ವಿಷ ಕುಡಿಯುತ್ತೇನೆ ಅಂತ ಜಗ್ಗೇಶ್ ಗೆ ಪತ್ರ ಬರೆದಿದ್ದ ಪತ್ನಿ ಪರಿಮಳಾ.!

ವಿವಾಹ ವಾರ್ಷಿಕೋತ್ಸವದ ಸಂಭ್ರಮದಲ್ಲಿ ನಟ ಜಗ್ಗೇಶ್

ನಟ ಜಗ್ಗೇಶ್ ಇಂದು ತಮ್ಮ 32ನೇ ವಿವಾಹ ವಾರ್ಷಿಕೋತ್ಸವದ ಸಂಭ್ರಮದಲ್ಲಿದ್ದಾರೆ.

ಜಗ್ಗೇಶ್ ಟ್ವೀಟ್ ಗಳು...

ತಮ್ಮ 32ನೇ ವಿವಾಹ ವಾರ್ಷಿಕೋತ್ಸವದ ಪ್ರಯುಕ್ತ ತಮ್ಮ ಲವ್ ಸ್ಟೋರಿ, ತಮಗೆ ಪತ್ನಿ ಪರಿಮಳಾ ಬರೆದ ಪತ್ರಗಳನ್ನ ಟ್ವಿಟ್ಟರ್ ನಲ್ಲಿ ಜಗ್ಗೇಶ್ ಹಂಚಿಕೊಂಡಿದ್ದಾರೆ. ಅದನ್ನೆಲ್ಲಾ ಒಂದೊಂದೇ ನೋಡಿ ಮುಂದಿನ ಸ್ಲೈಡ್ ಗಳಲ್ಲಿ....

ವಿಷ ಕುಡಿಯುತ್ತೇನೆ ಎಂದಿದ್ದ ಪರಿಮಳಾ

ಜಗ್ಗೇಶ್ (ಈಶ್ವರ್) - ಪರಿಮಳಾ ಪ್ರೀತಿ-ಪ್ರಣಯ, ಪರಿಮಳಾ ರವರ ತಂದೆ-ತಾಯಿಗೆ ಗೊತ್ತಾದಾಗ, 'ಬೇರೆ ದಾರಿ ಇಲ್ಲದೆ ವಿಷ ಕುಡಿಯುತ್ತೇನೆ' ಅಂತ ಜಗ್ಗೇಶ್ ಗೆ ಪರಿಮಳಾ ಗಾಬರಿಯಿಂದ ಬರೆದಿರುವ ಪತ್ರ ಇದು.

ವಿರೋಧದ ನಡುವೆ ಮದುವೆ

ಮನೆಯವರ ವಿರೋಧದ ನಡುವೆ ನಟ ಜಗ್ಗೇಶ್, ಪರಿಮಳಾ ರವರನ್ನ ಸಂಪಂಗಿರಾಮನಗರದ ಮಲ್ಲಿಕಾರ್ಜುನ ಸ್ವಾಮಿ ದೇವಸ್ಥಾನದಲ್ಲಿ 22/3/1984 ರಂದು ಬೆಳಗ್ಗೆ 10.30ಕ್ಕೆ ಮದುವೆ ಆದರು.

ಮದುವೆಗೆ ಬಂದಿದ್ದು ಕೇವಲ ನಾಲ್ಕೇ ಜನ

ಜಗ್ಗೇಶ್-ಪರಿಮಳಾ ಮದುವೆಗೆ ಹರಸಲು ಆಗಮಿಸಿದ್ದು ಕೇವಲ ನಾಲ್ಕು ಮಂದಿ ಅಷ್ಟೆ.

ಜ್ಯೋತಿಷ್ಯದಲ್ಲಿ ನಂಬಿಕೆ

ಪರಿಮಳಾ ರವರನ್ನ ಕೈಹಿಡಿಯಲು ಈಶ್ವರ್ ಅನ್ನೋ ಹೆಸರು ಸೂಕ್ತ ಅಲ್ಲ ಅಂತ ಕಂಡುಕೊಂಡಿದ್ದ ಜಗ್ಗೇಶ್, ತಮ್ಮ ಹೆಸರು ಬದಲಾವಣೆ ಮಾಡುವ ಬಗ್ಗೆ ಪರಿಮಳಾ ರವರಿಗೆ ಬರೆದ ಪತ್ರ ಇದು.

