ಕೊರೊನಾ ಪರಿಣಾಮ ರಾಷ್ಟ್ರೀಯ ಚಲನಚಿತ್ರ ಪ್ರಶಸ್ತಿ ಸಮಾರಂಭ ಮುಂದೂಡಿಕೆ

ಸಿನಿಮಾ ಆಯ್ಕೆ ಸಹ ನಡೆದಿಲ್ಲ

67ನೇ ರಾಷ್ಟ್ರೀಯ ಚಲನಚಿತ್ರ ಪ್ರಶಸ್ತಿಗೆ ಆಯ್ಕೆ ಸಹ ನಡೆದಿಲ್ಲ. ಜ್ಯೂರಿಗಳ ನಾಮನಿರ್ದೇಶನ ಆಗಿತ್ತೇ ಹೊರತು ಸಿನಿಮಾಗಳ ಆಯ್ಕೆ ಪ್ರಕ್ರಿಯೆಗೂ ಚಾಲನೆ ದೊರೆತಿರಲಿಲ್ಲ.

ಕಳೆದ ವರ್ಷವೂ ಸಮಾರಂಭ ವಿಳಂಬವಾಗಿತ್ತು

ಕಳೆದ ವರ್ಷವೂ ಸಹ 66 ನೇ ರಾಷ್ಟ್ರೀಯ ಚಲನಚಿತ್ರ ಪ್ರಶಸ್ತಿ ಸಮಾರಂಭ ವಿಳಂಬವಾಗಿತ್ತು. ಕಳೆದ ವರ್ಷ ಲೋಕಸಭೆ ಚುನಾವಣೆಗಳು ಇದ್ದ ಕಾರಣ ಸಮಾರಂಭವನ್ನು ಮುಂದೂಡಲಾಗಿತ್ತು. ಡಿಸೆಂಬರ್ ನಲ್ಲಿ ಪ್ರಶಸ್ತಿ ವಿತರಣೆ ನಡೆಯಿತು.

ಮುಂದಿನ ವರ್ಷ ಸಮಾರಂಭಕ್ಕೂ ತೊಂದರೆ

ಈ ವರ್ಷ ಎಲ್ಲೂ ಸಿನಿಮೋತ್ಸವಗಳು ನಡೆದಿಲ್ಲ, ಸಿನಿಮಾಗಳೂ ಸಹ ಹೆಚ್ಚು ನಿರ್ಮಾಣವಾಗಿಲ್ಲ. ಇದು ಮುಂದಿನ ವರ್ಷದ ರಾಷ್ಟ್ರೀಯ ಚಲನಚಿತ್ರ ಪ್ರಶಸ್ತಿಯ ಮೇಲೂ ಪರಿಣಾಮ ಬೀರಲಿದೆ ಎಂದು ಕಳೆದ ವರ್ಷ ಜ್ಯೂರಿ ಪ್ರಮುಖ ಆಗಿದ್ದ ಸಿನಿಕರ್ಮಿ ರಾಹುಲ್ ರವೇಲ್ ಹೇಳಿದ್ದಾರೆ.

ಮೇ 3 ರಂದೇ ಕಾರ್ಯಕ್ರಮ ಆಯೋಜನೆ ಏಕೆ?

1913 ಮೇ 3 ರಂದು ಭಾರತದ ಮೊತ್ತ ಮೊದಲ ಸಿನಿಮಾ ರಾಜಾ ಹರೀಶ್ಚಂದ್ರ ಬಿಡುಗಡೆ ಆಗಿತ್ತು ಎಂಬ ಕಾರಣಕ್ಕೆ 2012 ರಿಂದಲೂ ರಾಷ್ಟ್ರೀಯ ಚಲನಚಿತ್ರ ಪ್ರಶಸ್ತಿ ವಿತರಣೆ ಕಾರ್ಯಕ್ರಮವನ್ನು ಮೇ 3 ರಂದೇ ಮಾಡಿಕೊಂಡು ಬರಲಾಗುತ್ತಿದೆ.