ಮಂಸೋರೆ ಹೇಳಿದ ಕತೆ ಮೆಚ್ಚಿದ ಸಾಯಿ ಪಲ್ಲವಿ

ಫೋನ್ ಮೂಲಕ ಒನಲೈನರ್ ಹೇಳಿದ್ದೇನೆ: ಮಂಸೋರೆ

ಈ ಬಗ್ಗೆ ಮಾತನಾಡಿರುವ ಮಂಸೋರೆ, ''ಸಾಯಿ ಪಲ್ಲವಿ ಜೊತೆಗೆ ಫೋನ್‌ನಲ್ಲಿ ಸಂಭಾಷಣೆ ಆಗಿದೆ. ಕತೆ ಅವರಿಗೆ ಇಷ್ಟವಾಗಿದೆ ಚಿತ್ರಕತೆ ಪೂರ್ಣಗೊಳಿಸಿ ಆಮೇಲೆ ಇನ್ನೊಮ್ಮೆ ಮಾತನಾಡುವ ಎಂದಿದ್ದಾರೆ'' ಎಂದು ಮಾಹಿತಿ ನೀಡಿದ್ದಾರೆ. ಸಿನಿಮಾದ ಕತೆಯು ಕರ್ನಾಟಕದಲ್ಲಿಯೇ ನಡೆದ ಘಟನೆಯೊಂದರಿಂದ ಪ್ರೇರಣೆ ಪಡೆದಿದ್ದು, ಕತೆಯ ಸಾರ ವಿಶಾಲ ವ್ಯಾಪ್ತಿಯದ್ದಾಗಿದೆ. ದಕ್ಷಿಣ ಭಾರತದ ಎಲ್ಲ ಭಾಷೆಗಳಿಗೂ ಒಗ್ಗುವಂಥಹಾ ಕತೆ ಇದಾಗಿದೆ'' ಎಂದು ಮಾಹಿತಿ ನೀಡಿದ್ದಾರೆ ಮಂಸೋರೆ.

ಆಗಸ್ಟ್ 15 ರಂದು ವಿವಾಹವಾಗಿರುವ ಮಂಸೋರೆ

ಮಂಸೋರೆ ಈಗಷ್ಟೆ ವಿವಾಹವಾಗಿದ್ದಾರೆ. ಆಗಸ್ಟ್ 15 ರಂದು ಮಂಸೋರೆ, ಅಖಿಲಾ ಎಂಬುವರನ್ನು ಬೆಂಗಳೂರಿನ ನೈಸ್ ಜಂಕ್ಷನ್ ಬಳಿಯ ಶ್ರೀಬವಿ ಕೋರ್ಟಿಯಾರ್ಡ್‌ನಲ್ಲಿ ವಿವಾಹವಾಗಿದ್ದಾರೆ. ಮದುವೆಯ ಕಾರಣದಿಂದ ಬಿಡುವು ಪಡೆದಿರುವ ಮಂಸೋರೆ, ಸಿನಿಮಾ ಕೆಲಸಗಳಿಂದ ತುಸು ವಿರಾಮ ಪಡೆದಿದ್ದಾರೆ. ಹಾಗಾಗಿ ಮಂಸೋರೆ ಚಿತ್ರಕತೆ ಪೂರ್ಣಗೊಳಿಸುವ ಕಾರ್ಯದಲ್ಲಿ ತಮ್ಮನ್ನು ತೊಡಗಿಸಿಕೊಂಡಿದ್ದಾರೆ. ಸಿನಿಮಾ ಯಾವ ಭಾಷೆಯಲ್ಲಿ ನಿರ್ಮಾಣವಾಗುತ್ತದೆ. ನಾಯಕ ಯಾರು? ನಾಯಕಿ ಪ್ರಧಾನವೋ ಇನ್ನಿತರೆ ಮಾಹಿತಿಗಳು ಲಭ್ಯವಾಗಬೇಕಿದೆ.

