ಕನ್ನಡ ಚಿತ್ರರಂಗಕ್ಕೆ ಇಂತಹ ದುರ್ಗತಿ ಯಾಕೆ ಬಂತು.?!

ಆಯ್ಕೆ ಮಾಡಲಾರದೆ ಪ್ರೇಕ್ಷಕ ಗೊಂದಲ

ವಾರಕ್ಕೆ ಐದು-ಆರು ಸಿನಿಮಾಗಳನ್ನ ರಿಲೀಸ್ ಮಾಡುತ್ತಿದ್ದ ನಿರ್ಮಾಪಕರು ಈ ವಾರ ಒಟ್ಟಿಗೆ ಒಂಬತ್ತು ಸಿನಿಮಾಗಳನ್ನ ತೆರೆಗೆ ತರೋದಕ್ಕೆ ಸಿದ್ದವಾಗಿದ್ದಾರೆ. ಈ ಪೈಪೋಟಿಯಲ್ಲಿ ಹೊಸಬರು ಹಾಗೂ ಹಳಬರು ಎಲ್ಲರೂ ಸೇರಿಕೊಂಡಿದ್ದಾರೆ.

ಕಣ್ಮರೆಯಾಗುತ್ತೆ ಚಿಕ್ಕ ಸಿನಿಮಾ

'ಉಪೇಂದ್ರ ಮತ್ತೆ ಬಾ', 'ಕೆಂಪಿರ್ವೆ', 'ಮಹಾನುಭಾವರು', 'ನನ್ ಮಗಳೇ ಹೀರೋಯಿನ್', 'ಹಿಲ್ ಟನ್', 'ಪಾನಿಪೂರಿ', 'ಕಾವೇರಿ ತೀರದ ಚರಿತ್ರೆ', 'ದಾರಿ ತಪ್ಪಿದ ಮಗ', 'ಆ ಸೂ ಚ ಭೂ'..... ಇಷ್ಟು ಸಿನಿಮಾಗಳು ಶುಕ್ರವಾರ ರಾಜ್ಯಾದ್ಯಂತ ತೆರೆಗೆ ಬರ್ತಿವೆ. ಇವುಗಳಲ್ಲಿ ಪ್ರಚಾರ ಮಾಡಿ ಗುರುತಿಸಿಕೊಂಡಿರುವ ಮೂರ್ನಾಲ್ಕು ಸಿನಿಮಾಗಳಿಗೆ ಥಿಯೇಟರ್ ಕನ್ಫರ್ಮ್ ಆಗಿದೆ. ಮಿಕ್ಕ ಸಿನಿಮಾಗಳ ಗತಿ ಯಾರಿಗೂ ಗೊತ್ತಿಲ್ಲ.

ವರ್ಷದ ಅಂತ್ಯಕ್ಕೆ ಭಯ

ಈ ಹಿಂದೆಯೂ ಹೀಗೆ ಸಿನಿಮಾಗಳ ಸುರಿಮಳೆ ಆಗುತ್ತಿತ್ತು. ಪ್ರೇಕ್ಷಕ ಕೂಡ ಯಾವ ಸಿನಿಮಾ ನೋಡಬೇಕು ಎನ್ನುವ ಆಯ್ಕೆ ಮಾಡಿಕೊಳ್ಳಲಾಗದೆ ಮನೆಯಲ್ಲಿಯೇ ಉಳಿಯುವಂತಹ ಪರಿಸ್ಥಿತಿ ನಿರ್ಮಾಣವಾಗಿದೆ. ಈ ಬಗ್ಗೆ ಚಲನಚಿತ್ರ ವಾಣಿಜ್ಯ ಮಂಡಳಿ ತಲೆ ಕೆಡಿಸಿಕೊಳ್ಳದೆ ಸುಮ್ಮನಿದೆ.

ಪ್ರತಿ ವರ್ಷವೂ ಇದೇ ರೀತಿ

ಡಿಸೆಂಬರ್ ಸ್ಟಾರ್ಟ್ ಆಯ್ತು ಅಂದ್ರೆ ಸ್ಟಾರ್ ಚಿತ್ರಗಳು ತೆರೆಗೆ ಬರೋದಕ್ಕೆ ಸಿದ್ದವಾಗುತ್ತೆ. ಅಂತಹ ಸಮಯದಲ್ಲಿ ಚಿಕ್ಕಪುಟ್ಟ ಸಿನಿಮಾಗಳನ್ನ ರಿಲೀಸ್ ಮಾಡೋದಕ್ಕೆ ತೊಂದರೆ ಆಗುತ್ತೆ. ಹಾಗಾಗಿ ಸಾಲು ಸಾಲು ಚಿತ್ರಗಳು ತೆರೆಗೆ ಬರ್ತಿದೆ. ಇನ್ನಾದರೂ ವಾಣಿಜ್ಯ ಮಂಡಳಿ ಹಾಗೂ ನಿರ್ಮಾಪಕರ ಸಂಘ ಚಿತ್ರ ಬಿಡುಗಡೆಗೆ ಮಾನದಂಡ ರೂಪಿಸಿದ್ರೆ ಎಲ್ಲಾ ಸಿನಿಮಾಗಳು ಪ್ರೇಕ್ಷಕರ ಗಮನಕ್ಕೆ ಬರುವಂತಾಗುತ್ತೆ.