Don't Miss!
- Automobiles Bangaluru: ನಮ್ಮ ಯಾತ್ರಿ ಕ್ಯಾಬ್ ಸೇವೆ ಆರಂಭ.. ಎಷ್ಟಿದೆ ದರ?
- Sports LSG vs CSK IPL 2024: ಲಕ್ನೋ vs ಚೆನ್ನೈ ಪಂದ್ಯದ ವರದಿ, ಫ್ಯಾಂಟಸಿ ಡ್ರೀಮ್ ಟೀಂ, ಸಂಭಾವ್ಯ ಆಡುವ 11ರ ಬಳಗ
- News ಚಾಮರಾಜನಗರ: ಚೊಂಬುಗಳ ಪಾರ್ಟಿ ಕಾಂಗ್ರೆಸ್
- Lifestyle ಮಸಾಲ ಭರಿತ ಬಿಸಿ ಬಿಸಿ ಪೊಂಗಲ್ ಮಾಡೋದು ಹೇಗೆ..? ಏನಿದರ ರೆಸಿಪಿ?
- Finance n. r. narayana murthy ಐದು ತಿಂಗಳ ಮೊಮ್ಮಗನಿಗೆ 4.2 ಕೋಟಿ ಇನ್ಫೋಸಿಸ್ ಲಾಭ
- Technology ವಿವೋ V30e ಸ್ಮಾರ್ಟ್ಫೋನ್ ಲಾಂಚ್ಗೆ ದಿನಾಂಕ ಫಿಕ್ಸ್! ಬೆಲೆ, ಕ್ಯಾಮೆರಾ, ವಿನ್ಯಾಸ ವಿವರ ಇಲ್ಲಿದೆ..
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಹೊಸ ದಾಖಲೆ ಬರೆಯಲು ಸಿದ್ಧವಾಗಿದೆ ಉಪೇಂದ್ರ-ಆರ್.ಚಂದ್ರು ಚಿತ್ರ 'ಕಬ್ಜ'
Recommended Video
ಪ್ಯಾನ್ ಇಂಡಿಯಾ ಲೆವೆಲ್ ನಲ್ಲಿ ರಾಕಿಂಗ್ ಸ್ಟಾರ್ ಯಶ್ ಅಭಿನಯದ 'ಕೆ.ಜಿ.ಎಫ್' ಮತ್ತು ಕಿಚ್ಚ ಸುದೀಪ್ ನಟನೆಯ 'ಪೈಲ್ವಾನ್' ಸದ್ದು ಮಾಡಿದ್ಮೇಲೆ ಅದೇ ಟ್ರೆಂಡ್ ನ ಮುಂದುವರೆಸಲು ಆರ್.ಚಂದ್ರು ಮನಸ್ಸು ಮಾಡಿದ್ದಾರೆ. ಈ ಬಾರಿ ಪ್ಯಾನ್ ಇಂಡಿಯಾ ಮಟ್ಟಕ್ಕೆ ಸದ್ದು ಮಾಡಲು ಆರ್.ಚಂದ್ರು ಜೊತೆಗೆ ರಿಯಲ್ ಸ್ಟಾರ್ ಉಪೇಂದ್ರ ಕೈಜೋಡಿಸಿದ್ದಾರೆ.
'ಐ ಲವ್ ಯು' ಚಿತ್ರದ ಬಳಿಕ ನಿರ್ದೇಶಕ ಆರ್.ಚಂದ್ರು ಮತ್ತು ಉಪೇಂದ್ರ ಮತ್ತೊಂದು ಬಾರಿ ಒಂದಾಗಿದ್ದಾರೆ. ಅಂದು ಲವ್ ಸ್ಟೋರಿ ಹೇಳಿದ್ದ ಈ ಜೋಡಿ ಇಂದು 'ಕಬ್ಜ' ಮೂಲಕ ಓರ್ವ ಡಾನ್ ಕಥೆಯನ್ನ ಹೇಳಲು ಹೊರಟಿದ್ದಾರೆ. ಹಾಗಂತ 'ಕಬ್ಜ' ಮಾಮೂಲಿ ರೌಡಿಸಂ ಕಥೆ ಅಂತ ಮೂಗು ಮುರಿಯಬೇಡಿ. 'ಕಬ್ಜ' ಮೂಲಕ ಹೊಸ ದಾಖಲೆ ಬರೆಯಲು ನಿರ್ದೇಶಕ ಆರ್.ಚಂದ್ರು ಸಕಲ ಸಿದ್ಧತೆ ಮಾಡಿಕೊಂಡಿದ್ದಾರೆ.
