ನಟಿ ಶ್ರುತಿಯನ್ನು ರಿಯಲ್ ಸೂಪರ್ ಸ್ಟಾರ್ ಎಂದಿದ್ದೇಕೆ ಚಂದನ್ ಕುಮಾರ್?

'ಬಿಗ್ ಬಾಸ್' ದಿನಗಳಿಂದ ಚಂದನ್-ಶ್ರುತಿ ಆಪ್ತರು

ನಟ ಚಂದನ್ ಕುಮಾರ್ ಮತ್ತು ನಟಿ ಶ್ರುತಿ ಬಿಗ್ ಬಾಸ್ ದಿನಗಳಿಂದ ತುಂಬಾ ಪರಿಚಿತರು. ಬಿಗ್ ಮನೆಯಲ್ಲಿ ಬೆಳೆದ ಸ್ನೇಹ ಇಂದಿಗೂ ಮುಂದುವರೆದುಕೊಂಡು ಬಂದಿದ್ದಾರೆ. ಶ್ರುತಿ ಅವರನ್ನು ಚಂದನ್ ಮಾರ್ಗದರ್ಶಕರು ಎಂದು ಕರೆಯುತ್ತಾರೆ. ತನ್ನ ಬಿರಿಯಾನಿ ಹೋಟೆಲ್ ಉದ್ಘಾಟನೆಗೆ ಬಂದಿದ್ದ ಶ್ರುತಿ ಅವರ ಜೊತೆಗಿನ ಒಂದಿಷ್ಟು ಫೋಟೋಗಳನ್ನು ಚಂದನ್ ಕುಮಾರ್ ಸಾಮಾಜಿಕ ಜಾಲತಾಣದಲ್ಲಿ ಶೇರ್ ಮಾಡಿ, ಭಾವುಕ ಸಾಲುಗಳನ್ನು ಬರೆದಿದ್ದಾರೆ.

ಡಾರ್ಲಿಂಗ್ ಕೃಷ್ಣ 'Shrikrishnagmail.com'ನಲ್ಲಿ ನಟ ಚಂದನ್ ಕುಮಾರ್

ಚಂದನ್ ಕುಮಾರ್ ಭಾವುಕ ಸಾಲಗಳು

'ನಮ್ಮ ಮಂದರ್ ಇಂಡಿಯಾ ಶ್ರುತಿ ಮೇಡಮ್ ನಾನು ನೋಡಿದ ಅತ್ಯುತ್ತಮ ಶಿಕ್ಷಕರಲ್ಲಿ ಒಬ್ಬರು. ಇವರು ಜೀವನದ ನೈಜ ಸೂಪರ್ ಸ್ಟಾರ್. ಬಿಗ್ ಬಾಸ್ ದಿನಗಳಿಂದ ನಾನು ಅವರನ್ನು ಮಾರ್ಗದರ್ಶಕಿ ಹಾಗೂ ಗೌರವಾನ್ವಿತ ಮಹಿಳೆ ಎಂದು ಯಾವಾಗಲು ಮೆಚ್ಚುತ್ತೇನೆ. ಬಿಗ್ ಬಾಸ್ ಬಳಿಕವು ನಾವು ಅಷ್ಟೆ ಚೆನ್ನಾಗಿದ್ದೇವೆ. ಮುಂದೆಯೂ ಹಾಗೆ ಇರುತ್ತೇವೆ. ನನ್ನ ಜೀವನದ ಅತ್ಯಂತ ನಂಬಲಾಗದ ದಿನದ ಭಾಗವಾಗಿದ್ದಕ್ಕೆ ಧನ್ಯವಾದಗಳು ಶ್ರುತಿ ಮಾ' ಎಂದು ಬರೆದುಕೊಂಡಿದ್ದಾರೆ.

[email protected] ಸಿನಿಮಾದಲ್ಲಿ ಚಂದನ್ ನಟನೆ

ಚಂದನ್ ಕುಮಾರ್ ಸದ್ಯ ಧಾರಾವಾಹಿ ಜೊತೆಗೆ ಸಿನಿಮಾಗಳಲ್ಲೂ ನಟಿಸುತ್ತಿದ್ದಾರೆ. ಪ್ರೇಮ ಬರಹ ಸಿನಿಮಾ ಬಳಿಕ ಚಂದನ್ ಡಾರ್ಲಿಂಗ್ ಕೃಷ್ಣ ಅಭಿನಯದ [email protected] ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ. ಚಿತ್ರದ ಪ್ರಮುಖ ಪಾತ್ರದಲ್ಲಿ ಚಂದನ್ ಬಣ್ಣ ಹಚ್ಚಿದ್ದಾರೆ. ಚಿತ್ರಕ್ಕೆ ನಾಗಶೇಖರ್ ಆಕ್ಷನ್ ಕಟ್ ಹೇಳಿದ್ದಾರೆ.

Recommended Video

ದರ್ಶನ್ ಬಳಿ ಇರುವ ಕಾರುಗಳ ಬೆಲೆ ಎಷ್ಟು ಗೊತ್ತಾ? | Darshan Car collection | Filmibeat Kannada

ಕನ್ನಡದ ಜೊತೆಗೆ ಮಲಯಾಳಂನಲ್ಲೂ ಬರ್ತಿದೆ ಸಿನಿಮಾ

ಈಗಾಗಲೇ ಚಿತ್ರೀಕರಣ ಮುಗಿಸಿರುವ ಚಂದನ್ ಕುಮಾರ್ ಸಿನಿಮಾ ರಿಲೀಸ್ ದೆ ಎದುರು ನೋಡುತ್ತಿದ್ದಾರೆ. ಮುಂದಿನ ವರ್ಷ ಈ ಸಿನಿಮಾ ತೆರೆಗೆ ಬರುವ ಸಾಧ್ಯತೆ ಇದೆ. ವಿಶೇಷ ಎಂದರೆ ಈ ಸಿನಿಮಾ ಕನ್ನಡದ ಜೊತೆಗೆ ಮಲಯಾಳಂನಲ್ಲೂ ರಿಲೀಸ್ ಆಗುತ್ತಿದೆ. ಚಿತ್ರದಲ್ಲಿ ನಾಯಕಿಯಾಗಿ ಭಾವನಾ ಕಾಣಿಸಿಕೊಂಡಿದ್ದಾರೆ.