Darshan: ದರ್ಶನ್‌ಗೆ 'ಪುಷ್ಪ' ಚಿತ್ರದ ಜಾಲಿ ರೆಡ್ಡಿ ಪಾತ್ರ ಮಾಡಿ ಎಂದಿದ್ದ ನಿರ್ದೇಶಕ!

'ಪುಷ್ಪ' ಚಿತ್ರಕ್ಕೆ ದರ್ಶನ್ ಬೇಕು ಎಂದಿದ್ದ ಸುಕುಮಾರ್!

ನಿಮಗೆಲ್ಲಾ ನೆನಪಿದೆಯಾ ಈ ಹಿಂದೆ ನಿರ್ದೇಶಕ ಸುಕುಮಾರ್ ನಟ ದರ್ಶನ್ ಅವರನ್ನು ಭೇಟಿ ಮಾಡಿದ್ದರು. ಕರ್ನಾಟಕಕ್ಕೆ ಬಂದ 'ಪುಷ್ಪ' ಚಿತ್ರದ ನಿರ್ದೇಶಕ, ದರ್ಶನ್‌ರನ್ನು ಭೇಟಿ ಮಾಡಿದ್ದರು. ಆಗ ಇಬ್ಬರ ಭೇಟಿಯ ಬಗ್ಗೆ ಹತ್ತು ಹಲವು ಸುದ್ದಿಗಳು ಹಬ್ಬಿದ್ದವು. ಆದರೆ ನಿಜವೇನು ಎನ್ನುವುದು ಈಗ ಫಿಲ್ಮಿ ಬೀಟ್‌ಗೆ ಲಭ್ಯ ಆಗಿದೆ. ನಟ ದರ್ಶನ್‌ರನ್ನು 'ಪುಷ್ಪ' ಚಿತ್ರದಲ್ಲಿ ನಟಿಸುವಂತೆ ಕೇಳಲು ನಿರ್ದೇಶಕ ಸುಕುಮಾರ್ ಬಂದಿದ್ದರು.

ಜಾಲಿ ರೆಡ್ಡಿ ಪಾತ್ರವನ್ನು ದರ್ಶನ್ ನೀಡಿದ್ದ ಸುಕುಮಾರ್!

ಪುಷ್ಪ ಚಿತ್ರದಲ್ಲಿ ನಟ ದರ್ಶನ್ ಇಲ್ಲ. ಆದರೆ ದರ್ಶನ್‌ಗೆ ಯಾವ ಪಾತ್ರವನ್ನು ನೀಡಲು ಸುಕುಮಾರ್ ಮುಂದಾಗಿದ್ದರು ಗೊತ್ತಾ. ಅದುವೇ ಜಾಲಿ ರೆಡ್ಡಿ ಪಾತ್ರ. 'ಪುಷ್ಪ' ಚಿತ್ರದಲ್ಲಿ ನಟ ಧನಂಜಯ್ ಅಭಿನಯಿಸಿರುವ ಜಾಲಿ ರೆಡ್ಡಿ ಪಾತ್ರವನ್ನು ದರ್ಶನ್‌ಗಾಗಿ ತಂದಿದ್ದರು ಸುಕುಮಾರ್. ಜಾಲಿ ರೆಡ್ಡಿಯಾಗಿ ಧನಂಜಯ್ ತಮ್ಮ ಪಾತ್ರಕ್ಕೆ ನ್ಯಾಯ ಒದಗಿಸಿದ್ದಾರೆ. ಅದ್ಬುತವಾಗಿ ಅಭಿನಯಿಸಿದ್ದಾರೆ. ಆದರೆ ಈ ಪಾತ್ರದಲ್ಲಿ ನಟ ದರ್ಶನ್ ಅವರನ್ನು ಊಹಿಸಿಕೊಳ್ಳುದು ಕೂಡ ಕಷ್ಟವೆ.

'ಪುಷ್ಪ' ಚಿತ್ರದಲ್ಲಿ ನಟಿಸಲು ದರ್ಶನ್ ನಿರಾಕರಣೆ!

'ಪುಷ್ಪ' ಚಿತ್ರದಲ್ಲಿ ಅಭಿನಯಿಸಲು ನಟ ದರ್ಶನ್ ಒಂದೇ ಮಾತಲ್ಲಿ ತಿರಸ್ಕರಿಸದ್ದಾರೆ. ಹಾಗೊಂದು ವೇಳೆ ಒಪ್ಪಿದ್ದರೂ, ಕೂಡ ಅದು ವಿಲನ್ ಪಾತ್ರವೆ. ಕನ್ನಡದ ಒಬ್ಬ ಸ್ಟಾರ್ ನಟ ಅಲ್ಲಿ ವಿಲನ್ ಆಗಿ, ಅಲ್ಲಿನ ನಟನ ಕೈಯಲ್ಲಿ ಒದೆ ತಿನ್ನುವುದನ್ನು ನೋಡಲು ದರ್ಶನ್ ಅಭಿಮಾನಿಗಳು ಇಷ್ಟ ಪಡುತ್ತಿರಲಿಲ್ಲ. ಹೀಗಾಗಿ ದರ್ಶನ್ ಹುಡುಕಿಕೊಂಡು ಬಂದ ಸುಕುಮಾರ್ ಬರಿಗೈಯಲ್ಲಿ ಹೋಗಿದ್ದಾರೆ. ಆದರೆ ಮುಂದಿನ ದಿನಗಳಲ್ಲಿ ದರ್ಶನ್ ಜೊತೆಗೂಡಿ ಸಿನಿಮಾ ಮಾಡುವ ಸಾಧ್ಯತೆಯನ್ನು ತಳ್ಳಿ ಹಾಕಿಲ್ಲ.

Recommended Video

KGF 2| ವಿದೇಶದಲ್ಲಿ ಹೇಗಿದೆ ನೋಡಿ 'ಕೆಜಿಎಫ್2' ಟಿಕೆಟ್ ಬುಕ್ಕಿಂಗ್ ಕ್ರೇಝ್! | Filmibeat Kannada

ದರ್ಶನ್ ಬಗ್ಗೆ ಮಾತನಾಡಿದ ನಿರ್ದೇಶಕ ರವಿಶ್ರೀವತ್ಸ!

ಈ ವಿಚಾರವನ್ನು ನಿರ್ದೇಶಕ ರವಿ ಶ್ರೀವತ್ಸ ರಿವೀಲ್ ಮಾಡಿದ್ದಾರೆ. ವಿಡಿಯೋ ಒಂದರಲ್ಲಿ ಪರಭಾಷೆ ಚಿತ್ರಗಳ ಬಗ್ಗೆ ಮಾತನಾಡಿದ ರವಿಶ್ರೀವತ್ಸ, ದರ್ಶನ್ ಯಾಕೆ ಪರಭಾಷಾ ಚಿತ್ರಗಳನ್ನು ಮಾಡುವುದಿಲ್ಲ. ಎಂದು ಹೇಳಿದ್ದಾರೆ. 'ಈಗ' ಸಿನಿಮಾದಲ್ಲಿ ಸುದೀಪ್ ಪ್ರಮುಖ ಪಾತ್ರ ಮಾಡಿದ್ದಾರೆ. ಹಾಗೆ ಅವರು ನಮ್ಮ ನಾಯಕರಿಗೆ ಸಿನಿಮಾ ಮಾಡಬೇಕೆ ಹೊರತು, ಅವರ ಚಿತ್ರದಲ್ಲಿ ಪಾತ್ರ ಕೊಡುವುದಲ್ಲ ಎಂದು ಗುಡುಗಿದ್ದಾರೆ.