'ಕಬ್ಜ' ಚಿತ್ರದಲ್ಲಿ ವಿವಿಧ ಭಾಷೆಯ ಏಳು ಜನಪ್ರಿಯ ಖಳನಟರು ಅಭಿನಯಿಸಲಿದ್ದಾರೆ. ಸಾಲದಕ್ಕೆ ಐನೂರು ಜನ ಗ್ಯಾಂಗ್ ಸ್ಟಾರ್ ಗಳು 'ಕಬ್ಜ' ಚಿತ್ರದಲ್ಲಿ ಇರಲಿದ್ದಾರೆ. 'ಕಬ್ಜ' ಪ್ಯಾನ್ ಇಂಡಿಯಾ ಚಿತ್ರವಾಗಲಿದ್ದು, ಬಹುಕೋಟಿ ವೆಚ್ಚದಲ್ಲಿ ತಯಾರಾಗಲಿದೆ. ನಾಲ್ಕು ರಾಜ್ಯಗಳಲ್ಲಿ 'ಕಬ್ಜ' ಚಿತ್ರೀಕರಣಗೊಳ್ಳಲಿದೆ. ಇಷ್ಟೆಲ್ಲ ವಿಶೇಷತೆಗಳನ್ನು ಹೊಂದಿರುವ 'ಕಬ್ಜ' ಹೊಸ ರೆಕಾರ್ಡ್ ಮಾಡಲು ರೆಡಿ ಆಗಿದೆ. ಮುಂದೆ ಓದಿರಿ...
ಏಳು ಮಂದಿ ಖಳನಟರು.!
ರಿಯಲ್ ಸ್ಟಾರ್ ಉಪೇಂದ್ರ ಅಭಿಮಾನಿಗಳ ಕುತೂಹಲ ಹೆಚ್ಚಿಸುವ ಸುದ್ದಿ ಇದೇ ನೋಡಿ. 'ಕಬ್ಜ' ಚಿತ್ರದಲ್ಲಿ ಉಪೇಂದ್ರ ಎದುರಿಗೆ ಏಳು ಮಂದಿ ಖಳನಾಯಕರು ಘರ್ಜಿಸಲಿದ್ದಾರೆ. ಕನ್ನಡದ ಪ್ರಕಾಶ್ ರೈ, ತೆಲುಗಿನ ಜಗಪತಿ ಬಾಬು, ಹಿಂದಿಯ ನಾನಾ ಪಾಟೇಕರ್, ಪ್ರದೀಪ್ ರಾವತ್, ಮನೋಜ್ ಬಾಜ್ಪೇಯಿ, ತಮಿಳಿನ ಸಮುದ್ರಖಣಿ ಮತ್ತು ಜಯಪ್ರಕಾಶ್ ರೆಡ್ಡಿ.. ಹೀಗೆ ವಿವಿಧ ಭಾಷೆಯ ಏಳು ಮಂದಿ ಖಳನಾಯಕರು 'ಕಬ್ಜ' ಚಿತ್ರದಲ್ಲಿ ಮಿಂಚಲಿದ್ದಾರೆ.
ಹಿಂದಿ ದಿವಸ್ ದಿನವೇ ಕನ್ನಡ ಚಿತ್ರಕ್ಕೆ ಹಿಂದಿ ಟೈಟಲ್
ಎಲ್ಲರೂ ವಿಲನ್.?
'ಕಬ್ಜ' ಚಿತ್ರದಲ್ಲಿ ವಿವಿಧ ಭಾಷೆಯ ಜನಪ್ರಿಯ ವಿಲನ್ ಗಳು ಬಣ್ಣ ಹಚ್ಚಲಿದ್ದಾರೆ ಎಂಬ ಗುಟ್ಟನ್ನ ಸದ್ಯಕ್ಕೆ ನಿರ್ದೇಶಕ ಆರ್.ಚಂದ್ರು ಬಿಟ್ಟುಕೊಟ್ಟಿದ್ದಾರೆ. ಆದ್ರೆ, 'ಕಬ್ಜ' ಚಿತ್ರದಲ್ಲಿ ಇವರೆಲ್ಲರೂ ಖಳನಟರಾಗಿಯೇ ಅಬ್ಬರಿಸುತ್ತಾರಾ ಎಂಬುದು ಇನ್ನೂ ಸಸ್ಪೆನ್ಸ್ ಆಗೇ ಉಳಿದಿದೆ. ಇದಲ್ಲದೇ 'ಕಬ್ಜ' ಚಿತ್ರದಲ್ಲಿ ಬರೋಬ್ಬರಿ ಐನೂರು ಜನ ಗ್ಯಾಂಗ್ ಸ್ಟರ್ ಆಗಿ ನಟಿಸಲಿದ್ದಾರೆ. ಪ್ರತಿ ಫ್ರೇಮ್ ನಲ್ಲೂ ಗ್ಯಾಂಗ್ ಸ್ಟರ್ ಗಳು ಇರಲಿದ್ದಾರೆ ಅಂತಾರೆ ಆರ್.ಚಂದ್ರು.
