ಈ ವಾರ ಬಿಡುಗಡೆಯಾಗುತ್ತಿವೆ ಆರು ಕನ್ನಡ ಚಿತ್ರಗಳು

'ಮಿಸ್ಸಿಂಗ್ ಬಾಯ್' ಚಿತ್ರಮಂದಿರದಲ್ಲಿ ಪ್ರತ್ಯಕ್ಷ

ನಿರ್ದೇಶಕ ರಘುರಾಮ್ 'ಮಿಸ್ಸಿಂಗ್ ಬಾಯ್' ಸಿನಿಮಾದ ಮೂಲಕ ಮತ್ತೆ ಪ್ರೇಕ್ಷಕರ ಮುಂದೆ ಬಂದಿದ್ದಾರೆ. ಕರ್ನಾಟಕದಲ್ಲಿ ನಡೆದ ನೈಜ ಫಟನೆಯೊಂದನ್ನು ಆಧಾರಾವಾಗಿ ಇಟ್ಟುಕೊಂಡು ಸಿನಿಮಾ ಮಾಡಿದ್ದಾರೆ. ಗುರುನಂದನ್ ಚಿತ್ರದ ನಾಯಕನಾಗಿದ್ದಾರೆ. 1973-74 ರಲ್ಲಿ ನಡೆದ ರೋಚಕ ಕಥೆಯು ಪರದೆ ಮೇಲೆ ಪ್ರಜ್ವಲಿಸಲು ಕೆಲವೇ ದಿನಗಳ ಬಾಕಿ ಇದೆ.

'ಉದ್ಘರ್ಷ' ಮೂಲಕ ಬಂದ ದೇಸಾಯಿ

ಥ್ರಿಲ್ಲರ್, ಸಸ್ಪೆನ್ಸ್ ಸಿನಿಮಾಗಳ ಮಾಸ್ಟರ್ ನಿರ್ದೇಶಕ ಸುನೀಲ್ ಕುಮಾರ್ ದೇಸಾಯಿ ಕಮ್ ಬ್ಯಾಕ್ ಮಾಡಿದ್ದಾರೆ. 'ಉದ್ಘರ್ಷ' ಸಿನಿಮಾ ಮೂಲಕ ಪ್ರೇಕ್ಷಕರಿಗೆ ಥ್ರಿಲ್ ನೀಡಲು ಬರುತ್ತಿದ್ದಾರೆ. ಚಿತ್ರದಲ್ಲಿ ನಟ ಅನೂಪ್ ಠಾಕೂರ್ ಸಿಂಗ್, ಶ್ರದ್ಧಾ ದಾಸ್, ತಾನ್ಯ ಹೋಪ್, ಕಿಶೋರ್, ಸಾಯಿ ಧನ್ಸಿಕಾ ಕಾಣಿಸಿಕೊಂಡಿದ್ದಾರೆ. ಈಗಾಗಲೇ ಟ್ರೇಲರ್ ಪ್ರೇಕ್ಷಕರ ಮನ ಗೆದ್ದಿದೆ.

'ಚಾಣಾಕ್ಷ'ನ ಅದೃಷ್ಟ ಪರೀಕ್ಷೆ

ನಟ ಧರ್ಮ ಕೀರ್ತಿರಾಜ್ ಮತ್ತೆ ಅದೃಷ್ಟ ಪರೀಕ್ಷೆಗೆ ಇಳಿದಿದ್ದಾರೆ. ಅವರ 'ಚಾಣಾಕ್ಷ' ಸಿನಿಮಾ ಇದೇ ಶುಕ್ರವಾರ ಬಿಡುಗಡೆಯಾಗುತ್ತಿದೆ. ಅರ್ಚನಾ ಹಾಗೂ ಸುರ್ಷಿತಾ ಸಿನಿಮಾದ ನಾಯಕಿಯರಾಗಿದ್ದಾರೆ. ಲವ್ ಹಾಗೂ ಆಕ್ಷನ್ ಹೊಂದಿರುವ ಕಮರ್ಷಿಯಲ್ ಸಿನಿಮಾ ಇದಾಗಿದೆ. ಮಹೇಶ್ ಚಿನ್ಮಯ್ ಈ ಸಿನಿಮಾದ ನಿರ್ದೇಶನ ಮಾಡಿದ್ದಾರೆ.

ಉಳಿದ ಸಿನಿಮಾಗಳು

'ಅಡಚಣೆಗಾಗಿ ಕ್ಷಮಿಸಿ', 'ಬದ್ರಿ ವರ್ಸಸ್ ಮಧುಮತಿ' ಹಾಗೂ 'ಪ್ರತ್ಯಂಗಿರ ಅಥರ್ವಣ' ಈ ಮೂರು ಸಿನಿಮಾಗಳು ಸಹ ಇದೇ ವಾರವೇ ಬಿಡುಗಡೆಯಾಗುತ್ತಿದೆ. 'ಅಡಚಣೆಗಾಗಿ ಕ್ಷಮಿಸಿ' ಸೈಕಾಲಜಿಕಲ್​​​, ಹಾರರ್​​​, ಸಸ್ಪೆನ್ಸ್ ಚಿತ್ರವಾಗಿದೆ. 'ಬದ್ರಿ ವರ್ಸಸ್ ಮಧುಮತಿ' ಆಕಾಂಕ್ಷ ನಟನೆಯ ಸಿನಿಮಾವಾಗಿದೆ.