'ಜೋಕರ್' ಆದ ನಟ ರಾಕ್ಷಸ ಡಾಲಿ ಧನಂಜಯ್

ಹಾಲಿವುಡ್ ನಲ್ಲಿ ಮರೆಯಲಾಗದ ಪಾತ್ರ 'ಜೋಕರ್'. ಇತ್ತೀಚಿಗಷ್ಟೆ ಜೋಕರ್ ಪಾತ್ರದ ಮೇಲೆಯೇ ಸಿನಿಮಾ ಬಂದಿತ್ತು. ಈ ಸಿನಿಮಾ ಸೂಪರ್ ಹಿಟ್ ಆಯ್ತು. ಜೋಕರ್ ಪಾತ್ರ ಮಾಡಿದ್ದ ಜೋಕ್ವಿನ್ ಫೀನಿಕ್ಸ್ ದೊಡ್ಡ ಪ್ರಶಂಸೆ ಪಡೆದರು.

ಇದೀಗ ಕನ್ನಡದ ನಟ ಡಾಲಿ ಧನಂಜಯ್ ಜೋಕರ್ ಆಗಿದ್ದಾರೆ. ಲೋಹಿತ್ ಎಂಬ ಅಭಿಮಾನಿಯೊಬ್ಬರು ಅವರ ಫೋಟೋವನ್ನು ಈ ರೀತಿಯಾಗಿ ಎಡಿಟ್ ಮಾಡಿ ಸೋಷಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ. ಧನಂಜಯ್ ತಮ್ಮ ಟ್ವಿಟ್ಟರ್ ಖಾತೆಯಲ್ಲಿ ಈ ಫೋಟೋದ ಬಗ್ಗೆ ಸಂತಸ ಹಂಚಿಕೊಂಡಿದ್ದಾರೆ.

ಧನಂಜಯ್ ಮುಂದಿನ ಸಿನಿಮಾ 'ಪಾಪ್ ಕಾರ್ನ್ ಮಂಕಿ ಟೈಗರ್' ಫೋಟೋವನ್ನು ಬಳಸಿ ಅದಕ್ಕೆ ಜೋಕರ್ ರೂಪ ನೀಡಿದ್ದಾರೆ. ಸಾಮಾಜಿಕ ಜಾಲತಾಣದಲ್ಲಿ ಈ ಫೋಟೋಗೆ ಒಳ್ಳೆಯ ಪ್ರತಿಕ್ರಿಯೆ ಸಿಗುತ್ತಿದೆ. ಜೋಕರ್ ಪಾತ್ರ ಧನಂಜಯ್ ಗೆ ತುಂಬ ಚೆನ್ನಾಗಿ ಹೋಲಿಕೆ ಆಗಿದೆ..

ಎಷ್ಟೊ ಮಂದಿ ಈ ಫೋಟೋ ನೋಡಿ 'ಜೋಕರ್' ಸಿನಿಮಾ ಕನ್ನಡಕ್ಕೆ ಬರುತ್ತಿದೆಯೇ, ಧನಂಜಯ್ ಜೋಕರ್ ಆಗಿ ನಟಿಸುತ್ತಿದ್ದಾರೆಯೇ ಎಂದು ಪ್ರಶ್ನೆ ಮಾಡುತ್ತಿದ್ದಾರೆ. ಆದರೆ, ಆ ಸಿನಿಮಾ ಕನ್ನಡಕ್ಕೆ ರಿಮೇಕ್ ಆಗುತ್ತಿಲ್ಲ. ಇದು ಅಭಿಮಾನಿಯ ಕೈಚಳಕ ಅಷ್ಟೇ.

ಅಂದಹಾಗೆ, ನಟ ಧನಂಜಯ್ 'ಪಾಪ್ ಕಾರ್ನ್ ಮಂಕಿ ಟೈಗರ್', 'ಯುವರತ್ನ', 'ಬಡವ ರಾಸ್ಕರ್', 'ಡಾಲಿ' ಸಿನಿಮಾಗಳಲ್ಲಿ ಬ್ಯುಸಿ ಇದ್ದಾರೆ.