Don't Miss!
- Automobiles Hyundai: ಹ್ಯುಂಡೈ ಎಕ್ಸ್ಟರ್ ಮೊದಲ ಅಪಘಾತ: ಮುಗಿಬಿದ್ದು ಖರೀದಿಸಿದವರು ಇದನ್ನೊಮ್ಮೆ ನೋಡಿ
- Lifestyle 3ನೇ ಬಾರಿ ಬಾಹ್ಯಾಕಾಶಕ್ಕೆ ಹಾರಲು ಮುಂದಾದ ಸುನೀತಾ ವಿಲಿಯಮ್ಸ್..!
- News ಡಾ.ಮಂಜುನಾಥ್ ಅವರಿಗೆ ಕೇಂದ್ರ ಸಚಿವ ಸ್ಥಾನ: ಸುಳಿವು ಕೊಟ್ಟ ಹೆಚ್ ಡಿ ದೇವೇಗೌಡ
- Sports T20 World Cup 2024: ವೀರೇಂದ್ರ ಸೆಹ್ವಾಗ್ ಆಯ್ಕೆಯ ಭಾರತ ತಂಡದಲ್ಲಿ ಪ್ರಮುಖ ಆಟಗಾರರಿಗೆ ಸ್ಥಾನವಿಲ್ಲ!
- Technology Realme: ರಿಯಲ್ಮಿ ನಾರ್ಜೋ 70 5G, ನಾರ್ಜೋ 70x 5G ಸ್ಮಾರ್ಟ್ಫೋನ್ ಲಾಂಚ್! ಸಖತ್ ಫೀಚರ್ಸ್... ಬೆಲೆ ಎಷ್ಟು?
- Finance ರಿಲಯನ್ಸ್ಗೆ 28,607 ಕೋಟಿ ನಷ್ಟ, ಕಾರಣ ಏನು ಗೊತ್ತೆ?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಶಿವಣ್ಣನ 'ಮಾಸ್ ಲೀಡರ್' ನೋಡಲು ಈ 6 ಕಾರಣಗಳು ಸಾಕು!
ಸೆಂಚುರಿ ಸ್ಟಾರ್ ಶಿವರಾಜ್ ಕುಮಾರ್ ಅಭಿನಯದ 'ಮಾಸ್ ಲೀಡರ್' ಸಿನಿಮಾ ಈ ವಾರ ರಾಜ್ಯಾದ್ಯಂತ 300ಕ್ಕೂ ಅಧಿಕ ಚಿತ್ರಮಂದಿರಗಳಲ್ಲಿ ತೆರೆಕಾಣುತ್ತಿದೆ. ಈ ಚಿತ್ರವನ್ನ ಮೊದಲ ದಿನವೇ ನೋಡಲೇಬೇಕು ಎಂದು ಚಿತ್ರಪ್ರೇಮಿಗಳು ಕಾಯುತ್ತಿದ್ದಾರೆ.
'ಮಾಸ್ ಲೀಡರ್' ಚಿತ್ರವನ್ನ ಯಾಕೆ ಮೊದಲ ದಿನವೇ ನೋಡಬೇಕು? ಶಿವಣ್ಣನ ಈ ಚಿತ್ರದಲ್ಲಿ ಏನಿದೆ ಅಂತಹ ವಿಶೇಷತೆ? ರೆಗ್ಯೂಲರ್ ಚಿತ್ರಗಳಿಗಿಂತ ಈ ಚಿತ್ರವೇಕೆ ಕುತೂಹಲ ಮೂಡಿಸಿದೆ? ಇಂತಹ ಪ್ರಶ್ನೆಗಳು ಕಾಡುವುದು ಸಹಜ.
ಅಂತಹ ಪ್ರಶ್ನೆಗಳಿಗೆ ಉತ್ತರ ಇಲ್ಲಿದೆ. 'ಮಾಸ್ ಲೀಡರ್' ಚಿತ್ರವನ್ನ ಯಾಕೆ ನೋಡಬೇಕು ಎನ್ನುವುದಕ್ಕೆ ಮುಖ್ಯವಾದ 6 ಕಾರಣಗಳನ್ನ ಪಟ್ಟಿ ಮಾಡಿದ್ದೀವಿ. ಈ 6 ಕಾರಣ ಸಾಕು ಈ ಚಿತ್ರವನ್ನ ಮೊದಲ ದಿನವೇ ನೋಡುವುದಕ್ಕೆ. ಏನದು ಪ್ರಮುಖ ಕಾರಣಗಳು? ಮುಂದೆ ಓದಿ.....
ಶಿವರಾಜ್ ಕುಮಾರ್ ಚಿತ್ರ
ಸ್ಯಾಂಡಲ್ ವುಡ್ ಕಿಂಗ್ ಶಿವರಾಜ್ ಕುಮಾರ್ ಚಿತ್ರವೆಂಬುದೇ 'ಮಾಸ್ ಲೀಡರ್' ಚಿತ್ರಕ್ಕೆ ಬಹುದೊಡ್ಡ ಶಕ್ತಿ. ಹೀಗಾಗಿ, ದೊಡ್ಮನೆ ಅಭಿಮಾನಿಗಳು ಈ ಚಿತ್ರವನ್ನ ನೋಡಲೇಬೇಕು.
