ಮನೆ ಮಾರಿ ಮಗನ ಸಿನಿಮಾ ಮಾಡಿದ 'ಸ್ಟಾರ್' ಡೈರೆಕ್ಟರ್.!

ಮನೆ ಮಾರಿದ ಪೂರಿ ಜಗನ್ನಾಥ್

ದಕ್ಷಿಣ ಭಾರತದ ಖ್ಯಾತ ನಿರ್ದೇಶಕ ಪೂರಿ ಜಗನ್ನಾಥ್ ತಮ್ಮ ಮಗನ ಚಿತ್ರಕ್ಕಾಗಿ ಮನೆ ಮಾರಿ ಸಿನಿಮಾ ಮಾಡಿದ್ದಾರಂತೆ. ಈ ವಿಷ್ಯವನ್ನ ಖುದ್ದು ಪೂರಿ ಅವರೇ ಬಹಿರಂಗಪಡಿಸಿದ್ದಾರೆ. ಪೂರಿ ಅವರ ಮಗ ಆಕಾಶ್ ಚಿತ್ರರಂಗಕ್ಕೆ ಎಂಟ್ರಿ ಕೊಟ್ಟಿದ್ದು, ಚೊಚ್ಚಲ ಸಿನಿಮಾವನ್ನ ಪೂರಿ ಜಗನ್ನಾಥ್ ನಿರ್ದೇಶಿಸಿ, ನಿರ್ಮಾಣ ಕೂಡ ಮಾಡಿದ್ದಾರೆ.

ಬೇರೆ ಬ್ಯಾನರ್ ನಲ್ಲಿ ಮಾಡಿದ್ರೆ ಮಗನನ್ನ ಯಾರ್ ನೋಡ್ತಾರೆ.?

''ಬೇರೆ ಬ್ಯಾನರ್ ನನ್ನ ಮಗನ ಸಿನಿಮಾ ಮಾಡಿದ್ರೆ, ಯಾರು ಸಿನಿಮಾ ನೋಡ್ತಾರೆ. ಅದಕ್ಕೆ ನಾನೇ ಈ ರಿಸ್ಕ್ ತೆಗೆದುಕೊಂಡಿದ್ದೇನೆ. ಈ ಸಿನಿಮಾಗೋಸ್ಕರ ನನ್ನ ಬಳಿ ಇದ್ದ ಆಸ್ತಿಯಲ್ಲಿ ಒಂದು ಮನೆಯನ್ನ ಮಾರಿದ್ದೇನೆ. ನನ್ನ ಮಗನ ಮೇಲೆ ನನಗೆ ನಂಬಿಕೆ ಇದೆ. ಅದಕ್ಕೆ ಅವನ ಮೇಲೆ ಇಷ್ಟೊಂದು ಹಣ ಹಾಕಿದ್ದೇನೆ'' ಎಂದು ಪೂರಿ ಹೇಳುತ್ತಾರೆ.

ತುಂಬ ಸಲ ಹಣ ಕಳೆದುಕೊಂಡಿದ್ದೇನೆ

'ನನ್ನ ಜೀವನದಲ್ಲಿ ಎಷ್ಟು ಬಾರಿ ಹಣ ಕಳೆದುಕೊಂಡಿದ್ದೇನೆ. ಅದೇ ರೀತಿ ಮತ್ತೆ ಸಂಪಾದನೆ ಮಾಡಿದ್ದೀನಿ. ಪ್ರತಿಸಲವೂ ಜೀರೋಯಿಂದಲೇ ನಾನು ಆರಂಭಿಸುತ್ತೇನೆ. ಅಲ್ಲಿಂದಲೇ ತಯಾರಾಗುತ್ತೇನೆ'' ಎಂದು ನಿರ್ದೇಶಕ ಪೂರಿ ಜಗನ್ನಾಥ್ ತಿಳಿಸಿದ್ದಾರೆ.

ಮೇ 11ಕ್ಕೆ ಮಗನ ಸಿನಿಮಾ ರಿಲೀಸ್

ಮೇ 11 ರಂದು ಪೂರಿ ಜಗನ್ನಾಥ್ ಅವರ ಮಗ ಆಕಾಶ್ ಪೂರಿ ಅಭಿನಯದ ಚೊಚ್ಚಲ ಸಿನಿಮಾ 'ಮೆಹಬೂಬ್' ಸಿನಿಮಾ ಬಿಡುಗಡೆಯಾಗುತ್ತಿದೆ. 1971ರಲ್ಲಿ ಭಾರತ ಮತ್ತು ಪಾಕಿಸ್ತಾನ ನಡುವಿನ ಯುದ್ಧದಲ್ಲಿ ನಡೆಯುವ ಪ್ರೇಮಕಥೆ ಇದಾಗಿದ್ದು, ಆಕಾಶ್ ಪೂರಿ ಸೈನಿಕನ ಪಾತ್ರದಲ್ಲಿ ಅಭಿನಯಿಸಿದ್ದಾರೆ.

'ಮುಂಗಾರುಮಳೆ' ಹುಡುಗಿ ನಾಯಕಿ

ಗೋಲ್ಡನ್ ಸ್ಟಾರ್ ಗಣೇಶ್ ಅಭಿನಯಿಸಿದ್ದ ಮುಂಗಾರು ಮಳೆ 2 ಚಿತ್ರದ ನಾಯಕಿ ನೇಹಾ ಶೆಟ್ಟಿ 'ಮೆಹಬೂಬ್' ಚಿತ್ರದಲ್ಲಿ ನಟಿಸಿದ್ದಾರೆ. ಈ ಮೂಲಕ ತೆಲುಗು ಇಂಡಸ್ಟ್ರಿಯಲ್ಲಿ ಸಿನಿ ಜರ್ನಿ ಆರಂಭಿಸಿದ್ದಾರೆ.