'ಓ ಭ್ರಮೆ' ಈ ಡೈಲಾಗ್ ಬರೆದಿದ್ದು ಪ್ರೇಮ್ ಅಲ್ಲ, ಬೇರೆ ಯಾರು?

'ಓ ಭ್ರಮೆ' ಡೈಲಾಗ್ ಬರೆದಿದ್ದು ಪ್ರೇಮ್ ಅಲ್ಲ

'ಓ ಭ್ರಮೆ' ಎಂಬ ಎರಡಕ್ಷರದ ಡೈಲಾಗ್ ಇಂಡಸ್ಟ್ರಿಯಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಯ್ತು. ಯಾವುದೇ ಕಾರ್ಯಕ್ರಮ ಆದ್ರೂ ಈ ಡೈಲಾಗ್ ಗೆ ಜಾಗ ಇರ್ತಿತ್ತು. ಅದರಲ್ಲೂ ಸುದೀಪ್ ಫ್ಯಾನ್ಸ್ ಅಂತೂ ಈ ಡೈಲಾಗ್ ಇಟ್ಕೊಂಡು ಹಬ್ಬನೇ ಮಾಡ್ಬಿಟ್ರು. ಬಟ್, ಈ ಡೈಲಾಗ್ ಬರೆದಿದ್ದು ನಿರ್ದೇಶಕ ಪ್ರೇಮ್ ಎಂದುಕೊಂಡಿದ್ದರು ಅದು ತಪ್ಪು. ಯಾಕಂದ್ರೆ, ಈ ಡೈಲಾಗ್ ಬರೆದಿದ್ದು ಅವರಲ್ಲ.

ಸಂದರ್ಭಕ್ಕೆ ಸುದೀಪ್ ಹೇಳಿದ ಡೈಲಾಗ್

ದಿ ವಿಲನ್ ಸಿನಿಮಾದ ಸಾಹಿತ್ಯ ಮತ್ತು ಸಂಭಾಷಣೆಯಲ್ಲಿ ಪ್ರೇಮ್ ಅವರದ್ದೇ ಸಿಂಹ ಪಾಲು. ಬಟ್, ಓ ಭ್ರಮೆ ಡೈಲಾಗ್ ಬಂದಿದ್ದು ಸುದೀಪ್ ಬಾಯಿಂದ ಎನ್ನುವ ಸತ್ಯ ಈಗ ಬಹಿರಂಗವಾಗಿದೆ. ಹೌದು, ಓ ಭ್ರಮೆ ಡೈಲಾಗ್ ಹೇಳಿದ್ದು ಸುದೀಪ್ ಅವರಂತೆ.

ಸನ್ನಿವೇಶವೊಂದರ ಶೂಟಿಂಗ್ ನಡೆಯುವಾಗ....

ಹೀಗೆ, ಸನ್ನಿವೇಶವೊಂದರ ಶೂಟಿಂಗ್ ನಡೆಯುತ್ತಿತ್ತು. ಆ ಕಡೆ ಫೋನ್ ನಲ್ಲಿ ಸಿಕ್ಕಾಪಟ್ಟೆ ಡೈಲಾಗ್ ಹೇಳಿದ ಮೇಲೆ ಸುದೀಪ್ ಅವರು ಸುಮ್ಮನೆ ಓ ಭ್ರಮೆ ಅಂದರಂತೆ. ಇದು ಆ ಸನ್ನಿವೇಶಕ್ಕೆ ಬಂದಿದ್ದಂತೆ. ಇದನ್ನ ಕೇಳಿ ಪ್ರೇಮ್ ಕೂಡ ಖುಷಿಯಾಗಿ ಇದನ್ನ ಬಳಸೋಣ ಅಂತ ಆಮೇಲೆ ಬಳಸಿದ್ದಂತೆ. ಬಟ್, ಅನೀರಿಕ್ಷಿತವಾಗಿ ಬಂದ ಈ ಡೈಲಾಗ್ ಈಗ ಎಲ್ಲರ ಬಾಯೂಲ್ಲೂ ಇದೆ.

'ಓ ಭ್ರಮೆ' ಹೇಳಬೇಡಿ

ಸದ್ಯ ವಿಲನ್ ಸಿನಿಮಾ ಮರೆತರೂ, ಓ ಭ್ರಮೆ ಡೈಲಾಗ್ ಅಂತೂ ಮರೆಯೋಕೆ ಆಗಲ್ಲ ಬಿಡಿ. ಇಷ್ಟೊಂದು ನಾವು ಹೇಳಿದ ಈ ಕಥೆಯನ್ನ ಕೇಳಿ ಬಹುಶಃ ನೀವು ಕೂಡ ಓ ಭ್ರಮೆ ಅಂದಿರ್ತೀರಾ. ಯಾಕಂದ್ರೆ, ಈ ಡೈಲಾಗ್ ಗೆ ಇರೋ ಮಜಾನೇ ಅಂತಹದ್ದು. ಬಟ್, ಈ ವಿಷ್ಯವನ್ನ ಕಿಚ್ಚ ಸುದೀಪ್ ಅವರೇ ಟಿವಿ ಸಂದರ್ಶನವೊಂದರಲ್ಲಿ ತಿಳಿಸಿದ್ದಾರೆ.