Don't Miss!
- Sports IPL 2024 :ಬಲಿಷ್ಠ ಹೈದರಾಬಾದ್ ಬಗ್ಗು ಬಡಿದ ಆರ್ಸಿಬಿ: ಕಮಿನ್ಸ್ ಪಡೆಗೆ ಹೀನಾಯ ಸೋಲು
- News ಸಿಯಾಚಿನ್ ಬಳಿ ಚೀನಾ ಆಕ್ರಮಿತ ಕಾಶ್ಮೀರದಲ್ಲಿ ಹೊಸ ರಸ್ತೆ ನಿರ್ಮಾಣ; ಖಚಿತಪಡಿಸಿದ ಉಪಗ್ರಹ ಚಿತ್ರಗಳು
- Lifestyle ಪುಟ್ಟ ಕಂದಮ್ಮಗಳ ಮುಖದಲ್ಲಿ ನಗು ತರಿಸಲು ಟೀಚರ್ ಮಾಡಿದ ಕೆಲಸ ನೋಡಿ, ಮಕ್ಕಳ ಪಾಲಿನ ದೇವತೆ ಇವರು
- Automobiles Honda: ಬಡವರ ಕನಸು ನನಸು.. ಕಡಿಮೆ ಬೆಲೆಗೆ ಸಿಗುತ್ತವೆ ಈ ಬೈಕ್ಗಳು
- Technology Sennheiser: ಭಾರತದಲ್ಲಿ ಸೆನ್ಹೈಸರ್ ಮೊಮೆಂಟಮ್ ಟ್ರೂ ವೈರ್ಲೆಸ್ 4 ಲಾಂಚ್! ಬೆಲೆ 20 ಸಾವಿರ
- Finance ಒಂದೆರಡಲ್ಲ ಒಂಬತ್ತು ಬಾರಿ ಉದ್ಯಮದಲ್ಲಿ ವಿಫಲತೆ, ಮಾನಸಿಕ ಖಿನ್ನತೆ ಸವಾಲುಗಳನ್ನು ಮೆಟ್ಟಿ ನಿಂತ ಉದ್ಯಮಿ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಶಿವರಾಜ್ ಕುಮಾರ್ 'ಆನಂದ್'ಗೆ 34 ವರ್ಷ: ಅಭಿಮಾನಿಗಳ ಸಂಭ್ರಮ
ರಾಜವಂಶದ ಕುಡಿ ಶಿವರಾಜ್ ಕುಮಾರ್ ನಾಯಕ ನಟನಾಗಿ ಚಿತ್ರರಂಗಕ್ಕೆ ಪರಿಚಯವಾಗಿ ಇಂದಿಗೆ 34 ವರ್ಷ. ನಾಯಕರಾಗಿ ಅವರ ಚೊಚ್ಚಲ ಚಿತ್ರ 'ಆನಂದ್' 1986ರ ಜೂನ್ 19ರಂದು ತೆರೆಕಂಡಿತ್ತು.
Recommended Video
ಸಿಂಗೀತಂ ಶ್ರೀನಿವಾಸ್ ನಿರ್ದೇಶನದ ಈ ಚಿತ್ರದಲ್ಲಿ ಶಿವರಾಜ್ ಕುಮಾರ್ ಮತ್ತು ಸುಧಾರಾಣಿ ಎಂಬ ಹೊಸ ತಾರೆಯರು ಉದಯಿಸಿದ್ದರು. ಸಂಗೀತಮಯ ಚಿತ್ರ 'ಆನಂದ್' 38 ವಾರಗಳ ಕಾಲ ಓಡುವ ಮೂಲಕ ಭರ್ಜರಿ ಹಿಟ್ ಆಗಿತ್ತು. ಇದರ ನಂತರ ಬಿಡುಗಡೆಯಾದ ಶಿವರಾಜ್ ಕುಮಾರ್ ಅವರ ಸಿನಿಮಾಗಳು ಹಿಟ್ ಆಗಿ ಅವರಿಗೆ 'ಹ್ಯಾಟ್ರಿಕ್ ಹೀರೋ' ಎಂಬ ಬಿರುದು ತಂದುಕೊಟ್ಟಿತ್ತು.
ಟ್ರೆಂಡ್ ಸೃಷ್ಟಿಸಿದ 'ಓಂ' ಚಿತ್ರಕ್ಕೆ 25 ವರ್ಷ: ಅಭಿಮಾನಿಗಳ ಸಂಭ್ರಮ
'ಆನಂದ್' ಚಿತ್ರ ಮತ್ತು ಅದರ ಹಾಡುಗಳು ಎಂದಿಗೂ ಎವರ್ ಗ್ರೀನ್. 'ನೀಲ ಮೇಘ...', 'ಟುವ್ವಿ ಟುವ್ವಿ', 'ಟಿಕ್ ಟಿಕ್...' ಹಾಡುಗಳು ಸಾರ್ವಕಾಲಿಕ ಹಿಟ್ ಹಾಡುಗಳ ಸಾಲಿಗೆ ಸೇರಿವೆ. ಮುಂದೆ ಓದಿ...
ಮತ್ತೊಂದು ಆನಂದ್?
