Don't Miss!
- Automobiles Kia: ಬ್ರೇಕ್ ಇಲ್ಲದ ಟ್ರಕ್ನಂತೆ ಮುನ್ನುಗ್ಗುತ್ತಿದೆ ಕಿಯಾ: ಈಗ ಸಣ್ಣ ಪಟ್ಟಣಗಳಲ್ಲೂ ಸಿಗಲಿದೆ!
- Sports RCB vs KKR: ಯಶ್ ಮೇಲೆ 'ದಯೆ' ತೋರುತ್ತಾರಾ ರಿಂಕು ಸಿಂಗ್?; ಜಿದ್ದು ತೀರಿಸಿಕೊಳ್ತಾರಾ ಆರ್ಸಿಬಿ ವೇಗಿ?
- Technology ಪ್ರಜಾಪ್ರಭುತ್ವ ರಾಷ್ಟ್ರದಲ್ಲಿ ಡೀಪ್ಫೇಕ್ ದೊಡ್ಡ ಕಳವಳಕಾರಿ ಎಂದ ಮೋದಿ
- News ಚಿತ್ರದುರ್ಗದಲ್ಲಿ ಬಿಜೆಪಿಗೆ ಬಂಡಾಯದ ಬಿಸಿ: ಅಭ್ಯರ್ಥಿ ಬದಲಿಸದಿದ್ದರೆ ಪಕ್ಷೇತರ ಸ್ಪರ್ಧೆ, ಏ.3ಕ್ಕೆ ನಾಮಪತ್ರ ಸಲ್ಲಿಕೆ?
- Lifestyle ಯಾವ ದಿಕ್ಕಿಗೆ ತಲೆ ಇಟ್ಟು ಮಲಗಬಾರದು..? ಹಿರಿಯರು ಈ ರೀತಿ ಹೇಳೋದೇಕೆ.?
- Finance 25ನೇ ವಯಸ್ಸಿನಲ್ಲಿ 25,000 ರೂ.ನಿಂದ 7,000 ಕೋಟಿ ಗಳಿಸಿದ ವ್ಯಕ್ತಿ ಬಗ್ಗೆ ತಿಳಿಯಿರಿ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
'ಕುಮಾರಿ 21F' ಚಿತ್ರ ನೋಡಲು ಈ ನಾಲ್ಕು ಕಾರಣ ಸಾಕು
ಡೈನಾಮಿಕ್ ಹೀರೋ ದೇವರಾಜ್ ಅವರ ಎರಡನೇ ಮಗ ಪ್ರಣಾಮ್ ದೇವರಾಜ್ ಅಭಿನಯದ ಚೊಚ್ಚಲ ಸಿನಿಮಾ 'ಕುಮಾರಿ 21F' ಇದೇ ವಾರ ಬೆಳ್ಳಿತೆರೆಗೆ ಬರ್ತಿದೆ.
ಟ್ರೈಲರ್, ಹಾಡುಗಳು, ಹೀಗೆ ಪ್ರತಿಯೊಂದು ಅಂಶದಿಂದಲೂ ಮೋಡಿ ಮಾಡಿರುವ ಈ ಸಿನಿಮಾ ಆಗಸ್ಟ್ 3 ರಂದು ರಾಜ್ಯಾದ್ಯಂತ ತೆರೆಕಾಣುತ್ತಿದೆ. ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಚಿತ್ರದ ಟ್ರೈಲರ್ ಲಾಂಚ್ ಮಾಡಿದ್ದರು. ಪವರ್ ಸ್ಟಾರ್ ಪುನೀತ್ ರಾಜ್ ಕುಮಾರ್ ಚಿತ್ರದ ಹಾಡೊಂದಕ್ಕೆ ಧ್ವನಿಯಾಗಿದ್ದಾರೆ.
ಶ್ರೀಮನ್ ವೇಮುಲಾ ಅವರು ನಿರ್ದೇಶನ ಮಾಡಿರುವ ಈ ಸಿನಿಮಾಗೆ ಸಂಪತ್ ಕುಮಾರ್ ಅಡಪ ಬಂಡವಾಳ ಹೂಡಿದ್ದಾರೆ. ಸರಿ, ಈ ಚಿತ್ರವನ್ನ ಯಾಕೆ ನೋಡಬೇಕು, ಅಂತಹದ್ದೇನಿದೆ ಈ ಚಿತ್ರದಲ್ಲಿ ವಿಶೇಷತೆಗಳು ಎಂದು ನೋಡುವುದಾದರೇ ಈ ನಾಲ್ಕು ಅಂಶಗಳು ಸಾಕು, ನೀವು ಚಿತ್ರಮಂದಿರಕ್ಕೆ ಬರಲು. ಮುಂದೆ ಓದಿ.....