ಜಗ್ಗೇಶ್ ಹೆಸರು ಸೂಕ್ತ

ಪರಿಮಳಾ ರವರನ್ನ ಮದುವೆ ಆಗಲು ಜಗ್ಗೇಶ್ ಸಂಖ್ಯಾಶಾಸ್ತ್ರದ ಮೊರೆ ಹೋಗಿದ್ದರು ಅನ್ನೋದಕ್ಕೆ ಈ ಪತ್ರ ಸಾಕ್ಷಿ.

ಜಗ್ಗೇಶ್ ಅಂತಲೇ ಕರೆಯಬೇಕು

ಅಷ್ಟಕ್ಕೂ ಜಗ್ಗೇಶ್ ಅನ್ನೋದು ಅವರ ನಿಜನಾಮವೇ. ಈಶ್ವರ್ ಸ್ಕೂಲ್ ನೇಮ್ ಮಾತ್ರ. ಪರಿಮಳಾಗೆ ಜಗ್ಗೇಶ್ ಹೆಸರು ಹೊಂದಾಣಿಕೆ ಆಗುವುದರಿಂದ 'ಇನ್ಮುಂದೆ ಜಗ್ಗೇಶ್ ಅಂತಲೇ ಕರೆಯಬೇಕು' ಅಂತ ಪತ್ರದಲ್ಲಿ ಜಗ್ಗೇಶ್ ಉಲ್ಲೇಖಿಸಿದ್ದಾರೆ.

200 ವರ್ಷದ ಹಿಂದಿನ ಪುಸ್ತಕ

ತಮ್ಮ ಹೆಸರು ಬದಲಾವಣೆ ಮಾಡಿಕೊಳ್ಳಲು ಆಂಗ್ಲ ಭಾಷೆಯಲ್ಲಿರುವ ಇನ್ನೂರು ವರ್ಷಗಳ ಹಿಂದಿನ ಪುಸ್ತಕವನ್ನ ರೆಫರ್ ಮಾಡಿದ್ರಂತೆ ನಟ ಜಗ್ಗೇಶ್.

ಶಾಲೆಯಲ್ಲೂ ಕೂತು ಲವ್ ಲೆಟರ್ ಬರೆಯುತ್ತಿದ್ರಂತೆ!

ಬೆಂಗಳೂರಿನ ಮಲ್ಲೇಶ್ವರದ ಕ್ಲೂನಿ ಕಾನ್ವೆಂಟ್ ನಲ್ಲಿ ಓದುತ್ತಿದ್ದ ಪರಿಮಳಾ, ಶಾಲೆಯಲ್ಲೇ ಕೂತು ಜಗ್ಗೇಶ್ ಗಾಗಿ ಲವ್ ಲೆಟರ್ ಬರೆಯುತ್ತಿದ್ದರು.

ಇಬ್ಬರ ಮದುವೆ ವಿಚಾರ ಕೋರ್ಟ್ ಮೆಟ್ಟಿಲೇರಿತ್ತು!

ಮನೆಯವರ ವಿರೋಧ ಕಟ್ಟಿಕೊಂಡು ಮದುವೆ ಆದ ಜಗ್ಗೇಶ್-ಪರಿಮಳಾ ವಿಚಾರ ಕೋರ್ಟ್ ಮೆಟ್ಟಿಲೇರಿತ್ತು. ಅಂದು ಪ್ರಕಟವಾದ ವರದಿಯನ್ನ ಜಗ್ಗೇಶ್ ಟ್ವೀಟ್ ಮಾಡಿದ್ದಾರೆ.

ನೂರು ಕಾಲ ಹೀಗೆ ಬಾಳಿ...

ಜಗ್ಗೇಶ್-ಪರಿಮಳಾ ಅಂದು ಹಂಚಿಕೊಂಡ ಪ್ರೇಮ ಪತ್ರಗಳನ್ನ ನೋಡಿದ್ರೆ, ಇಬ್ಬರದ್ದು ಪವಿತ್ರ ಪ್ರೀತಿ ಅನ್ನುವುದರಲ್ಲಿ ಎರಡು ಮಾತಿಲ್ಲ. ಅಂದಿನಿಂದ ಇಂದಿನವರೆಗೂ ಅನೇಕ ಕಷ್ಟಗಳನ್ನ ಎದುರಿಸಿರುವ ಈ ಜೋಡಿ ಹೀಗೆ ಒಂದಾಗಿ ನೂರು ಕಾಲ ಬಾಳಲಿ ಅನ್ನೋದು ನಮ್ಮ ಆಶಯ.