Don't Miss!
- Sports ಐಪಿಎಲ್ನಿಂದ ದೂರವುಳಿದಿದ್ದ ಟೀಮ್ ಇಂಡಿಯಾ ವೇಗಿ ಟಿ20 ವಿಶ್ವಕಪ್ ಆಡುತ್ತಾರಾ?: ಆಟಗಾರ ಹೇಳಿದ್ದೇನು?
- Automobiles Mahindra Thar: ಸುಲಭವಾಗಿ ಆಫ್ರೋಡ್ ಕಿಂಗ್ ಖರೀದಿಸಬೇಕೆ?: ಆನ್ರೊಡ್ ಬೆಲೆ, EMI ಸಂಪೂರ್ಣ ಮಾಹಿತಿ!
- News ನೇಹಾ ಕೊಲೆಗೆ ಸಿಎಂ ತೀವ್ರ ಖಂಡನೆ: ಕೊಲೆಗಾರನಿಗೆ ಶಿಕ್ಷೆ ಕುರಿತು ಸಿದ್ದರಾಮಯ್ಯ ಹೇಳಿದ್ದೇನು?
- Technology Vivo: ಶೀಘ್ರದಲ್ಲೇ ವಿವೋ Y38 5G ಸ್ಮಾರ್ಟ್ಫೋನ್; ವಿನ್ಯಾಸ ಮತ್ತು ಫೀಚರ್ಸ್ ಲೀಕ್
- Finance Bengaluru Rain:ಬಿಸಿಗಾಳಿ ಹೆಚ್ಚಳದಿಂದ ಬೆಂಗಳೂರು ನಗರಕ್ಕೆ ಅಧಿಕ ಮಳೆ, ಐಎಂಡಿ ಹೇಳಿದ್ದೇನು?
- Lifestyle ಜೀವ ಸಂಗಾತಿಗೆ ಹುಟ್ಟು ಹಬ್ಬದಂದು ವಿಶ್ ಮಾಡಲು ಸುಂದರ ಸಾಲುಗಳ ಗ್ರೀಟಿಂಗ್ಸ್ ಇಲ್ಲಿದೆ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಪುನೀತ್ 'ನಟಸಾರ್ವಭೌಮ' ನೋಡಲು ಈ 7 ಕಾರಣಗಳು ಸಾಕು
Recommended Video
ಪವರ್ ಸ್ಟಾರ್ ಪುನೀತ್ ರಾಜ್ ಕುಮಾರ್, ಡಿಂಪಲ್ ಕ್ವೀನ್ ರಚಿತಾ ರಾಮ್, ತಮಿಳು ನಟಿ ಅನುಪಮಾ ಪರಮೇಶ್ವರನ್ ಅಭಿನಯದ ನಟಸಾರ್ವಭೌಮ ಸಿನಿಮಾ ಇದೇ ವಾರ (ಫೆಬ್ರವರಿ 7) ವರ್ಲ್ಡ್ ವೈಡ್ ತೆರೆಕಾಣುತ್ತಿದೆ.
ಅಂಜನಿಪುತ್ರದ ನಂತರ ಅಪ್ಪು ಅಭಿನಯದ ಸಿನಿಮಾ ಬರ್ತಿದ್ದು, ಈಗಾಗಲೇ ನಿರೀಕ್ಷೆ ಬೆಟ್ಟದಷ್ಟಿದೆ. ರಾಜ್ಯದ ಹಲವು ಕಡೆ ಮಿಡ್ ನೈಟ್ ಶೋಗಳು ಆಯೋಜನೆಯಾಗಿದ್ದು, ಬಹುದೊಡ್ಡ ಓಪನಿಂಗ್ ಪಡೆಯುವ ಸಾಧ್ಯತೆ ಇದೆ.
ನಟಸಾರ್ವಭೌಮ ನೋಡಲು ರಜೆ ಕೇಳಿ ವಿದ್ಯಾರ್ಥಿನಿ ಬರೆದ ಪತ್ರ ವೈರಲ್
ಇನ್ನು ಟೈಟಲ್ ನಿಂದಲೇ ವಿಶೇಷವೆನಿಸಿಕೊಂಡಿರುವ ಈ ಸಿನಿಮಾದಲ್ಲಿ ಅಂತಹದ್ದೇನಿದೆ. ಪುನೀತ್ ಅವರ ರೆಗ್ಯುಲರ್ ಚಿತ್ರಗಳಿಗಿಂತ ನಟಸಾರ್ವಭೌಮ ಹೇಗೆ ಸ್ಪೆಷಲ್ ಎಂದು ನೋಡುವುದಾರೇ ನಮಗೆ ಪ್ರಮುಖವಾಗಿ ಏಳು ಅಂಶಗಳು ಮೊದಲು ಕಾಣುತ್ತೆ. ಯಾವುದು ಅದು, ಮುಂದೆ ಓದಿ.....
