳಿ ನಿರ್ದೇಶನದ ಈ ಚಿತ್ರಕ್ಕೆ ಮನೋಮೂರ್ತಿ ಸಂಗೀತ ನೀಡಿದ್ದಾರೆ. ವಿಷ್ಣುವರ್ಧನ್,ಸುಹಾಸಿನಿ ಪ್ರಮುಖ ಪಾತ್ರದಲ್ಲಿದ್ದಾರೆ. ರೈತನ ಪಾತ್ರದಲ್ಲಿ ವಿಷ್ಣು ಅಭಿನಯಿಸಿದ್ದಾರೆ.

    ***

    ಪುನೀತ್ ಮತ್ತು ಪಾರ್ವತಿಯಮಿಲನ, ಶಿವರಾಜ್ ಕುಮಾರ್ ಮತ್ತು ಗೌರಿಯ ಗಂಡನ ಮನೆಚಿತ್ರೀಕರಣ ಅಂತಿಮ ಹಂತದಲ್ಲಿದ್ದು, ಮುಂದಿನ ತಿಂಗಳು ಬಿಡುಗಡೆಗೊಳ್ಳುವ ಸಾಧ್ಯತೆಗಳಿವೆ.

    Kannada Photos

    Go to : More Photos
    ತಾಜಾ ಸುದ್ದಿ ತಕ್ಷಣ ಪಡೆಯಿರಿ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X