1986ರ ಫೆ. 19ರಂದು 'ಆನಂದ್' ಚಿತ್ರಕ್ಕೆ ಮುಹೂರ್ತ ನಡೆದಿತ್ತು. ಸರಿಯಾಗಿ ನಾಲ್ಕು ತಿಂಗಳ ಬಳಿಕ ಜೂನ್ 19ರಂದು ಬಿಡುಗಡೆಯಾಗಿತ್ತು. ಶಂಕರ್ ಗಣೇಶ್ ಸಂಗೀತ ನೀಡಿರುವ ಹಾಡುಗಳಿಗೆ ಚಿ. ಉದಯಶಂಕರ್ ಸಾಹಿತ್ಯ ಬರೆದಿದ್ದರು. ಇದೇ ಹೆಸರಿನ ಸಿನಿಮಾವನ್ನು ಪಿ. ವಾಸು ನಿರ್ದೇಶಿಸಲಿದ್ದು, ಶಿವರಾಜ್ ಕುಮಾರ್ ನಟಿಸಲಿದ್ದಾರೆ ಎಂಬ ಸುದ್ದಿ ಎರಡು ವರ್ಷಗಳ ಹಿಂದೆ ಹರಿದಾಡಿತ್ತು.
ಆನಂದದಿಂದ ನೋಡುವವರು
ಆನಂದ್ ಬಿಡುಗಡೆಯಾಗಿ 34 ವರ್ಷ ತುಂಬಿದ ಈ ಸಂದರ್ಭವನ್ನು ಶಿವರಾಜ್ ಕುಮಾರ್ ಅಭಿಮಾನಿಗಳು ಸಂಭ್ರಮಿಸುತ್ತಿದ್ದಾರೆ. 'ಅವತ್ತಿಂದ ಇವತ್ತಿನವರೆಗೂ ಅದೇ ಕ್ರೇಜ್ ಅದೇ ಹವಾ... ಮೂವತ್ತ ಮೂರು ವರ್ಷಗಳಿಂದ ಅಭಿಮಾನಿಗಳನ್ನ ಆನಂದದಿಂದ ನೋಡ್ಕೋಳ್ತಿರೋ... ಒಬ್ರೆ ಸೂಪರ್ ಸ್ಟಾರ್ ಡಾ.ಶಿವಣ್ಣಾವ್ರು' ಎಂದು ಅಭಿಮಾನಿಗಳು ಹೇಳಿದ್ದಾರೆ.
ನೀವು ನನ್ನ ಸ್ವಂತ ಅಣ್ಣನಂತೆ: ಹಿರಿಯ ನಟನಿಗೆ ಶಿವಣ್ಣ ಹುಟ್ಟುಹಬ್ಬ ಶುಭಾಶಯ
ಫ್ಯಾನಾಗಿ ಹೋಗ್ತೀರ...
ಮೊದಲ ಚಿತ್ರದಲ್ಲೇ ಕರ್ನಾಟಕ ಜನಮನಗೆದ್ದು, ಅಣ್ಣಾವ್ರ ಮಗನಾದರೂ ಸಹ ಅದರ ಹಂಗಿಲ್ಲದೆ ತನ್ನದೇ ಆದ ಛಾಪು ಮೂಡಿಸಿ ಅಂದಿನ ಕಾಲದಲ್ಲೇ ಅಡ್ವಾನ್ಸ್ ಬುಕ್ಕಿಂಗ್ ಮಾಡಿಸಿಕೊಂಡು, ಹೆಣ್ಣು ಮಕ್ಕಳ ಹೃದಯ ಕದ್ದು ಗಂಡೈಕ್ಳ ಎದೆಯೊಳಗೆ ಅಚ್ಚೆ ಹಾಕಿಸಿಕೊಂಡ ನಾಟ್ಯ ಚಕ್ರವರ್ತಿ, ಕರುನಾಡ ಚಕ್ರವರ್ತಿ ಡಾ.ಶಿವರಾಜಕುಮಾರ್ ಎಂಬ ಅಪ್ಪಟ ದೇಶೀ ಪ್ರತಿಭೆ ಅಭಿನಯಿಸಿದ ಪ್ರಪ್ರಥಮ ಚಿತ್ರ ಆನಂದ್ ಗೆ 34 ವರ್ಷಗಳ ಸಂಭ್ರಮ. ಮನೇಲಿ, ಆಫೀಸಲ್ಲಿ ಫ್ರೀ ಇದ್ರೆ ಈ ಸಿನಿಮಾನ ಹಾಕೊಂಡ್ ನೋಡಿ ಮುಲಾಜಿಲ್ದೆ ಫ್ಯಾನಾಗೋಯ್ತೀರ.! ಇಡೀ ವಿಶ್ವಕ್ಕೊಬ್ರೆ ಹ್ಯಾಟ್ರಿಕ್ ಹೀರೋ ಬರೀ ಅಂದ್ರೆ ಬರೀ ಡಾ.ಶಿವರಾಜಕುಮಾರ್ ಗೆ ಜೈ ಎಂದು ಅಭಿಮಾನಿಯೊಬ್ಬರು ಹೇಳಿಇದ್ದಾರೆ.
ಅಭಿಮಾನಿಗಳ ಸಂಭ್ರಮ
ಕರುನಾಡ ಚಕ್ರವರ್ತಿ ಶಿವಣ್ಣ ಅಭಿನಯದ ಮೊಟ್ಟಮೊದಲ ಚಿತ್ರ 'ಆನಂದ್' ತೆರೆಕಂಡು 34 ವರ್ಷಗಳು ಪೂರ್ಣ ಎಂದು ಅನೇಕ ಅಭಿಮಾನಿಗಳು 'ಅನಂದ್' ಚಿತ್ರದ ಪೋಸ್ಟರ್ಗಳನ್ನು ಹಂಚಿಕೊಂಡು ಖುಷಿ ಪಡುತ್ತಿದ್ದಾರೆ.