ಸದ್ಯದಲ್ಲೇ ಹಸೆಮಣೆ ಏರಲಿದ್ದಾರೆ ಈ 6 ಸೆಲೆಬ್ರಿಟಿಗಳು

ಅಗ್ನಿಸಾಕ್ಷಿ ವಿಜಯ್ ಸೂರ್ಯ

ಪ್ರೇಮಿಗಳ ದಿನದಂದು (ಫೆಬ್ರವರಿ 14) ನಟ ವಿಜಯ್ ಸೂರ್ಯ ಮದುವೆ ನಡೆಯಲಿದೆ. ಸಾಫ್ಟ್ ವೇರ್ ಎಂಜಿನಿಯರ್ ಆಗಿರುವ ತಮ್ಮ ದೂರದ ಸಂಬಂಧಿ ಚೈತ್ರಾ ಅವರನ್ನ ವಿಜಯ್ ಸೂರ್ಯ ವಿವಾಹವಾಗಲಿದ್ದಾರೆ. ಸಾಫ್ಟ್ ವೇರ್ ಎಂಜಿನಿಯರ್ ಆಗಿರುವ ಚೈತ್ರಾಗೆ ಇನ್ನೂ 23 ವರ್ಷ ವಯಸ್ಸು.

ದಾಂಪತ್ಯ ಜೀವನಕ್ಕೆ ನೇಹಾ ಪಾಟೀಲ್

'ಸ್ಮೈಲ್ ಪ್ಲೀಸ್' ಸೇರಿದಂತೆ ಕನ್ನಡದ ಹಲವು ಸಿನಿಮಾಗಳಲ್ಲಿ ನಾಯಕಿ ಆಗಿ ಅಭಿನಯಿಸಿರುವ ಕಿರುತೆರೆಯಲ್ಲೂ ಮಿಂಚಿರುವ ನಟಿ ನೇಹಾ ಪಾಟೀಲ್ ಗೆ ಮದುವೆ ಫಿಕ್ಸ್ ಆಗಿದೆ. ಇದೇ ತಿಂಗಳು... ಅಂದ್ರೆ ಫೆಬ್ರವರಿ 21 ಮತ್ತು 22 ರಂದು ನೇಹಾ ಪಾಟೀಲ್ ಕಲ್ಯಾಣ ನಡೆಯಲಿದೆ. ಬೆಂಗಳೂರಿನ ವಿಜಯನಗರ ಬಳಿ ಇರುವ ಶ್ರೀ ಬಸವೇಶ್ವರ ಸುಗುಣ ಕಲ್ಯಾಣ ಮಂಟಪದಲ್ಲಿ ನೇಹಾ ಪಾಟೀಲ್ ವಿವಾಹ ಮಹೋತ್ಸವ ನೆರವೇರಲಿದೆ. ಹುಬ್ಬಳ್ಳಿ ಮೂಲದ ನೇಹಾ ಪಾಟೀಲ್ ಬೆಂಗಳೂರಿನ ಎಂಜಿನಿಯರ್ ಪ್ರಣವ್ ಎಂಬುವರನ್ನು ವರಿಸಲಿದ್ದಾರೆ. ಇದು ಪಕ್ಕಾ ಅರೇಂಜ್ಡ್ ಮ್ಯಾರೇಜ್

'ಕುಲವಧು' ಅಮೃತಾ ಮದುವೆ

'ಕುಲವಧು' ಧಾರಾವಾಹಿ ಖ್ಯಾತಿಯ ವಚನಾ ಅಲಿಯಾಸ್ ಅಮೃತಾಗೂ ಕಂಕಣ ಬಲ ಕೂಡಿ ಬಂದಿದೆ. ಕಿರುತೆರೆ ನಟ ರಘು ಜೊತೆ ಅಮೃತಾ ಮದುವೆ ನಿಶ್ಚಯ ಆಗಿದೆ. 'ಮಿಸ್ಟರ್ ಅಂಡ್ ಮಿಸಸ್ ರಂಗೇಗೌಡ' ಧಾರಾವಾಹಿಯಲ್ಲಿ ಒಟ್ಟಿಗೆ ಅಭಿನಯಿಸಿದ್ದ ರಘು ಮತ್ತು ಅಮೃತಾ ಪರಸ್ಪರ ಪ್ರೀತಿ ಮಾಡುತ್ತಿದ್ದರು. ಇಬ್ಬರ ಪ್ರೀತಿಗೆ ಕುಟುಂಬದವರು ಒಪ್ಪಿಗೆ ನೀಡಿದ್ದು, ಇತ್ತೀಚೆಗಷ್ಟೇ ನಿಶ್ಚಿತಾರ್ಥ ಕೂಡ ನೆರವೇರಿದೆ. ಮೇ 12 ಮತ್ತು 13 ರಂದು ರಘು ಮತ್ತು ಅಮೃತಾ ವಿವಾಹ ಮಹೋತ್ಸವ ನಡೆಯಲಿದೆ.

ಅನನ್ಯ ಕಾಸರವಳ್ಳಿ ಕಲ್ಯಾಣ

ನಿರ್ದೇಶಕ ಗಿರೀಶ್ ಕಾಸರವಳ್ಳಿ ಮಗಳು ಅನನ್ಯ ಕಾಸರವಳ್ಳಿ ಅವರ ಮದುವೆ ಇದೇ ಫೆಬ್ರವರಿ 22ರಂದು ನಡೆಯಲಿದೆ. ಎಂ.ಎಸ್.ಸಂತೋಷ್ ಅವರೊಂದಿಗೆ ಅನನ್ಯ ಕಾಸರವಳ್ಳಿ ಮದುವೆಗೆ ಮುಹೂರ್ತ ನಿಗದಿಯಾಗಿದೆ.

ಕಿರಣ್-ಹಿತಾ ಚಂದ್ರಶೇಖರ್ ಕಲ್ಯಾಣ

ಸಿಹಿ ಕಹಿ ಚಂದ್ರು-ಸಿಹಿ ಕಹಿ ಗೀತಾ ಪುತ್ರಿ... ಕನ್ನಡ ಚಿತ್ರ ನಟಿ ಹಿತಾ ಚಂದ್ರಶೇಖರ್ ಪ್ರೀತಿಯಲ್ಲಿ ಬಿದ್ದಿದ್ದಾರೆ. ನಟ ಕಿರಣ್ ಶ್ರೀನಿವಾಸ್ ರನ್ನ ಹಿತಾ ಚಂದ್ರಶೇಖರ್ ಲವ್ ಮಾಡುತ್ತಿದ್ದಾರಂತೆ. ಹಿತಾ ಚಂದ್ರಶೇಖರ್-ಕಿರಣ್ ಶ್ರೀನಿವಾಸ್ ಲವ್ ಮಾಡುತ್ತಿರುವ ವಿಚಾರವನ್ನು ಜಗಜ್ಜಾಹೀರು ಮಾಡಿದ್ದು ನಟಿ ಸೋನು ಗೌಡ. ಸೋಷಿಯಲ್ ಮೀಡಿಯಾದಲ್ಲಿ 'ಒಂಥರಾ ಬಣ್ಣಗಳು' ಜೋಡಿ ಲವ್ ಮಾಡುತ್ತಿದ್ದಾರೆ ಅಂತ ಸೋನು ಗೌಡ ಬರೆದುಕೊಂಡಿದ್ದಾರೆ. ಸದ್ಯಕ್ಕೆ ಮದ್ವೆ ಬಗ್ಗೆ ಸ್ಪಷ್ಟನೆ ಇಲ್ಲ.