ಗಾಂಧಿನಗರದ ಮೇನಕಾಕ್ಕೆ ಅಪ್ಪಳಿಸಲಿದೆ 'ಗವಿಪುರ'

ಕನ್ನಡ ಚಿತ್ರರಂಗ ಕಳೆದ ವರ್ಷದ ಅಂತ್ಯ ಹಾಗೂ ಈ ವರ್ಷದ ಆರಂಭದಲ್ಲಿ ಸಾಕಷ್ಟು ಹಿಟ್ ಚಿತ್ರಗಳನ್ನು ಪ್ರೇಕ್ಷಕರಿಗೆ ನೀಡಿ ಹೊಸ ಬದಲಾವಣೆಯ ಗಾಳಿ ಹಾಗೂ ಬೆಳಕಿಗೆ ಕಾರಣವಾಗಿದೆ. ಸಾಕಷ್ಟಿ ನಿರೀಕ್ಷೆಯ ಚಿತ್ರವಾದ ಚಿಂಗಾರಿ ಬಿಡುಗಡೆಯಾಗಿ ಗಳಿಕೆಯಲ್ಲಿ ದಾಖಲೆಯತ್ತ ಸಾಗುತ್ತಿದೆ. ಇದೀಗ ನಿರೀಕ್ಷೆಗಳಿಲ್ಲದ ಹೊಸಬರ ಚಿತ್ರಗಳು ತೆರೆಗೆ ಬರಲು ಸಾಲುಸಾಲಾಗಿ ನಿಂತಿವೆ.

ಈ ಸಾಲಿನಲ್ಲಿ ನಿಲ್ಲುವ ಚಿತ್ರಗಳಲ್ಲೊಂದು 'ಗವಿಪುರ'. ಸೂರಜ್ ಸಾಸ್ನೂರ್ ಹಾಗೂ ಸೌಜನ್ಯ ಹೊಸ ತಾರಾಗಣದ ಈ ಚಿತ್ರವನ್ನು ಮಾರಿಕಣ್ಣು ಕುಮಾರ್ ನಿರ್ದೇಶಿಸಿದ್ದಾರೆ. ಜಗನ್ನಾಥ್ ಹೆಗಡೆ (ಶಿರಸಿ) ನಿರ್ಮಾಣದ ಈ ಚಿತ್ರ ಸ್ವಲ್ಪವೂ ಸದ್ದುಗದ್ದಲವಿಲ್ಲದೇ ತೆರೆಗೆ ಬರುತ್ತಿದೆ.

ಎ ನರಸಿಂಹ ಕಥೆಯನ್ನು ನಿರ್ದೇಶಿಸುತ್ತಿರುವ ಮಾರಿಕಣ್ಣು ಕುಮಾರ್ ಚಿತ್ರ ಗವಿಪುರಕ್ಕೆ ರಾಜೇಶ್ ರಾಮನಾಥ್ ಸಂಗೀತವಿದೆ. ಜೆಜಿ ಕೃಷ್ಣ ಕ್ಯಾಮರಾ, ಡಿಫರೆಂಟ್ ಡ್ಯಾನಿ ಸಾಕಸ, ಸೌಂದರ್ ರಾಜ್ ಸಂಕಲನ, ಮಾಲೂರು ಶ್ರೀನಿವಾಸ್ ನೃತ್ಯ ನಿರ್ದೆಶನ ಈ ಚಿತ್ರಕ್ಕಿದೆ. ಜಾತ್ಯಾತೀತ ಪ್ರೇಮ...... ಅಡಿಬರಹದ ಈ ಚಿತ್ರ ಬೆಂಗಳೂರಿನ ಮೇನಕಾ ಹಾಗೂ ರಾಜ್ಯಾದ್ಯಂತ ಈ ಶುಕ್ರವಾರ (10-2-2012) ತೆರೆಕಾಣಲಿದೆ. (ಒನ್ ಇಂಡಿಯಾ ಕನ್ನಡ)