ಶುಕ್ರವಾರ ಬಂದೇ ಬಿಡ್ತು. ಈ ವೀಕೆಂಡ್ ನಲ್ಲಿ ಯಾವ ಚಿತ್ರಕ್ಕೆ ಹೋಗ್ಬೇಕು ಎನ್ನುವ ಪ್ಲಾನ್ ಮಾಡ್ತಿದ್ದೀರಾ..? ಈ ವಾರ ಕನ್ನಡದಲ್ಲಿ ಯಾವ ಸಿನಿಮಾ ರಿಲೀಸ್ ಆಗ್ತಿದೆ ಎಂಬ ಕುತೂಹಲ ಕಾಡ್ತಿದ್ಯಾ? ನಿಮ್ಮ ಕುತೂಹಲಕ್ಕೆ ಉತ್ತರ ಇಲ್ಲಿದೆ.
ಈ ವಾರ ಕನ್ನಡದಲ್ಲಿ ಒಟ್ಟು ನಾಲ್ಕು ಚಿತ್ರಗಳು ತೆರೆ ಕಾಣುತ್ತಿವೆ. ನಾಲ್ಕರಲ್ಲಿ ಯಾವುದು ಬೆಸ್ಟ್ ಎಂದು ತಿಳಿದುಕೊಳ್ಳಬೇಕಾದ್ರೆ, ಆ ಚಿತ್ರಗಳು ಯಾವುದು? ಆ ಚಿತ್ರಗಳ ಸ್ಪೆಷಲಾಟಿ ಏನು ಎಂಬುದರ ಬಗ್ಗೆ ಮೊದಲು ಗಮನಹರಿಸೋಣ...
ರಾಜಹಂಸ
ಈ ವಾರ ತೆರೆ ಕಾಣುತ್ತಿರುವ ನಿರೀಕ್ಷೆಯ ಸಿನಿಮಾ 'ರಾಜಹಂಸ'. ಈ ಚಿತ್ರದ ವಿಶೇಷ ಏನಪ್ಪಾ ಅಂದ್ರೆ, 'ಪುಟ್ಟಗೌರಿ ಮದುವೆ' ಖ್ಯಾತಿಯ ರಂಜನಿ ನಾಯಕಿ ಆಗಿ ಕಾಣಿಸಿಕೊಂಡಿರುವ ಮೊದಲ ಚಿತ್ರ. ಈ ಚಿತ್ರಕ್ಕೆ ಜಡೇಶ್ ಕುಮಾರ್ ಆಕ್ಷನ್ ಕಟ್ ಹೇಳಿದ್ದು, ಗೌರಿ ಶಂಕರ್ ನಾಯಕ ನಟನಾಗಿ ಅಭಿನಯಿಸಿದ್ದಾರೆ.
ಅಯನ
ಸಾಫ್ಟ್ ವೇರ್ ವ್ಯಕ್ತಿಯ ಸುತ್ತ ಮೂಡಿ ಬಂದಿರುವ ಸಿನಿಮಾ 'ಅಯನ'. ಗಂಗಾಧರ್ ಸಾಲಿಮಠ ಈ ಚಿತ್ರವನ್ನ ನಿರ್ದೇಶಿಸಿದ್ದು, ದೀಪಕ್ ಸುಬ್ರಹ್ಮಣ್ಯ ನಾಯಕನಾಗಿ ನಟಿಸಿದ್ದಾರೆ. ಅಪೂರ್ವ ಸೋಮ ನಾಯಕಿಯಾಗಿದ್ದು, ರಮೇಶ್‌ ಭಟ್‌ ಸೇರಿದಂತೆ ಹಲವು ಕಲಾವಿದರು ಈ ಚಿತ್ರದಲ್ಲಿ ಬಣ್ಣ ಹಚ್ಚಿದ್ದಾರೆ. ಇನ್ನುಳಿದಂತೆ ಶ್ರಿಯಾಂಶ್ ಶ್ರೀರಾಮ್ ಅವರ ಸಂಗೀತ, ವರುಣ್ ಡಿಕೆ ಕ್ಯಾಮರಾ ಈ ಚಿತ್ರಕ್ಕಿದೆ.
ದರ್ಪಣ
ಕಾರ್ತಿಕ್ ವೆಂಕಟೇಶ್ ಕಥೆ, ಚಿತ್ರಕಥೆ, ಸಂಭಾಷಣೆ, ಸಂಗೀತ, ಗೀತರಚನೆ ಹಾಗೂ ನಿರ್ದೇಶನ ಮಾಡಿರುವ ಚಿತ್ರ 'ದರ್ಪಣ'. 'ರಂಗಿತರಂಗ' ಖ್ಯಾತಿಯ ಅರವಿಂದ್ ರಾವ್, ಯತಿರಾಜ್, ಸಂದಿಪ್ ಮಲಾನಿ ಸೇರಿದಂತೆ ಹಲವರು ಅಭಿನಯಿಸಿದ್ದಾರೆ. ಈ ಚಿತ್ರಕ್ಕೆ ಧನುಷ್, ಸೂರ್ಯೋದಯ, ಹಾಗೂ ಸಚಿನ್ ಅವರ ಛಾಯಾಗ್ರಹಣವಿದೆ. ವಿನೋದ್ ಬಸವರಾಜ್ ಸಂಕಲನ, ರಾಜ್‍ದೇವ್ ನೃತ್ಯ ನಿರ್ದೇಶನ ಹಾಗೂ ಪವರ್ ಪುಷ್ಪರಾಜ್ ಸಾಹಸ ನಿರ್ದೇಶನ ಈ ಚಿತ್ರಕ್ಕಿದೆ.
ಹಳ್ಳಿ ಸೊಗಡು
ನೃತ್ಯ ನಿರ್ದೇಶಕ ಕಪಿಲ್ ರವರು ಕಥೆ, ಚಿತ್ರಕಥೆ, ರಚಿಸಿ ನಿರ್ದೇಶನ ಮಾಡಿರುವ 'ಹಳ್ಳಿ ಸೊಗಡು' ಚಿತ್ರ ಈ ವಾರ ರಾಜ್ಯಾದ್ಯಂತ ಬಿಡುಗಡೆಯಾಗುತ್ತಿದೆ. ಒಬ್ಬ ಸಂಗೀತ ಸಾಧನೊಬ್ಬನ ಅಭಿಮಾನಿಯೊಬ್ಬನ ಸಾಧನೆ, ಗುರುಭಕ್ತಿಯಲ್ಲಿ ಎಂಥಾ ಶಕ್ತಿ ಇದೆ ಎಂಬುದನ್ನ ಈ ಚಿತ್ರದಲ್ಲಿ ಹೇಳಲಾಗ್ತಿದೆ. ಅರವ್ ಸೂರ್ಯ ಮತ್ತ ಅಕ್ಷರ ನಾಯಕ, ನಾಯಕಿಯಾಗಿ ಅಭಿನಯಿಸಿದ್ದಾರೆ.