ಬಹು ಭಾಷೆಯಲ್ಲಿ ತಯಾರಾಗಲಿದೆ 'ಕಬ್ಜ'
ಉಪೇಂದ್ರ ಮತ್ತು ಆರ್.ಚಂದ್ರು ಕಾಂಬಿನೇಶನ್ ನಲ್ಲಿ ಮೂಡಿಬರುತ್ತಿರುವ 'ಕಬ್ಜ' ಚಿತ್ರ ಬಹು ಭಾಷೆಯಲ್ಲಿ ತಯಾರಾಗಲಿದೆ. ಕನ್ನಡ, ತೆಲುಗು, ತಮಿಳು, ಹಿಂದಿ ಸೇರಿದಂತೆ ಏಳು ಭಾಷೆಯಲ್ಲಿ 'ಕಬ್ಜ' ಚಿತ್ರವನ್ನ ತೆರೆಗೆ ತರಲು ಸಕಲ ಸಿದ್ಧತೆ ನಡೆಯುತ್ತಿದೆ. ಇದಕ್ಕಾಗಿ ನಾಲ್ಕು ರಾಜ್ಯಗಳಲ್ಲಿ ಚಿತ್ರೀಕರಣ ನಡೆಸಲು ಚಿತ್ರತಂಡ ಪ್ಲಾನ್ ಮಾಡಿದೆ. ನವೆಂಬರ್ 15 ರಿಂದ 'ಕಬ್ಜ' ಚಿತ್ರದ ಶೂಟಿಂಗ್ ಶುರುವಾಗಲಿದ್ದು, ಮುಂಬೈ, ಕಲ್ಕತ್ತ, ಹೈದರಾಬಾದ್, ಮದುರೈ, ಮಂಗಳೂರಿನಲ್ಲಿ ಶೂಟಿಂಗ್ ಶೆಡ್ಯೂಲ್ ಇರಲಿದೆ.
ವರ್ಕೌಟ್ ನಲ್ಲಿ ಉಪೇಂದ್ರ ಬಿಜಿ.!
'ಬುದ್ಧಿವಂತ-2' ಚಿತ್ರೀಕರಣ ಮುಗಿಸಿಕೊಟ್ಟಿರುವ ಉಪೇಂದ್ರ ಸದ್ಯಕ್ಕೆ 'ಕಬ್ಜ' ಚಿತ್ರಕ್ಕೆ ಮಾತ್ರ ಗ್ರೀನ್ ಸಿಗ್ನಲ್ ಕೊಟ್ಟಿದ್ದಾರೆ. 'ಕಬ್ಜ' ಚಿತ್ರದಲ್ಲಿ ಅಂದಕಾಲತ್ತಿಲ್ ಡಾನ್ ಆಗಿ ಉಪೇಂದ್ರ ಕಾಣಿಸಿಕೊಳ್ಳಬೇಕು. ಹೀಗಾಗಿ ತಮ್ಮ ದೇಹವನ್ನ ಹುರಿಗೊಳಿಸಲು ಉಪೇಂದ್ರ ಪ್ರತಿ ದಿನ ಮಿಸ್ ಇಲ್ಲದೇ ವರ್ಕೌಟ್ ಮಾಡುತ್ತಿದ್ದಾರೆ. ಅಂದ್ಹಾಗೆ, ಉಪೇಂದ್ರಗೆ ಈ ಚಿತ್ರದಲ್ಲಿ ನಾಯಕಿ ಯಾರಾಗ್ತಾರೆ ಎಂಬುದಿನ್ನೂ ತಿಳಿದು ಬಂದಿಲ್ಲ. ಗೊತ್ತಾದ ಕೂಡಲೆ ನಿಮಗೆ ಹೇಳ್ತೀವಿ, ಹೆಚ್ಚಿನ ಅಪ್ ಡೇಟ್ಸ್ ಗಾಗಿ ಆಗಾಗ 'ಫಿಲ್ಮಿಬೀಟ್ ಕನ್ನಡ' ಪುಟಕ್ಕೆ ಭೇಟಿ ನೀಡುತ್ತಿರಿ.