'ಒಂದಲ್ಲಾ ಎರಡಲ್ಲಾ'ಗೆ ಸಿಕ್ಕಿತು ಆನೆ ಬಲ : ಒಳ್ಳೆ ಸಿನಿಮಾದ ಪರ ನಿಂತ ದಾಸ

Recommended Video

'ಒಂದಲ್ಲಾ ಎರಡಲ್ಲಾ' ಸಿನಿಮಾದ ಬಗ್ಗೆ ಎಲ್ಲರೂ ಹೊಗಳುತ್ತಿದ್ದಾರೆ. ಕನ್ನಡದಲ್ಲಿ ಬಂದ ಇದೊಂದು ಅಪರೂಪ ಮತ್ತು ಅದ್ಬುತ ಸಿನಿಮಾ ಎನ್ನುತ್ತಿದ್ದಾರೆ. ಪ್ರೇಕ್ಷಕರು ನೋಡಿ ಖುಷಿ ಪಡುತ್ತಿರುವ ಈ ಸಿನಿಮಾವನ್ನು ಈಗ ನಟ ದರ್ಶನ್ ಕೂಡ ನೋಡಲಿದ್ದಾರೆ.

ಒಳ್ಳೆಯ ಸಿನಿಮಾದ ಪರ ಈಗ ನಟ ದರ್ಶನ್ ನಿಂತಿದ್ದಾರೆ. ಇಂದು ಸಂಜೆ 7 ಗಂಟೆಗೆ ಬೆಂಗಳೂರಿನ ಇಟಿಎ ಮಾಲ್ ನಲ್ಲಿ ದರ್ಶನ್ ಸಿನಿಮಾವನ್ನು ವೀಕ್ಷಿಸಲಿದ್ದಾರೆ. ಈ ಮೂಲಕ ಈ ಸಿನಿಮಾಗೆ ಆಸೆ ಬಲ ಬಂದಂತೆ ಆಗಿದೆ.

ಸದ್ಯ, ಸಿನಿಮಾಗೆ ಬುಕ್ ಮೈ ಶೋ ನಲ್ಲಿ 91% ರೇಟಿಂಗ್ ಸಿಕ್ಕಿದೆ. ಬುಕ್ ಮೈ ಶೋ ನಲ್ಲಿ ಸದ್ಯ ಇರುವ ಚಿತ್ರಗಳ ಪೈಕಿ 'ಒಂದಲ್ಲಾ ಎರಡಲ್ಲಾ' ಸಿನಿಮಾ ಅತಿ ಹೆಚ್ಚು ರೇಟಿಂಗ್ ಪಡೆದುಕೊಂಡಿದೆ.

'ಒಂದಲ್ಲಾ ಎರಡಲ್ಲಾ' ಸಿನಿಮಾ ಪ್ರತಿಯೊಬ್ಬರು ನೋಡಬೇಕಾದ ಚಿತ್ರ. ಈ ಚಿತ್ರದಲ್ಲಿ ಒಂದು ಜೀವ ಇದೆ. ಮನುಷ್ಯ ಪ್ರೀತಿಯನ್ನು ಇಡೀ ಸಿನಿಮಾದಲ್ಲಿ ತೋರಿಸಿದ್ದಾರೆ. ಹಾಸ್ಯದ ಜೊತೆಗೆ ಒಂದು ಒಳ್ಳೆ ವಿಷಯವನ್ನು ಸುಂದರವಾಗಿ ಈ ಚಿತ್ರದಲ್ಲಿ ಹೇಳಿದ್ದಾರೆ.