Don't Miss!
- Sports PBKS vs MI IPL 2024: ಸೂರ್ಯಕುಮಾರ್ ಶೈನಿಂಗ್; ಪಂಜಾಬ್ಗೆ ಸವಾಲಿನ ಗುರಿ ನೀಡಿದ ಮುಂಬೈ
- News ಒಳರೋಗಿಗಳು ಆಸ್ಪತ್ರೆಯಲ್ಲಿನ ಆಹಾರವನ್ನೇ ಏಕೆ ಸೇವಿಸಬೇಕು? ಇದಕ್ಕೆ ಕಾರಣವೇನು?
- Automobiles ಎಲೆಕ್ಟ್ರಿಕ್ ಕಾರು ಖರೀದಿಸಿ ಪರಿಸರ ಪ್ರೇಮ ಮೆರೆದ ನಟಿ: ಬೆಲೆ ಕೇಳಿದ್ರೆ ತಲೆ ತಿರುಗುತ್ತೆ!
- Lifestyle ಊಟದ ರುಚಿ ಹೆಚ್ಚಿಸುತ್ತೆ ಚೌಳಿಕಾಯಿ ಪಲ್ಯ..! ಹೀಗೆ ಮಾಡಿ
- Finance ಬಿಸಿಲ ಬೇಗೆಯಿಂದ ರಕ್ಷಿಸಿಕೊಳ್ಳಲು ಟ್ರಾಫಿಕ್ ಪೊಲೀಸರಿಗೆ ರಿಲಿಫ್: ಬಂತು ಹವಾನಿಯಂತ್ರಿತ ಎಸಿ ಹೆಲ್ಮೆಟ್!
- Technology Samsung: ಸ್ಯಾಮ್ಸಂಗ್ನ ಈ ಸರಣಿ ಫೋನ್ಗಳಲ್ಲಿ ಗ್ರೀನ್ ಲೈನ್ ಸಮಸ್ಯೆ! ವರದಿ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ನಿತ್ಯಾ ಮೆನನ್ ರಿಂದ ಕನ್ನಡದಲ್ಲಿ ಆಟೋಗ್ರಾಫ್ ಹಾಕಿಸಿದ ದತ್ತಣ್ಣ
'ಮಿಷನ್ ಮಂಗಲ್' ಸಿನಿಮಾದಲ್ಲಿ ಕನ್ನಡದ ಹಿರಿಯ ನಟ ದತ್ತಣ್ಣ (ಎಚ್ ಜಿ ದತ್ತಾತ್ರೇಯ) ಒಂದು ಪಾತ್ರವನ್ನು ಮಾಡಿದ್ದಾರೆ. ಈ ಚಿತ್ರದ ಬಗ್ಗೆ ಫಿಲ್ಮಿಬೀಟ್ ಕನ್ನಡದ ಜೊತೆಗೆ ಮಾತನಾಡಿದ್ದು, ಕೆಲವು ಪ್ರಮುಖ ವಿಷಯಗಳನ್ನು ಹಂಚಿಕೊಂಡಿದ್ದಾರೆ. ದತ್ತಣ್ಣ ಹೇಳಿದ ಒಂದು ಘಟನೆ ಅವರ ಕನ್ನಡ ಪ್ರೇಮ ಎಂತಹುದು ಎನ್ನುವುದನ್ನು ತೋರಿಸುತ್ತಿದೆ.
'ಮಿಷನ್ ಮಂಗಲ್' ಸಿನಿಮಾದ ಟ್ರೇಲರ್ ಲಾಂಚ್ ಕಾರ್ಯಕ್ರಮದಲ್ಲಿ ಒಂದು ದೊಡ್ಡ ಬೋರ್ಡ್ ಮೇಲೆ ಎಲ್ಲರಿಂದ ಆಟೋಗ್ರಾಫ್ ತೆಗೆದುಕೊಂಡರಂತೆ. ಆಗ ಅಲ್ಲಿದ್ದ ಎಲ್ಲ ತಾರೆಯರು ಇಂಗ್ಲೀಷ್ ಹಾಗೂ ಹಿಂದಿಯಲ್ಲಿ ತಮ್ಮ ಆಟೋಗ್ರಾಫ್ ಹಾಕಿದ್ದಾರೆ.
