ಟ್ವಿಟ್ಟರ್ ನಲ್ಲಿ 'ಅನುಭವ' ಹಂಚಿಕೊಂಡ ಕಾಶಿನಾಥ್

ನಟ, ನಿರ್ದೇಶಕ ಕಾಶಿನಾಥ್ ಅವರು ಮೈಕ್ರೋ ಬ್ಲಾಗಿಂಗ್ ತಾಣ ಟ್ವಿಟ್ಟರ್ ಗೆ ಅಡಿಯಿಟ್ಟಿದ್ದಾರೆ. ಟ್ವಿಟ್ಟರ್ ಕೇವಲ ಈ ಜಮಾನದ ಸೆಲೆಬ್ರಿಟಿಗಳಿಗಷ್ಟೇ ಎಂಬ ಭ್ರಮೆ ಬಹಳಷ್ಟು ಮಂದಿಗಿದೆ. ಆ ಮಾತನ್ನು ಕಾಶಿನಾಥ್ ಹುಸಿ ಮಾಡಿದ್ದಾರೆ. ಇತ್ತೀಚೆಗೆ ನವರಸ ನಾಯಕ ಜಗ್ಗೇಶ್ ಸಹ ಟ್ವಿಟ್ಟರ್ ಗೆ ಅಡಿಯಿಟ್ಟಿರುವುದು ಸ್ವಾಗತಾರ್ಹ ಬೆಳವಣಿಗೆ.

ಕಾಶಿನಾಥ್ ಅವರು ಬುಧವಾರ (ನ.13) ಟ್ವಿಟ್ಟರ್ ಖಾತೆ ತೆರೆದಿದ್ದು ತಮ್ಮ ಬಗ್ಗೆ ಪುಟ್ಟ ಒಕ್ಕಣೆಯನ್ನೂ ಕೊಟ್ಟುಕೊಂಡಿದ್ದಾರೆ. ಅದೇನೆಂದರೆ A man with a scientific mind ಎಂಬುದು. ಇಲ್ಲಿ ಅವರ ವೆಬ್ ಸೈಟ್ ಕೊಂಡಿಯನ್ನೂ ಕೊಡಲಾಗಿದೆ (http://www.kashicineyatre.com/). ಆದರೆ ಅದು ಇನ್ನೂ ನಿರ್ಮಾಣ ಹಂತದಲ್ಲಿದೆ.

ಕನ್ನಡ ಚಿತ್ರರಂಗದಲ್ಲಿ ಹೊಸ ಹೊಸ ಸಾಧ್ಯತೆಗಳನ್ನು ಹುಟ್ಟುಹಾಕಿದ್ದಂತಹ ಚಿತ್ರ ಅನುಭವ. ಈಗ ಮತ್ತೊಮ್ಮೆ ಅನುಭವ ಚಿತ್ರವನ್ನು ಬಿಡುಗಡೆ ಮಾಡುವುದಾಗಿ ಹೇಳಿದ್ದಾರೆ. ಈಗಾಗಲೆ ಅನುಭವ ಚಿತ್ರ ಮೂರು ಬಾರಿ ರೀ ರಿಲೀಸ್ ಆಗಿದೆ. ಈಗ ಮತ್ತೊಮ್ಮೆ ನವೆಂಬರ್ ಕೊನೆ ಅಥವಾ ಡಿಸೆಂಬರ್ ಮೊದಲ ವಾರದಲ್ಲಿ ಬಿಡುಗಡೆ ಮಾಡುವುದಾಗಿ ಹೇಳಿದ್ದಾರೆ. (ಒನ್ಇಂಡಿಯಾ ಕನ್ನಡ)