Darshan 56th Movie: ರಚಿತಾ-ಆಶಿಕಾ ಇವರಿಬ್ಬರಲ್ಲಿ ದರ್ಶನ್ 56ನೇ ಚಿತ್ರಕ್ಕೆ ನಾಯಕಿ ಯಾರು?

ದರ್ಶನ್ 56ನೇ ಚಿತ್ರಕ್ಕೆ ನಾಯಕಿ ರಚಿತಾ ರಾಮ್!

ನಟಿ ರಚಿತಾ ರಾಮ್ ನಾಯಕಿಯಾಗಿ ನಟಿಸಿದ ಮೊದಲ ಸಿನಿಮಾಕ್ಕೆ ದರ್ಶನ್ ಅವರೇ ನಾಯಕರಾಗಿದ್ದರು. 'ಬುಲ್-ಬುಲ್' ಸಿನಿಮಾದ ಮೂಲಕ ನಟನೆ ಆರಂಭಿಸಿದ ರಚಿತಾ ರಾಮ್ ಇದೀಗ ಎಂಟು ವರ್ಷಗಳ ಬಳಿಕ ಮತ್ತೆ 'ಕ್ರಾಂತಿ' ಚಿತ್ರದಲ್ಲಿ ದರ್ಶನ್ ಜೊತೆ ನಟಿಸುತ್ತಿದ್ದಾರೆ. ಈ ಕಾಂಬಿನೇಷನ್ ಕೂಡ ಚಿತ್ರಕ್ಕೆ ದೊಡ್ಡ ಪ್ಲಸ್ ಪಾಯಿಂಟ್. ಈ ಜೋಡಿಯನ್ನು ಮತ್ತೆ ತೆರೆಯ ಮೇಲೆ ನೋಡಲು ಇಡೀ ಅಭಿಮಾನಿ ಬಳಗ ಕಾದಿತ್ತು. ಈಗ ದರ್ಶನ್ 56ನೇ ಚಿತ್ರಕ್ಕೂ ಇವರೇ ನಾಯಕಿ ಆಗುತ್ತಾರಾ ಎಂದು ಕಾದು ನೋಡಬೆಕಿದೆ.

ದರ್ಶನ್ ಜೊತೆ ಅಭಿನಯಿಸಲಿದ್ದಾರಾ ಆಶಿಕಾ?

ನಟಿ ಆಶಿಕಾ ರಂಗನಾಥ್ ಕನ್ನಡದ ಹೆಸರಾಂತ ನಟಿಯರಲ್ಲಿ ಒಬ್ಬರು. ಆಶಿಕಾ ಕನ್ನಡದ ಹಲವು ಹಿಟ್ ಚಿತ್ರಗಳಲ್ಲಿ ಅಭಿನಯಿಸಿದ್ದಾರೆ. ಆದರೆ ಈಗ ದರ್ಶನ್ ಜೊತೆಗೆ ಆಶಿಕಾ ಹೆಸರು ಕೇಳಿ ಬರುತ್ತಿದೆ. ಆಶಿಕಾ ಇಲ್ಲಿ ತನಕ ನಟ ದರ್ಶನ್ ಜೊತೆಗೆ ನಟಿಸಿಲ್ಲ. ದರ್ಶನ್ 56ನೇ ಚಿತ್ರಕ್ಕೆ ಆಶಿಕಾ ನಾಯಕಿಯಾದರೆ, ಅದು ಇವರಿಬ್ಬರ ಮೊದಲ ಕಾಂಬಿನೇಷನ್ ಸಿನಿಮಾ ಆಗಲಿದೆ.

ಸೆಟ್ಟೇರುತ್ತಾ 'ಗೋಲ್ಡ್ ರಿಂಗ್' ಚಿತ್ರ?

ಯಾವುದು ದರ್ಶನ್ 56ನೇ ಸಿನಿಮಾ ಎನ್ನುವ ಬಗ್ಗೆ ಸಾಕಷ್ಟು ಕುತೂಹಲ ಮೂಡಿದೆ. ಯಾಕೆಂದರೆ ಈಗಾಗಲೇ 'ಗೋಲ್ಡ್ ರಿಂಗ್' ಎನ್ನುವ ಚಿತ್ರ ಪ್ರಕಟ ಆಗಿತ್ತು. 'ಯಜಮಾನ' ಚಿತ್ರದ ಬಳಿಕ ದರ್ಶನ್ 'ಗೋಲ್ಡ್ ರಿಂಗ್' ಚಿತ್ರದಲ್ಲಿ ಅಭಿನಯಿಸಬೇಕಿತ್ತು. ಆದರೆ ಆ ಚಿತ್ರ ಕಾರಣಾಂತರಗಳಿಂದ ಸೆಟ್ಟೇರಲಿಲ್ಲ. ಹಾಗಾಗಿ 'ಕ್ರಾಂತಿ' ಚಿತ್ರ ಶುರುವಾಯ್ತು. ಈ ಸಿನಿಮಾದ ಬಳಿಕ 56ನೇ ಚಿತ್ರವಾಗಿ 'ಗೋಲ್ಡ್ ರಿಂಗ್' ಸೆಟ್ಟೇರುತ್ತಾ ಎನ್ನುವುದನ್ನು ನೋಡಬೇಕಿದೆ.

'ರಾಜ ವೀರ ಮದಕರಿನಾಯಕ'ನ ಕಥೆಯೇನು?

ಇನ್ನು ನಟ ದರ್ಶನ್ ಅಭಿನಯದ 'ರಾಜ ವೀರ ಮದಕರಿ ನಾಯಕ' ಚಿತ್ರ ಕೂಡ ನಿಂತು ಹೋಗಿದೆ. ಈ ಚಿತ್ರದ ಶೂಟಿಂಗ್ ಚಿತ್ರದುರ್ಗದಲ್ಲಿ ಆರಂಭ ಆಗಿತ್ತು. ಆದರೆ ಕೊರೊನಾ ಕಾರಣಕ್ಕೆ ಚಿತ್ರದ ಶೂಟಿಂಗ್ ನಿಂತಿರುವುದಾಗಿ ವರದಿ ಆಗಿತ್ತು. ಹಾಗಾಗಿ ದರ್ಶನ್‌ರ 56ನೇ ಚಿತ್ರವಾಗಿ 'ರಾಜ ವೀರ ಮದಕರಿ ನಾಯಕ' ಚಿತ್ರವೂ ಶುರುವಾಗುವ ಸಾಧ್ಯತೆ ಇದೆ. ಯಾವುದೇ ಚಿತ್ರ ಶುರುವಾದರೂ ಚಿತ್ರಕ್ಕೆ ರಚಿತಾ ರಾಮ್ ಅಥವಾ ಆಶಿಕಾ ರಂಗನಾಥ್ ನಾಯಕಿ ಆಗಬೇಕು ಎನ್ನುವ ಅಭಿಯಾನವನ್ನು ಅಭಿಮಾನಿಗಳೇ ಶುರುವಾಗಿದೆ.