ಅಪರೂಪದ ಫೋಟೋ: ಒಂದೇ ವೇದಿಕೆಯಲ್ಲಿ ಮೂರು ಹಿಟ್ ಚಿತ್ರಗಳ ಸಕ್ಸಸ್ ಕಾರ್ಯಕ್ರಮ

ವೈಭವೋಪೇತ ತ್ರಿವಳಿ ಸಮಾರಂಭ

ಡಾ ರಾಜ್ ಕುಮಾರ್ ನಟಿಸಿದ್ದ ಮೂರು ಸೂಪರ್ ಹಿಟ್ ಚಿತ್ರಗಳ ಸಕ್ಸಸ್ ಕಾರ್ಯಕ್ರಮವನ್ನು ಒಂದೇ ವೇದಿಕೆಯಲ್ಲಿ ಆಯೋಜಿಸಲಾಗಿತ್ತು. ಒಡಹುಟ್ಟಿದವರು (25 ವಾರ), ಜೀವನಚೈತ್ರ (365 ದಿನ) ಹಾಗೂ ಆಕಸ್ಮಿಕ (25 ವಾರ) ಚಿತ್ರಗಳ ಯಶಸ್ಸಿನ ಕಾರ್ಯಕ್ರಮವನ್ನು ಸಂಭ್ರಮಿಸಲಾಗಿತ್ತು.

ಯಾರೆಲ್ಲಾ ಭಾಗಿಯಾಗಿದ್ದರು

ವೈಭವೋಪೇತ ತ್ರಿವಳಿ ಸಮಾರಂಭ ಕಾರ್ಯಕ್ರಮಕ್ಕೆ ಮುಖ್ಯ ಅತಿಥಿಯಾಗಿ ಅಂದಿನ ಪೊಲೀಸ್ ವರಿಷ್ಠಾಧಿಕಾರಿ ಶ್ರೀ ರಾಮಲಿಂಗಂ ಆಗಮಿಸಿದ್ದರು. ವಾರ್ತಾ ಇಲಾಖೆಯ ನಿರ್ದೇಶಕ ಸುಭಾಷ್ ಭರಣಿ ಪಾಲ್ಗೊಂಡಿದ್ದರು. ವಾಣಿಜ್ಯ ಮಂಡಳಿ ಅಧ್ಯಕ್ಷ ಕೆ.ಸಿ.ಎನ್ ಚಂದ್ರಶೇಖರ್ ಇದ್ದರು. ನಿರ್ಮಾಪಕಿ ಪಾರ್ವತಮ್ಮ ರಾಜ್ ಕುಮಾರ್ ಸಹ ಭಾಗಿಯಾಗಿದ್ದರು.

ರೆಬೆಲ್ ಸ್ಟಾರ್ ಅಂಬರೀಶ್ ಸಹ ಇದ್ದರು

'ಒಡಹುಟ್ಟಿದವರು' ಚಿತ್ರದಲ್ಲಿ ರಾಜ್ ಕುಮಾರ್ ಜೊತೆ ರೆಬೆಲ್ ಸ್ಟಾರ್ ಅಂಬರೀಶ್ ಸಹ ನಟಿಸಿದ್ದರು. ಹಾಗಾಗಿ, ಈ ವೈಭವೋಪೇತ ತ್ರಿವಳಿ ಸಮಾರಂಭದಲ್ಲಿ ಅಂಬರೀಶ್ ಹಾಗೂ ನಟಿ ಮಾಧವಿ ಕೂಡ ಪಾಲ್ಗೊಂಡಿದ್ದರು.

Recommended Video

ಸಾಯೋದು ಇದ್ದಿದ್ದೆ ಆದ್ರೆ ಇದ್ದಾಗ ಹೇಗೆ ಬದುಕಿದ್ವಿ ಅನ್ನೋದೇ ಇಲ್ಲಿ ಮುಖ್ಯ | Raami Reddy | Filmibeat Kannada

204 ಕೆ.ಜಿ ಹಾರ ಹಾಕಲಾಗಿತ್ತು

ಈ ಸ್ಮರಣೀಯ ಸಮಾರಂಭದಲ್ಲಿ ಅಣ್ಣಾವ್ರು ಅಭಿಮಾನಿಗಳ ಸಂಘ ಡಾ ರಾಜ್ ಕುಮಾರ್‌ ಅವರ 204 ಚಿತ್ರಗಳ ಸಂಕೇತವಾಗಿ 204 ಕೆ.ಜಿ ಹಾರವನ್ನ ಅರ್ಪಿಸಿ ಆನಂದ ಪಟ್ಟಿದ್ದರು. ಇನ್ನು ಮೂರು ಚಿತ್ರಗಳ ತಂತ್ರಜ್ಞರು, ಕಲಾವಿದರು, ನಿರ್ಮಾಣ ಸಹಾಯಕರು, ಕಚೇರಿ ಸಿಬ್ಬಂದಿ ಹಾಗೂ ತಮ್ಮೊಂದಿಗೆ ದುಡಿದ ಎಲ್ಲಾ ಹಂತದ ಕಾರ್ಮಿಕರಿಗೆ ವೇದಿಕೆಯ ಮೇಲೆ ಕರೆದು ಹಾರ ಹಾಕಿ ಸ್ಮರಣ ಫಲಕದ ಜೊತೆಗೆ ಬೆಳ್ಳಿ ಬಟ್ಟಲನ್ನು ನೀಡಿ ಅವರನ್ನು ಗೌರವಿಸಲಾಗಿತ್ತು.