ನಟಸಾರ್ವಭೌಮ ಟೈಟಲ್
ನಟಸಾರ್ವಭೌಮ ಅಂದ್ರೆ ಡಾ ರಾಜ್ ಕುಮಾರ್. ಅವರ ಹೆಸರಿನಲ್ಲಿ ಸಿನಿಮಾ ಮಾಡೋದು ಅಂದ್ರೆ ಅದು ಹೆಚ್ಚಿನ ಜವಾಬ್ದಾರಿ. ಈ ಶೀರ್ಷಿಕೆಯೊಂದು ಸಾಕು ಅಭಿಮಾನಿಗಳನ್ನ ಥಿಯೇಟರ್ ಗೆ ಕರೆದುಕೊಂಡು ಬರಲು. ಟೈಟಲ್ ಗೆ ತಕ್ಕಂತೆ ಅಪ್ಪು ಅಭಿನಯ ಕೂಡ ಇದೆ. ಇದು ಚಿತ್ರದ ಬಗ್ಗೆ ಕುತೂಹಲ ಹೆಚ್ಚಿಸಿದೆ.
'ನಟ ಸಾರ್ವಭೌಮ' ಶೀರ್ಷಿಕೆ ಕೇಳಿದ ಕೂಡಲೆ ಪುನೀತ್ ಗೆ ಟೆನ್ಷನ್ ಆಗಿತ್ತಂತೆ.!
ಮೊದಲ ಹಾರರ್ ಸಿನಿಮಾ
ನಟಸಾರ್ವಭೌಮ ಚಿತ್ರ ಹಾರರ್ ಕಾಮಿಡಿ ಥ್ರಿಲ್ಲರ್ ಅನ್ನೋದು ಅಧಿಕೃತವಾಗಿದೆ. ಇದೇ ಮೊದಲ ಸಲ ಹಾರರ್ ಚಿತ್ರದಲ್ಲಿ ಪುನೀತ್ ಅಭಿನಯಿಸಿದ್ದಾರೆ. ಚಿತ್ರದಲ್ಲಿ ದೆವ್ವ ಯಾರು, ಯಾರ ಮೈಮೇಲೆ ದೆವ್ವ ಬರುತ್ತೆ ಎಂಬುದು ಗೊತ್ತಿಲ್ಲ. ಆದ್ರೆ, ಅಪ್ಪು ಅಭಿನಯದ ನೋಡಿದ್ರೆ, ಫುಲ್ ಮಜಾ ಇದೆ ಅನ್ನೋದು ಪಕ್ಕಾ. ಈ ಎಂಟರ್ ಟೈನ್ಮೆಂಟ್ ಮಿಸ್ ಮಾಡಿಕೊಳ್ಳುವುದಕ್ಕೆ ಕನ್ನಡ ಅಭಿಮಾನಿಗಳು ಇಷ್ಟಪಡುವುದಿಲ್ಲ.
ಅಪ್ಪು ಲೈಫ್ ನಲ್ಲಿ ಫಸ್ಟ್ ಟೈಮ್ ಹೀಗಾಗ್ತಿರೋದು
ಫೋಟೋ ಜರ್ನಲಿಸ್ಟ್ ಪಾತ್ರ
ಹಾರರ್ ಸಿನಿಮಾ ಎನ್ನುವುದು ಎಷ್ಟು ಸ್ಪೆಷಲ್ ಆಗಿದ್ಯೋ ಅದೇ ರೀತಿ ಈ ಚಿತ್ರದಲ್ಲಿ ಪುನೀತ್ ಫೋಟೋ ಜರ್ನಲಿಸ್ಟ್ ಆಗಿ ಕಾಣಿಸಿಕೊಂಡಿರುವುದು ವಿಶೇಷ. ಜರ್ನಲಿಸ್ಟ್ ಪಾತ್ರದಲ್ಲೂ ಅಪ್ಪು ಅಭಿನಯಿಸುತ್ತಿರುವುದು ಮೊದಲ ಸಲ. ಹಾಗಾಗಿ, ಜರ್ನಲಿಸ್ಟ್ ಆಗಿ ಸಮಾಜಕ್ಕೆ ಯಾವ ರೀತಿ ಮಾದರಿಯಾಗ್ತಾರೆ ಎನ್ನುವುದನ್ನ ನೋಡಲು ಥ್ರಿಲ್ ಆಗಿದೆ.