ದೇವರಾಜ್ ಮಗನ ಸಿನಿಮಾ
ಡೈನಾಮಿಕ್ ಹೀರೋ ದೇವರಾಜ್ ಅವರ ಮಗ ಪ್ರಜ್ವಲ್ ದೇವರಾಜ್ ಅವರ ಚಿತ್ರಗಳನ್ನ ನೋಡಿದ್ದೀರಾ. ಈಗ ದೇವರಾಜ್ ಅವರ ಎರಡನೇ ಮಗ ಕೂಡ ಚಿತ್ರರಂಗಕ್ಕೆ ಕಾಲಿಟ್ಟಿದ್ದಾರೆ. ದೇವರಾಜ್ ಮತ್ತು ಪ್ರಜ್ವಲ್ ನಂತರ ಪ್ರಣಾಮ್ ಹೇಗೆ ಆಕ್ಟ್ ಮಾಡಿರ್ತಾರೆ ಎಂಬುದನ್ನ ನೋಡುವುದಕ್ಕೆ 'ಕುಮಾರಿ 21F' ನೋಡಬೇಕು.
ರೀಮೇಕ್ ಚೆನ್ನಾಗಿರಬಹುದು.?
'ಕುಮಾರಿ 21F' ರೀಮೇಕ್ ಸಿನಿಮಾ. 2015 ರಲ್ಲಿ ಬಿಡುಗಡೆಯಾಗಿ ಸೂಪರ್ ಹಿಟ್ ಆಗಿದ್ದ ತೆಲುಗು ಸಿನಿಮಾ. ರಾಜ್ ತರುಣ್ ಹಾಗೂ ಹೆಬ್ಬಾ ಪಾಟೀಲ್ ಮುಖ್ಯ ಭೂಮಿಕೆಯಲ್ಲಿ ಕಾಣಿಸಿಕೊಂಡಿದ್ದರು. ಅಲ್ಲಿ ಸೂಪರ್ ಹಿಟ್ ಆಗಿದ್ದ ಚಿತ್ರವನ್ನ ಕನ್ನಡದಲ್ಲಿ ಮಾಡಿದ್ದಾರೆ. ಹೀಗಾಗಿ, ನಮ್ಮವರು ಸಿನಿಮಾ ಹೇಗೆ ತಯಾರಿಸಿದ್ದಾರೆ ಎಂಬ ಕುತೂಹಲಕ್ಕಾಗಿ ಈ ಸಿನಿಮಾ ನೋಡಬೇಕಾಗಿದೆ.
ಹೊಸಬರ ಜೋಡಿ
ಚಿತ್ರ ನಾಯಕ ಪ್ರಣಾಮ್ ದೇವರಾಜ್ ಗೆ ಇದು ಮೊದಲ ಸಿನಿಮಾ. ಇನ್ನು ಈ ಚಿತ್ರದ ನಾಯಕಿ ನಿಧಿ ಕುಶಾಲಪ್ಪ ಅವರಿಗೆ ಕೂಡ ಚೊಚ್ಚಲ ಸಿನಿಮಾ. ನಿರ್ದೇಶಕರಿಗೂ ಕೂಡ ಇದು ಮೊದಲ ಪ್ರಯತ್ನ. ಒಟ್ಟಾರೆ, ಎಲ್ಲ ಮೊದಲುಗಳು ಸೇರಿ ಈ ಸಿನಿಮಾವನ್ನ ತುಂಬಾ ಚೆನ್ನಾಗಿ ಮಾಡಿದೆ ಎಂಬ ಭರವಸೆಯಿಂದ ಈ ಸಿನಿಮಾ ನೋಡಬೇಕು.
ಟ್ರೈಲರ್ ಮಾಡಿರುವ ಮೋಡಿ
ತೆಲುಗಿನ ಸಿನಿಮಾ ನೋಡದ ಕನ್ನಡಿಗರಿಗೆ ಇದು ಹೊಸತು. ಟ್ರೈಲರ್ ನಿಂದಲೇ ಹೆಚ್ಚು ಗಮನ ಸೆಳೆದಿದೆ. ಇಂದಿನ ಯುವಜನಾಂಗ ಹೇಗಿರುತ್ತೆ ಎಂಬುದನ್ನ ತುಂಬಾ ನೈಜವಾಗಿ ಹಾಗೂ ಬೋಲ್ಡ್ ಆಗಿ ತೋರಿಸುತ್ತಿದ್ದಾರೆ. ಹಾಗಾಗಿ, 'ಕುಮಾರಿ 21F' ಚಿತ್ರವನ್ನ ನೋಡದೆ ಇರಲು ಯಾವುದೇ ಕಾರಣವಿಲ್ಲ.