ಏನೇ ಆದರೂ 'ದರ್ಶನ್' ಎನ್ನುವ ಹೆಸರು ಬದಲಾಯಿಸಲ್ಲ ಎಂದಿದ್ದ ಡಿ ಬಾಸ್

ಹೆಸರು ಬದಲಾಯಿಸೋಣ

ದರ್ಶನ್ ಸಿನಿಮಾಗಳ ಅವಕಾಶಕ್ಕಾಗಿ ಒಮ್ಮೆ ದೊಡ್ಡ ನಿರ್ದೇಶಕರ ಮುಂದೆ ನಿಂತಿದ್ದರು. ಆ ವೇಳೆ ಆ ನಿರ್ದೇಶಕ ''ದರ್ಶನ್ ಎನ್ನುವ ಹೆಸರು ಚೆನ್ನಾಗಿಲ್ಲ. ನಿನಗೆ ಒಂದು ಒಳ್ಳೆಯ ಹೆಸರು ಇಡೋಣ. ಆ ನಂತರ ಸಿನಿಮಾ ಮಾಡೋಣ'' ಅಂತ ಹೇಳಿದ್ದರಂತೆ.

ನಿರಾಕರಿಸಿದ ದರ್ಶನ್

ಈ ವೇಳೆ ದರ್ಶನ್ ''ನನಗೆ ನೀವು ಈ ಚಿತ್ರದಲ್ಲಿ ಅವಕಾಶ ನೀಡದಿದ್ದರು ಪರವಾಗಿಲ್ಲ ಆದರೆ ನಾನು ನನ್ನ ಹೆಸರನ್ನು ಮಾತ್ರ ಬದಲಾಯಿಸಿಕೊಳ್ಳುವುದಿಲ್ಲ'' ಎಂದು ಹೇಳಿದ್ದರಂತೆ.

ತಂದೆ ತಾಯಿ ಇಟ್ಟ ಹೆಸರು

''ದರ್ಶನ್ ಎನ್ನುವುದು ನನ್ನ ತಂದೆ ಮತ್ತು ತಾಯಿ ಇಟ್ಟ ಹೆಸರು ಆ ಹೆಸರನ್ನು ಯಾವುದೇ ಕಾರಣಕ್ಕೆ ಬದಲಾಯಿಸುವುದಿಲ್ಲ. ನಾನು ಚಿತ್ರರಂಗದಲ್ಲಿ ಅದೇ ಹೆಸರಿನಿಂದ ಮುಂದುವರೆಯಲು ಇಷ್ಟ ಪಡುತ್ತೇನೆ'' ಎಂದು ಆ ಸಿನಿಮಾವನ್ನೇ ಬಿಟ್ಟು ದರ್ಶನ್ ಬಂದರಂತೆ.

'ದರ್ಶನ್' ಹೆಸರಿನಲ್ಲಿ ಸಿನಿಮಾ

ವಿಶೇಷ ಅಂದರೆ ಚಾಲೆಂಜಿಂಗ್ ಸ್ಟಾರ್ ತಮ್ಮ ಹೆಸರಿನಲ್ಲಿಯೇ 'ದರ್ಶನ್' ಎಂಬ ಟೈಟಲ್ ನಲ್ಲಿ ಒಂದು ಸಿನಿಮಾ ಮಾಡಿದ್ದರು. 2004ರಲ್ಲಿ ರಿಲೀಸ್ ಆದ ಈ ಚಿತ್ರ ಭಯೋತ್ಪಾದನೆ ಬಗ್ಗೆ ಇತ್ತು.

'ಕುರುಕ್ಷೇತ್ರ' ಸಿನಿಮಾ

ಸದ್ಯ ನಟ ದರ್ಶನ್ 'ಕುರುಕ್ಷೇತ್ರ' ಸಿನಿಮಾದಲ್ಲಿ ಬಿಜಿ ಇದ್ದಾರೆ. ಈ ಸಿನಿಮಾದ ಹಾಡಿನ ಚಿತ್ರೀಕರಣ ಸದ್ಯ ಹೈದರಾಬಾದ್ ನಲ್ಲಿರುವ ರಾಮೋಜಿ ಫಿಲ್ಮ್ ಸಿಟಿಯಲ್ಲಿ ನಡೆಯುತ್ತಿದೆ.