ಅಪ್ಪು-ರಚಿತಾ ರಾಮ್
'ಚಕ್ರವ್ಯೂಹ' ಬಳಿಕ ಪುನೀತ್ ರಾಜ್ ಕುಮಾರ್ ಮತ್ತು ರಚಿತಾ ರಾಮ್ ಮತ್ತೆ ಒಂದಾಗಿದ್ದಾರೆ. ಆ ಚಿತ್ರಕ್ಕಿಂತ ಈ ಚಿತ್ರದಲ್ಲಿ ಮತ್ತಷ್ಟು ಮುದ್ದಾಗಿ ಕಾಣಿಸ್ತಿರುವ ಈ ಜೋಡಿ ಮೇಲೆ ಹೆಚ್ಚಿನ ನಿರೀಕ್ಷೆ ಇದೆ.
Interview: 'ನಟಸಾರ್ವಭೌಮ'ನ ರಹಸ್ಯ ಬಿಚ್ಚಿಟ್ಟ ರಚಿತಾ ರಾಮ್
ಪವನ್ ಒಡೆಯರ್-ಅಪ್ಪು
ಈ ಹಿಂದೆ ಪವನ್ ಒಡೆಯರ್ ಮತ್ತು ಪುನೀತ್ ಜೋಡಿಯಲ್ಲಿ ರಣವಿಕ್ರಮ ಸಿನಿಮಾ ಬಂದಿತ್ತು. ಆ ಚಿತ್ರದ ಬಳಿಕ ಈಗ ನಟಸಾರ್ವಭೌಮ ಬರ್ತಿದ್ದು, ಇವರಿಬ್ಬರ ಕಾಂಬಿನೇಷನ್ ಮೇಲೆಯೂ ಭರವಸೆ ಇದೆ.
'ನಟ ಸಾರ್ವಭೌಮ' ಕ್ರೇಜ್ ಅಂದ್ರೆ ಇದು: ಊರ್ವಶಿಯಲ್ಲಿ ಮುಂಜಾನೆ 4 ಗಂಟೆ ಶೋ ಟಿಕೆಟ್ಸ್ ಸೋಲ್ಡ್ ಔಟ್.!
ರಾಕ್ ಲೈನ್ ಸಿನಿಮಾ
ನಟಸಾರ್ವಭೌಮ ಚಿತ್ರವನ್ನ ನಿರ್ಮಾಣ ಮಾಡಿರುವುದು ರಾಕ್ ಲೈನ್ ವೆಂಕಟೇಶ್. ಹಾಗಾಗಿ, ಈ ಚಿತ್ರ ತುಂಬಾ ಅದ್ಧೂರಿಯಾಗಿ ಮೂಡಿಬಂದಿರುತ್ತೆ ಅನ್ನೋದ್ರಲ್ಲಿ ಯಾವುದು ಅನುಮಾನವಿಲ್ಲ. ದುಬಾರಿ ಸೆಟ್, ಲೋಕೇಶನ್, ಕಾಸ್ಟ್ಯೂಮ್, ಹಾಡುಗಳು, ಫೈಟ್ ಹೀಗೆ ಎಲ್ಲವೂ ರಿಚ್ ಆಗಿ ಬಂದಿರುತ್ತೆ. ಅಷ್ಟೇ ಅಲ್ಲದೇ ಮೌರ್ಯ ಮತ್ತು ಅಜಯ್ ಚಿತ್ರಗಳ ನಂತರ ರಾಕ್ ಲೈನ್ ಮತ್ತು ಪುನೀತ್ ಜೋಡಿಯಲ್ಲಿ ಬರ್ತಿರುವ ಸಿನಿಮಾ ಇದು.
ಡಿ ಇಮ್ಮಾನ್ ಸಂಗೀತ
ನಟಸಾರ್ವಭೌಮ ಚಿತ್ರದ ಆಡಿಯೋ ಹಿಟ್ ಆಗಿದೆ. ಡ್ಯಾನ್ಸ್ ವಿತ್ ಅಪ್ಪು ಅಂತಾ ಅಭಿಮಾನಿಗಳು ಥ್ರಿಲ್ ಆಗಿದ್ದಾರೆ. ಡಿ ಇಮ್ಮಾನ್ ಈ ಚಿತ್ರಕ್ಕೆ ಸಂಗೀತ ನೀಡಿದ್ದು, ಮತ್ತಷ್ಟು ಜೋಶ್ ಹೆಚ್ಚಿಸಿದೆ. ಈ ಹಿಂದೆ ಕನ್ನಡದಲ್ಲಿ ಕೋಟಿಗೊಬ್ಬ 2 ಚಿತ್ರಕ್ಕೆ ಇಮ್ಮಾನ್ ಸಂಗೀತ ನೀಡಿದ್ದರು. ಇಷ್ಟೆಲ್ಲಾ ವಿಶೇಷತೆಗಳ ಜೊತೆಗೆ ಅನುಪಮಾ ಪರಮೇಶ್ವರನ್, ರವಿಶಂಕರ್ ನಟನೆ ಚಿತ್ರಕ್ಕೆ ಕಿಕ್ ನೀಡಿದೆ.