ತಮಿಳುನಾಡಿನಲ್ಲಿ 'ಕೆಜಿಎಫ್' v/s 'ಮಾರಿ 2' ಏನಂತಾರೆ ಧನುಷ್?

ಸಿನಿಮಾಗೆ ಒಳ್ಳೆದಾಗಲಿ ಎಂದ ಧನುಷ್

ಇತ್ತೀಚಿಗಷ್ಟೆ ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿರುವ ಧನುಷ್ ''ಕನ್ನಡ ನಟ ಯಶ್ ಅವರು ಮೊದಲ ಬಾರಿಗೆ ತಮಿಳಿನಲ್ಲಿ ನಟಿಸಿದ್ದಾರೆ. ಅವರ 'ಕೆಜಿಎಫ್' ಡಿಸೆಂಬರ್ 21ಕ್ಕೆ ಸಿನಿಮಾ ಬಿಡುಗಡೆಯಾಗುತ್ತಿದೆ. ಆ ಸಿನಿಮಾಗೆ ಒಳ್ಳೆದಾಗಲಿ.'' ಎಂದು ಶುಭಾಶಯ ತಿಳಿಸಿದ್ದಾರೆ. ಈ ಮೂಲಕ ಕನ್ನಡ ಸಿನಿಮಾಗೆ ಮನಸಾರೆ ವಿಶ್ ಮಾಡಿದ್ದಾರೆ.

ಟ್ರೇಲರ್ ಇಷ್ಟ ಆಗಿದೆ

ಈ ವೇಳೆ ಮಾತನಾಡಿರುವ ಧನುಷ್ ನನಗೆ 'ಕೆಜಿಎಫ್' ಸಿನಿಮಾದ ಟ್ರೇಲರ್ ತುಂಬ ಇಷ್ಟ ಆಗಿದೆ. ಡಿಸೆಂಬರ್ 21ಕ್ಕೆ ರಿಲೀಸ್ ಆಗುತ್ತಿದೆ. ಎಂದು ಹೇಳಿದ್ದಾರೆ. ಇಡೀ ಭಾರತವೇ ಮೆಚ್ಚಿಕೊಂಡಿರುವ ಈ ಸಿನಿಮಾವನ್ನು ಧನುಷ್ ಕೂಡ ಇಷ್ಟ ಪಟ್ಟಿದ್ದಾರೆ. 'ಮಾರಿ 2' ಮಟ್ಟಿಗೆಯೇ ಈ ಸಿನಿಮಾವೂ ಕಾಲಿವುಡ್ ನಲ್ಲಿ ಹವಾ ಸೃಷ್ಟಿ ಮಾಡಿದೆ.

ಡೈಲಾಗ್ ಬಗ್ಗೆ ಸುದ್ದಿಯಾಗಿತ್ತು

''ಇಫ್ ಯೂ ಥಿಂಕ್ ಬ್ಯಾಡ್.. ಐ ಯಾಮ್ ಯುವರ್ ಡ್ಯಾಡ್' ಎಂಬ ಡೈಲಾಗ್ ಬಗ್ಗೆ ಬಹಳ ಸುದ್ದಿಯಾಗಿತ್ತು. ಕಾರಣ 'ಕೆಜಿಎಫ್' ಸಿನಿಮಾದ ಈ ಡೈಲಾಗ್ ಅನ್ನು ಧನುಷ್ 'ಮಾರಿ 2' ಸಿನಿಮಾದಲ್ಲಿ ಹೇಳಿದ್ದರು. ಈ ಬಗ್ಗೆ ಮಾತನಾಡಿದ್ದ ಯಶ್ ಇದು ಕಾಕತಾಳೀಯ ಅಷ್ಟೇ ಎಂದು ತಿಳಿಸಿದರು.

ನಟ ವಿಶಾಲ್ ಹಂಚಿಕೆ

ತಮಿಳುನಾಡಿನಲ್ಲಿಯೂ 'ಕೆಜಿಎಫ್' ಸಿನಿಮಾಗೆ ದೊಡ್ಡ ಕ್ರೇಜ್ ಇದೆ. ನಟ ವಿಶಾಲ್ ಅಲ್ಲಿ ಈ ಚಿತ್ರದ ವಿತರಣೆ ಮಾಡುತ್ತಿದ್ದಾರೆ. ಕಾಲಿವುಡ್ ಪ್ರೇಕ್ಷಕರು ಮಾತ್ರವಲ್ಲದೆ ನಟ ಆರ್ಯ ಸೇರಿದಂತೆ ಕೆಲವು ಕಾಲಿವುಡ್ ನಟರು ಸಿನಿಮಾ ಬಗ್ಗೆ ನಿರೀಕ್ಷೆಯಿಂದ ಕಾಯುತ್ತಿದ್ದಾರೆ. ಕರ್ನಾಟಕದಲ್ಲಿ ಸಿನಿಮಾದ ಕ್ರೇಜ್ ಮುಗಿಲು ಮುಟ್ಟಿದೆ.