ಅಡ್ವೆಂಚರ್ ಹವ್ಯಾಸದಿಂದಲೇ ದಿಗಂತ್‌ಗೆ ಕುತ್ತು!

ಸೇತುವೆಯಿಂದ ನದಿಗೆ ಹಾರಿದ ನಟ!

ನಟ ದಿಗಂತ್‌ಗೆ ನೀರು ಎಂದರೆ ಬಲು ಇಷ್ಟ, ಹಾಗಾಗಿ ಎಲ್ಲೇ ಹೋದರೂ ದಿಗಂತ್ ನೀರಿಗೆ ಜಿಗಿಯುತ್ತಾರೆ. ಈ ವಿಡಿಯೋದಲ್ಲೂ ಕೂಡ ದಿಗಂತ್ ತಮ್ಮ ಸ್ನೇಹಿತನ ಜೊತೆಗೆ ನದಿಯ ಮೇಲಿನ ಸೇತುವೆಯಿಂದ ನೀರಿಗೆ ಹಾರಿ ಖುಷಿ ಪಟ್ಟಿದ್ದಾರೆ.

ಬೈಕ್ ಹತ್ತಿ ಅಡ್ವೆಂಚರ್ ರೈಡ್!

ನಟ ದಿಗಂತ್‌ಗೆ ಬೈಟ್‌ ಹತ್ತಿ ಪ್ರಕೃತಿ ಮಧ್ಯೆ ರೈಡ್ ಹೋಗುವುದು ಎಂದರೆ ಇಷ್ಟ. ಹಾಗಾಗಿ ಆಗಾಗ ಸ್ನೇಹಿತರ ಜೊತೆಗೆ ಬೈಕ್ ಹತ್ತಿ ಕಾಡು, ಮೇಡು ಸುತ್ತಲು ಹೊರಡುತ್ತಾರೆ. ಬೈಕ್ ರೈಡ್ ವಿಡಿಯೋ ಹಂಚಿಕೊಂಡ ದಿಗಂತ್ "ನಿಮ್ಮ ಬಳಿ ಎಷ್ಟು ಕಡಿಮೆ ಹಣ ಇದೆ ಎನ್ನುವು ಲೆಕ್ಕಿಸಬೇಡಿ. ಪ್ರಕೃತಿಯನ್ನು ಪ್ರೀತಿಸುವವರು ಸದಾ ಶ್ರೀಮಂತರು." ಎಂದು ಬರೆದುಕೊಂಡಿದ್ದರು.

ಬಂಡೆಯ ಮೇಲೆ ಸಿಟ್-ಸ್ಟಾರ್ಟ್!

ನಟ ದಿಗಂತ್ ಹಾಗಾಗ ಬೆಟ್ಟ, ಗುಡ್ಡಗಳನ್ನು ಹತ್ತುತ್ತಾರೆ. ಟ್ರೆಕ್ಕಿಂಗ್ ಮಾಡುತ್ತಾರೆ. ಅದರಲ್ಲೆ ಹಲವು ಸಾಹಸಗಳನ್ನು ಮಾಡುತ್ತಾರೆ. ಈ ಹಿಂದೆ ಬೆಟ್ಟದ ಮೇಲೆ ಸಿಟ್- ಸ್ಟಾರ್ಟ್ ಕ್ಲೈಂಬಿಂಗ್ ಮಾಡಿದ್ದರು. ಈ ವಿಡಿಯೋ ಹಂಚಿಕೊಂಡ ದಿಗಂತ್ "ನಾನು ಹತ್ತುತ್ತಿರುವ ಈ ಭಂಗಿಯನ್ನು ಸಿಟ್-ಸ್ಟಾರ್ಟ್ ಅಂತ ಕರೆಯುತ್ತಾರೆ. ಸಹಜವಾಗಿ ನಿಂತು ಏರುವುದಕ್ಕಿಂದ ಇದು ಕಷ್ಟಕರ." ಎಂದು ಬರೆದುಕೊಂಡಿದ್ದಾರೆ.

ಸಾಗರದಲ್ಲೂ ದಿಗಂತ್ ಸಾಹಸ!

ಮೊದಲೇ ಹೇಳಿದ ಹಾಗೆ ದಿಗಂತ್‌ಗೆ ನೀರು, ಬೆಟ್ಟ, ಗುಡ್ಡ, ಪರಿಸರ ಎಂದರೆ ಬಲು ಇಷ್ಟ. ಸಮುದ್ರದ ತಟದಲ್ಲೂ ಕೂಡ ದಿಗಂತ್ ಸಾಹಸ ಮಾಡಿದ್ದಾರೆ. ನೀರಿನಲ್ಲಿ ಸಮ್ಮರ್ ಸಾಲ್ಟ್ ಹೊಡೆದಿದ್ದಾರೆ. ಅಂಡರ್‌ ವಾಟರ್‌ನಲ್ಲಿ ಈಜಿ ಖುಷಿ ಪಟ್ಟಿದ್ದರು.

ತೆಂಗಿನ ಮರಕ್ಕೆ ಹತ್ತಿ ಪಲ್ಟಿ!

ದಿಗಂತ್ ನೀರು, ಬೆಟ್ಟಗಳಲ್ಲಿ ಮಾತ್ರ ಅಲ್ಲ, ತೆಂಗಿನ ಮರಕ್ಕೆ ಹತ್ತಿ ಪಲ್ಟಿ ಹೊಡೆದಿದ್ದಾರೆ. ದಿಗಂತ್ ಈ ವಿಡಿಯೋ ನೋಡಿದರೆ ಮೈ ಜುಮ್ಮೆನ್ನುತ್ತೆ.

ಸರ್ಫ್ ಬೋರ್ಡ್‌ ಮೇಲೆ ದಿಗಂತ್ ಪುಶಪ್ಸ್!

ಇನ್ನು ನಟ ದಿಗಂತ್ ಫಿಟ್‌ನೆಸ್ ಕಾಪಾಡಿಕೊಳ್ಳುವುದರಲ್ಲೂ ಎತ್ತಿದ ಕೈ. ಹಾಗಾಗಿ ಅಡ್ವೆಂಚರ್ ಟ್ರಿಪ್‌ಗೆ ಹೋದರು ಕೂಡ, ದಿಗಂತ್ ತಮ್ಮ ಫಿಟ್‌ನೆಸ್ ಬಗ್ಗೆ ಕಾಳಜಿವಹಿಸುತ್ತಾರೆ. ಹಾಗಾಗಿ ದಿಗಂತ್ ಸರ್ಫ್ ಬೋರ್ಡ್‌ ಮೇಲೆಯೂ ದಿಗಂತ್ ಪುಶಪ್ಸ್ ಮಾಡಿದ್ದರು.