ರಾಷ್ಟ್ರಪ್ರಶಸ್ತಿ ವಿಜೇತ ನಿರ್ದೇಶಕ

ಮಂಸೋರೆ ಈವರೆಗೆ 'ಹರಿವು', 'ನಾತಿಚರಾಮಿ, 'ಆಕ್ಟ್ 1987' ಸಿನಿಮಾಗಳನ್ನು ನಿರ್ದೇಶಿಸಿದ್ದಾರೆ. ರಾಷ್ಟ್ರಪ್ರಶಸ್ತಿ ವಿಜೇತ ನಿರ್ದೇಶಕರಾಗಿರುವ ಮಂಸೋರೆಯ ಇತ್ತೀಚಿನ ಸಿನಿಮಾ 'ಆಕ್ಟ್-1987'ಗೆ ಉತ್ತಮ ಪ್ರಶಂಸೆ ಕೇಳಿಬಂದಿತ್ತು. ಸಿನಿಮಾದ ತೆಲುಗು ಹಾಗೂ ಹಿಂದಿ ರೀಮೇಕ್ ಹಕ್ಕುಗಳು ಮಾರಾಟವಾಗಿದ್ದು, ಹಿಂದಿಯಲ್ಲಿ ಮಂಸೋರೆಯವರೇ ನಿರ್ದೇಶನ ಮಾಡಲಿದ್ದಾರೆ ಎನ್ನಲಾಗುತ್ತಿದೆ. ರಾಣಿ ಅಬ್ಬಕ್ಕನ ಕುರಿತಾದ ಸಿನಿಮಾವನ್ನು ಮಾಡುವುದಾಗಿಯೂ ಮಂಸೋರೆ ಹೇಳಿದ್ದರು. ಆ ಸಿನಿಮಾ ಇನ್ನೂ ಪ್ರಾರಂಭವಾಗಿಲ್ಲ.

'ಲವ್‌ ಸ್ಟೋರಿ' ಸಿನಿಮಾ ಸೆಪ್ಟೆಂಬರ್ 10ಕ್ಕೆ ಬಿಡುಗಡೆ

ಇನ್ನು ನಟಿ ಸಾಯಿ ಪಲ್ಲವಿ ನಟಿಸಿರುವ 'ಲವ್ ಸ್ಟೋರಿ' ಸಿನಿಮಾ ಸೆಪ್ಟೆಂಬರ್ 10ಕ್ಕೆ ಬಿಡುಗಡೆ ಆಗಲಿದೆ. ಸಿನಿಮಾದಲ್ಲಿ ನಾಗ ಚೈತನ್ಯ ನಾಯಕ ನಟನಾಗಿ ನಟಿಸಿದ್ದಾರೆ, ಶೇಖರ್ ಕಮ್ಮುಲ ನಿರ್ದೇಶನ ಮಾಡಿದ್ದಾರೆ. ಅದರ ಹೊರತಾಗಿ ಸಾಯಿ ಪಲ್ಲವಿ ನಟಿಸಿರುವ 'ವಿರಾಟ ಪರ್ವಂ' ಸಿನಿಮಾ ಸಹ ಬಿಡುಗಡೆಗೆ ತಯಾರಾಗಿದೆ. ನಟ ನಾನಿ ಜೊತೆ ಎರಡನೇ ಬಾರಿ 'ಶ್ಯಾಮ ಸಿಂಘ ರಾಯ್' ಸಿನಿಮಾದಲ್ಲಿ ಸಾಯಿ ಪಲ್ಲವಿ ನಟಿಸುತ್ತಿದ್ದಾರೆ. ಈ ಹಿಂದೆ ಈ ಇಬ್ಬರು 'ಮಿಡ್ಲ್ ಕ್ಲಾಸ್ ಅಬ್ಬಾಯಿ' ಸಿನಿಮಾದಲ್ಲಿ ನಟಿಸಿದ್ದರು. ಧನುಷ್‌ ನಟನಯ ಹೊಸ ಸಿನಿಮಾದಲ್ಲಿ ಸಾಯಿ ಪಲ್ಲವಿ ನಟಿಸಲಿದ್ದಾರೆ ಎನ್ನಲಾಗುತ್ತಿದೆ. ಆದರೆ ಈ ಬಗ್ಗೆ ಇನ್ನೂ ಖಾತ್ರಿ ದೊರೆತಿಲ್ಲ.