Exclusive : 'ಮಂಗಲಯಾನ' ಮುಗಿಸಿದ ದತ್ತಣ್ಣ ಮದುವೆ ಯಾಕೆ ಆಗ್ಲಿಲ್ಲ?
ದತ್ತಣ್ಣ ತಮ್ಮ ಸರದಿ ಬಂದಾಗ ಕನ್ನಡದಲ್ಲಿ ಆಟೋಗ್ರಾಫ್ ಹಾಕಿದ್ದಾರೆ. ಹಿಂದಿ ಇಂಗ್ಲೀಷ್ ನಲ್ಲೇ ತುಂಬಿಕೊಂಡಿದ್ದ ಆ ಬೋರ್ಡ್ ನಲ್ಲಿ ಕನ್ನಡ ಪದ ಬರೆದದ್ದು ಅವರೊಬ್ಬರೆ. ದತ್ತಣ್ಣನ ಈ ಕೆಲಸವನ್ನು ನಿತ್ಯಾ ಮೆನನ್ ಗಮನಿಸಿದ್ದಾರೆ. ಏಕೆಂದರೆ, ಅವರಿಗೆ ಕೂಡ ಕನ್ನಡ ಬರುತ್ತದೆ.
ದತ್ತಣ್ಣನ ಬಳಿಕ ನಿತ್ಯಾ ಸರದಿ ಬರುತ್ತದೆ.. ಆಗ ನಿತ್ಯಾ ಖುಷಿಯಿಂದ ಏನು ದತ್ತಣ್ಣ ಕನ್ನಡದಲ್ಲಿ ಆಟೋಗ್ರಾಫ್ ಹಾಕಿದ್ದೀರಿ ಎಂದು ಹೇಳುತ್ತಾರೆ. ಆಗ ದತ್ತಣ್ಣ ನೀನೂ ಕೂಡ ಕನ್ನಡದಲ್ಲಿ ಆಟೋಗ್ರಾಫ್ ಹಾಕು ಎಂದು ಹೇಳುತ್ತಾರೆ. ದತ್ತಣ್ಣ ಮಾತಿಗೆ ಮುಗುಳು ನಕ್ಕ ನಿತ್ಯಾ ತಾವೂ ಕೂಡ ಕನ್ನಡದಲ್ಲಿಯೇ ಆಟೋಗ್ರಾಫ್ ಹಾಕಿದ್ದಾರೆ.
ಅಕ್ಷಯ್ ಕುಮಾರ್ ಸಿನಿಮಾದಲ್ಲಿ ನಟಿಸಿದ ಕನ್ನಡದ ದತ್ತಣ್ಣ
ಸದ್ಯ, ತೆಲುಗು ಹಾಗೂ ತಮಿಳಿನಲ್ಲಿ ಹೆಚ್ಚು ಸಿನಿಮಾ ಮಾಡಿರುವ ನಿತ್ಯಾ ಮೂಲತಃ ಬೆಂಗಳೂರಿನವರು. ಅಲ್ಲದೆ, ಅವರ ಸಿನಿ ಕೆರಿಯರ್ ಶುರು ಆಗಿದ್ದು ಕೂಡ ಕನ್ನಡದ 'ಸೆವೆನ್ ಒ ಕ್ಲಾಕ್' ಎಂಬ ಸಿನಿಮಾದ ಮೂಲಕ.
ಈ ರೀತಿ ಬಾಲಿವುಡ್ ನೆಲದಲ್ಲಿ ನಟ ದತ್ತಣ್ಣ ಹಾಗೂ ನಿತ್ಯಾ ಮೆನನ್ ಕನ್ನಡದ ಅಭಿಮಾನವನ್ನು ತೋರಿದ್ದಾರೆ.