ಒಬ್ಬ ವ್ಯಕ್ತಿ, ಎರಡು ಸಿನಿಮಾ: ಇತಿಹಾಸ ನೋಡಿದಾಗ ಎಷ್ಟೊಂದು ಉದಾಹರಣೆ

ಎರಡು ಸಲ 'ಕಾಳಿದಾಸ'

ಕಾಳಿದಾಸ ಅಂದಾಕ್ಷಣ ಡಾ ರಾಜ್ ಕುಮಾರ್ ಅಭಿನಯಿಸಿದ್ದ 'ಕವಿರತ್ನ ಕಾಳಿದಾಸ' ಸಿನಿಮಾ ನೆನಪಾಗುತ್ತೆ. ಆದ್ರೆ, ಅದೇ ಕಾಳಿದಾಸನ ಕುರಿತು ಅದಕ್ಕೂ ಮೊದಲೇ ಇನ್ನೊಂದು ಸಿನಿಮಾ ಬಂದಿತ್ತು ಎನ್ನುವುದು ಅದೇಷ್ಟೋ ಜನಕ್ಕೆ ಗೊತ್ತಿಲ್ಲ. 1955ರಲ್ಲಿ ಹೊನ್ನಪ್ಪ ಭಾಗವತರ್ ನಿರ್ಮಾಣ ಮಾಡಿ, ನಟಿಸಿದ್ದ ಸಿನಿಮಾ 'ಮಹಾಕವಿ ಕಾಳಿದಾಸ'. ಅಲ್ಲಿಗೆ ಕಾಳಿದಾಸನ ಬಗ್ಗೆ ಎರಡು ಸಿನಿಮಾ ಬಂದಿತ್ತು ಅಲ್ವೇ.?

ಎರಡನೇ ಸಲ 'ಬಸವಣ್ಣ'

ಬಸವೇಶ್ವರರ ಕುರಿತೂ ಕನ್ನಡದಲ್ಲಿ ಎರಡು ಸಿನಿಮಾ ಬಂದಿವೆ. 1959ರಲ್ಲಿ ಬಿಡುಗಡೆಯಾಗಿದ್ದ 'ಜಗಜ್ಯೋತಿ ಬಸವೇಶ್ವರ'. ಆ ಚಿತ್ರದಲ್ಲಿ ಬಸವಣ್ಣನಾಗಿದ್ದವರು ಹೊನ್ನಪ್ಪ ಭಾಗವತರ್ ಮತ್ತು ರಾಜ್ ಕುಮಾರ್ ಪ್ರಮುಖ ಪಾತ್ರದಲ್ಲಿ ಅಭಿನಯಿಸಿದ್ದರು. ಇನ್ನೊಂದು 1983ರಲ್ಲಿ ಬಂದ 'ಕ್ರಾಂತಿಯೋಗಿ ಬಸವಣ್ಣ'. ಅಲ್ಲಿ ಅಶೋಕ್ ಬಸವಣ್ಣನಾಗಿದ್ದರು.

ರಾಘವೇಂದ್ರ ಮಹಿಮೆ

ಕನ್ನಡದಲ್ಲಿ ರಾಘವೇಂದ್ರ ಸ್ವಾಮಿಗಳ ಕುರಿತು ಎರಡು ಸಿನಿಮಾ ಬಂದಿವೆ. ಡಾ.ರಾಜ್ ಅಭಿನಯಿಸಿದ್ದ 'ಮಂತ್ರಾಲಯ ಮಹಾತ್ಮೆ'. ಮತ್ತೊಮ್ಮೆ ಅದೇ ಕಥೆಯನ್ನಿಟ್ಟುಕೊಂಡು ಶ್ರೀನಾಥ್ ನಾಯಕನಾಗಿ ಕಾಣಿಸಿಕೊಂಡಿದ್ದ 'ರಾಘವೇಂದ್ರ ವೈಭವ' ಚಿತ್ರ ತೆರೆಕಂಡಿತ್ತು.

ಏಕಕಾಲದಲ್ಲಿ ಬಂದಿದ್ದ ಭಗತ್ ಸಿಂಗ್

ಇನ್ನು ಬಾಲಿವುಡ್ ಇಂಡಸ್ಟ್ರಿಯಲ್ಲಿ ಭಗತ್ ಸಿಂಗ್ ಕುರಿತಂತೆ 'ಶಹೀದ್ ಭಗತ್ ಸಿಂಗ್' ಹಾಗೂ 'ದಿ ಲೆಜೆಂಡ್ ಆಫ್ ಭಗತ್ ಸಿಂಗ್' ಚಿತ್ರಗಳು ಏಕಕಾಲದಲ್ಲಿ ತೆರೆ ಕಂಡಿದ್ದವು.