ಮೊದಲ ಪ್ರೇಕ್ಷಕನಾಗಿ 'ಮಾಸ್ ಲೀಡರ್' ದರ್ಶನ ಪಡೆಯಲಿರುವ ಸುದೀಪ್
ಆರ್ಮಿ ಆಫೀಸರ್
ಶಿವಣ್ಣ ಈ ಚಿತ್ರದಲ್ಲಿ ಆರ್ಮಿ ಆಫೀಸರ್ ಆಗಿ ಕಾಣಿಸಿಕೊಂಡಿದ್ದಾರೆ. ಯೋಧನಾಗಿ ಭಾರತದ ಗಡಿ ಭಾಗದಲ್ಲಿ ಸಿಪಾಯಿ ಆಗಿ ಮಿಂಚಿದ್ದಾರೆ. ತುಂಬಾ ವರ್ಷದ ನಂತರ ಶಿವಣ್ಣ ಅವರನ್ನ ಈ ರೀತಿಯ ಪಾತ್ರದಲ್ಲಿ ನೋಡುವ ಅವಕಾಶ 'ಮಾಸ್ ಲೀಡರ್' ಚಿತ್ರದಿಂದ ಸಿಕ್ಕಿದೆ.
ದೇಶಭಕ್ತಿ ಕಥೆ
ಸ್ವತಂತ್ರ ದಿನೋತ್ಸದ ವಿಶೇಷವಾಗಿ ತೆರೆ ಕಾಣುತ್ತಿರುವ 'ಮಾಸ್ ಲೀಡರ್' ಚಿತ್ರ ದೇಶಭಕ್ತಿಯ ಕಥೆಯನ್ನ ಹೊಂದಿದೆ. ಡ್ರಗ್ಸ್ ಮಾಫಿಯಾ ದಂಧೆಯಿಂದ ದೇಶಕ್ಕೆ ಆಗುವ ಸಮಸ್ಯೆ, ಅನ್ಯಾಯ ವಿರುದ್ಧ ಹೋರಾಡುವ ನಾಯಕನಾಗಿ ಸೆಂಚುರಿ ಸ್ಟಾರ್ ಕಾಣಿಸಿಕೊಂಡಿದ್ದಾರೆ. ಇಂತಹ ಪಾತ್ರದಲ್ಲಿ ಶಿವಣ್ಣನನ್ನ ನೋಡಬಹುದು ಎಂಬ ಆಶಯ.
'ಮಾಸ್ ಲೀಡರ್'ಗಾಗಿ ಒಂದಾದ ಸ್ಯಾಂಡಲ್ ವುಡ್ ತಾರೆಯರು
ಶಿವಣ್ಣ ವರ್ಸಸ್ ಲೂಸ್ ಮಾದ
ಶಿವರಾಜ್ ಕುಮಾರ್ ನಾಯಕನಾಗಿರುವ ಈ ಚಿತ್ರದಲ್ಲಿ ಲೂಸ್ ಮಾದ ಯೋಗೇಶ್ ಕೂಡ ಅಭಿನಯಿಸಿದ್ದಾರೆ. ವಿಶೇಷ ಅಂದ್ರೆ ಈ ಚಿತ್ರದಲ್ಲಿ ಲೂಸ್ ಮಾದ ಅವರದ್ದು ವಿಲನ್ ಪಾತ್ರ. ಹಾಗಾಗಿ, ಶಿವಣ್ಣ ಎದುರು ಲೂಸ್ ಮಾದ ಖಳನಾಯಕನಾಗಿ ಖದರ್ ತೋರಿಸಲಿದ್ದಾರೆ. ಈ ಮೂಲಕ ಯೋಗಿ ಅಭಿಮಾನಿಗಳಿಗೂ ಇದು ತುಂಬ ಸ್ಪೆಷಲ್ ಸಿನಿಮಾ.
ಬಹುದೊಡ್ಡ ತಾರಬಳಗ
'ಮಾಸ್ ಲೀಡರ್' ಬಹುದೊಡ್ಡ ತಾರಬಳಗವನ್ನ ಹೊಂದಿರುವ ಚಿತ್ರ. ಶಿವರಾಜ್ ಕುಮಾರ್ ಜೊತೆಯಲ್ಲಿ ಪ್ರಣೀತಾ, ವಿಜಯ ರಾಘವೇಂದ್ರ, ಲೂಸ್ ಮಾದ ಯೋಗೀಶ್, ಗುರು ಜಗ್ಗೇಶ್, ಶರ್ಮಿಳಾ ಮಾಂಡ್ರೆ, ವಂಶಿ ಕೃಷ್ಣ, ಆಶಿಕಾ ರಂಗನಾಥ್, ಶ್ರೀನಗರ ಕಿಟ್ಟಿ ಅವರ ಮಗಳು, ಪ್ರಕಾಶ್ ಬೆಳವಾಡಿ ಸೇರಿದಂತೆ ಹಲವರು ಅಭಿನಯಿಸಿದ್ದಾರೆ.
ಟೈಟಲ್ ವಿವಾದ ಅಂತ್ಯ: 'ಮಾಸ್ ಲೀಡರ್' ಆಗಸ್ಟ್ 11ಕ್ಕೆ ರಿಲೀಸ್
ಸ್ವಮೇಕ್ ಸಿನಿಮಾ
ಈ ಎಲ್ಲ ಕಾರಣಗಳ ಜೊತೆ ಮತ್ತೊಂದು ಮುಖ್ಯವಾದ ಕಾರಣ ಅಂದ್ರೆ, ಮಾಸ್ ಲೀಡರ್ ಸ್ವಮೇಕ್ ಸಿನಿಮಾ. ರೀಮೇಕ್ ಸಿನಿಮಾಗಳು ಅಂದ್ರೆ ಅಸಡ್ಡೆ ತೋರುವ ಕನ್ನಡ ಪ್ರೇಕ್ಷಕರು ಖುಷಿಯಿಂದ ಈ ಚಿತ್ರವನ್ನ ನೋಡಬಹುದು.