ಮುಖಪುಟ

ಸಿನಿ ಸಮಾಚಾರ

ಒಂದರ ನಂತರ ಒಂದು ಸಿನಿಮಾಗಳಲ್ಲಿ ತೊಡಗಿರುವ 'ಟಾಪ್ ಹುಡುಗಿ' ಅದಿತಿ ಪ್ರಭುದೇವ ಈಗ ಮತ್ತೊಂದು ಹೊಸ ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ. ಈ ಸಿನಿಮಾ ಮುಹೂರ್ತ ನಿನ್ನೆ (ಗುರುವಾರ) ನಡೆದಿದೆ.

'ರಂಗನಾಯಕಿ' ಫಸ್ಟ್ ಲುಕ್ ಪೋಸ್ಟರ್ ಬಿಡುಗಡೆ

ಈ ಹೊಸ ಸಿನಿಮಾಗೆ 'ಒಂಬತ್ತನೇ ದಿಕ್ಕು' ಎನ್ನುವ ಶೀರ್ಷಿಕೆ ಇಡಲಾಗಿದೆ. ಲೂಸ್ ಮಾದ ಯೋಗಿ ಸಿನಿಮಾದ ನಾಯಕನಾಗಿದ್ದಾರೆ. ಈ ಸಿನಿಮಾ ಮುಹೂರ್ತ ಕಾರ್ಯಕ್ರಮದಲ್ಲಿ ತಮಿಳು ನಟ ಆರ್ಯ ಭಾಗಿಯಾಗಿದ್ದರು. ಚಿತ್ರದ ಮೊದಲ ದೃಶ್ಯಕ್ಕೆ ಕ್ಲಾಪ್ ಮಾಡುವ ಮೂಲಕ ಶುಭ ಹಾರೈಸಿದರು.

'ಒಂಬತ್ತನೇ ದಿಕ್ಕು' ದಯಾಳ್ ಪದ್ಮನಾಭನ್ ನಿರ್ದೇಶನದ ಹೊಸ ಸಿನಿಮಾ. 'ರಂಗನಾಯಕಿ' ಚಿತ್ರ ಬಿಡುಗಡೆಗೆ ಮೊದಲೇ ಮತ್ತೆ ಅದಿತಿ ಜೊತೆಗೆ ದಯಾಳ್ ಮತ್ತೊಂದು ಸಿನಿಮಾ ಶುರು ಮಾಡಿದ್ದಾರೆ. ಈ ಚಿತ್ರವನ್ನು ಗುರುದೇಶಪಾಂಡೆ ನಿರ್ಮಾಣ ಮಾಡುತ್ತಿದ್ದಾರೆ. ವರ್ಷಗಳ ನಂತರ ಮತ್ತೆ ಲೂಸ್ ಮಾದ ಯೋಗಿ ಸಿನಿಮಾ ಮಾಡುತ್ತಿದ್ದಾರೆ.

ಈ ಹಿಂದೆ ಕನ್ನಡದ 'ರಾಜರಥ' ಸಿನಿಮಾದಲ್ಲಿ ಆರ್ಯ ಒಂದು ಪಾತ್ರ ಮಾಡಿದ್ದರು. ಇದೀಗ 'ಒಂಬತ್ತನೇ ದಿಕ್ಕು' ಸಿನಿಮಾದ ಕಾರ್ಯಕ್ರಮದಲ್ಲಿ ಭಾಗಿಯಾಗಿದ್ದಾರೆ.