ನಾಳೆ (ಶುಕ್ರವಾರ) ಆರು ಕನ್ನಡ ಚಿತ್ರಗಳ ಬಿಡುಗಡೆ

ಶುಕ್ರವಾರ ಅಂದ್ರೆ ಸಿನಿ ಹಬ್ಬ. ಈ ವಾರ ಆರು ಕನ್ನಡ ಸಿನಿಮಾಗಳು ತೆರೆಗೆ ಬರುತ್ತಿದೆ. ವಿಶೇಷ ಅಂದರೆ, ಈ ಎಲ್ಲವೂ ಹೊಸ ನಿರ್ದೇಶಕರ ಸಿನಿಮಾಗಳಾಗಿವೆ.

'ಉಂಡುಬಾ', 'ನನ್ನ ಪ್ರಕಾರ', 'ರಾಂಧವ', 'ಫ್ಯಾನ್', 'ಕಲ್ಪನಾ ವಿಲಾಸಿ', 'ವಿಜಯಯಾತ್ರ' ಈ ವಾರ ಆಗಸ್ಟ್‌ 23 ರಂದು ರಿಲೀಸ್ ಆಗುತ್ತಿರುವ ಸಿನಿಮಾಗಳಾಗಿವೆ.

'ಉಂಡುಬಾ' ಪಕ್ಕಾ ಆಕ್ಷನ್ ಕಮ್ ಲವ್ ಸ್ಟೋರಿ ಹೊಂದಿದ್ದು, ಕಡಲ ತೀರದ ಕಥೆ ಹೊಂದಿದೆ. ಈಗಾಗಲೇ ಚಿತ್ರದ ಟ್ರೇಲರ್ ಗಮನ ಸೆಳೆದಿದೆ. ನಟ ಪವನ್ ಉದ್ದದ ಡೈಲಾಗ್ ಹೇಳಿ ದಾಖಲೆ ಮಾಡಿದ್ದಾರೆ. ನಾಯಕಿಯಾಗಿ ಚಿರಶ್ರೀ ಕಾಣಿಸಿಕೊಂಡಿದ್ದಾರೆ. ಶಿವರಾಜ್ ಚಿತ್ರದ ನಿರ್ದೇಶನ ಮಾಡಿದ್ದು, ಹೇಮಂತ್ ರಾವ್ ಹಾಗೂ ವೆಂಕಟ್ ರೆಡ್ಡಿ ನಿರ್ಮಾಣ ಮಾಡಿದ್ದಾರೆ.

'ನನ್ನ ಪ್ರಕಾರ' ಪ್ರಿಯಾ ಮಣಿ, ಕಿಶೋರ್ ಹಾಗೂ ಮಯೂರಿ ನಟನೆಯ ಸಿನಿಮಾವಾಗಿದೆ. ವಿನಯ್ ಬಾಲಾಜಿ ಚಿತ್ರದ ನಿರ್ದೇಶನ ಮಾಡಿದ್ದಾರೆ.

'ರಾಂಧವ' ಭುವನ್ ಪೊನ್ನಣ್ಣ ನಟನೆಯ ಸಿನಿಮಾವಾಗಿದೆ. ಸುನೀಲ್ ಆಚಾರ್ಯ ಮೊದಲ ಬಾರಿಗೆ ನಿರ್ದೇಶನ ಮಾಡಿದ್ದಾರೆ. ಇದೊಂದು ಕ್ರೈಮ್ ಥ್ರಿಲ್ಲರ್ ಸಿನಿಮಾವಾಗಿದೆ.

ಈ ಸಿನಿಮಾಗಳ ಜೊತೆಗೆ 'ಫ್ಯಾನ್', 'ಕಲ್ಪನಾ ವಿಲಾಸಿ', ಹಾಗೂ 'ವಿಜಯಯಾತ್ರ' ಚಿತ್ರಗಳು ಸಹ ಇದೇ ಶುಕ್ರವಾರ ಚಿತ್ರಮಂದಿರಕ್ಕೆ ಆಗಮಿಸುತ್ತಿದೆ.