ಬಾರ್ ತೆಗೆದ ಬೆನ್ನಲ್ಲೇ ದುನಿಯಾ ವಿಜಯ್ ಇಂದ ಮತ್ತೊಂದು ಮನವಿ

''ಸಾಮಾಜಿಕ ಅಂತರ, ಸ್ವಚ್ಛತೆ ಕಾಪಾಡಿಕೊಳ್ಳುತ್ತೇವೆ ''

''ಜಿಮ್ ನಲ್ಲಿ ಏಳಡಿಯಷ್ಟೇ ಅಂತರ ಇಟ್ಟುಕೊಳ್ಳುತ್ತೇವೆ. ಸ್ಯಾನಿಟೈಸರ್ ಬಳಸುತ್ತೇವೆ. ಹೈಜಿನಿಕ್ ಆಗಿ ಇರಿಸುತ್ತೇವೆ.‌ ಮೆಡಿಕಲ್ ಚೆಕಪ್ ಕೂಡ ನಡೆಯಲಿ. ಒಂದು ಬಾರಿಗೆ ಇಷ್ಟೇ ಮಂದಿ ಎಂದು ನಿಗದಿಗೊಳಿಸುತ್ತೇವೆ. ಹಾಗಾಗಿ ದಯವಿಟ್ಟು ಜಿಮ್ ಓಪನ್ ಮಾಡಲು ಅನುಮತಿ ಕೊಡಿ" ಎನ್ನುವುದು ನನ್ನ ಪರಿಚಿತ ಜಿಮ್ ಮಾಲೀಕರು ಮನವಿಯಾಗಿದೆ. ದಯವಿಟ್ಟು ಸರ್ಕಾರ ಈ ಬಗ್ಗೆ ಗಮನ ಹರಿಸಬೇಕು ಎಂದು ನಾನು ಕೂಡ ವಿನಂತಿಸಿಕೊಳ್ಳುತ್ತೇನೆ'' ಎಂದು ದುನಿಯಾ ವಿಜಯ್ ಮನವಿ ಮಾಡಿದ್ದಾರೆ.

''ಕಟ್ಟಡದ ಬಾಡಿಗೆ, ಸಾಲಗಳು ಏರುತ್ತಲೇ ಇವೆ''

''ಜಿಮ್ ತರಬೇತಿ ನೀಡುವ ಕಟ್ಟಡದ ಬಾಡಿಗೆ ಒಂದೆಡೆಯಾದರೆ, ವ್ಯಾಯಾಮಕ್ಕೆ ಬೇಕಾದ ಸಲಕರಣೆಗಳನ್ನು ಕೊಳ್ಳಲು ಬ್ಯಾಂಕ್ ನಿಂದ ಸಾಲ ತೆಗೆದವರಿದ್ದಾರೆ. ಇದೆಲ್ಲವನ್ನೂ ಗಮನಿಸಿ ಸರ್ಕಾರ ಆದಷ್ಟು ಬೇಗ ಜಿಮ್ ಟ್ರೈನಿಂಗ್ ಸೆಂಟರ್ ಗಳನ್ನು ಚಲಾವಣೆ ಮಾಡಲು ಪರವಾನಗಿ ನೀಡಬೇಕೆಂದು ಮನವಿ ಮಾಡುತ್ತೇನೆ'' ಎಂದಿದ್ದಾರೆ ದುನಿಯಾ ವಿಜಯ್.

ತರಬೇತಿ ನೀಡಿದವರ ಋಣವೇ ಕಾರಣ

ಇದರಲ್ಲಿ ನನ್ನ ಸ್ವಾರ್ಥವೇನೂ ಇಲ್ಲ. ಯಾಕೆಂದರೆ ನಾನು ಅಥವಾ ನಮ್ಮ ಸ್ಟಾರ್ ಗಳು ತಮ್ಮ ಮನೆಯಲ್ಲೇ ಜಿಮ್ ಮಾಡಬಲ್ಲರು. ಆದರೆ ನಮಗೆ ಆರಂಭದಲ್ಲಿ ತರಬೇತಿ ನೀಡಿದ ತರಬೇತುದಾರರ ಬಗ್ಗೆ ಇರುವ ಋಣ ಈ ವಿನಂತಿಗೆ ಕಾರಣ ಎಂದು ಸ್ಪಷ್ಟನೆ ನೀಡಿದ್ದಾರೆ.

ಹೊರಗೆ ಕಂಡಷ್ಟು ಆರ್ಥಿಕವಾಗಿ ಶಕ್ತಿವಂತರಲ್ಲ

ಜಿಮ್ ದೇಹದ ಮಂದಿ ಹೊರಗೆ ಕಂಡಷ್ಟು ಶಕ್ತಿವಂತರೇನಲ್ಲ. ಆದರೆ ಒಂದು ಸಿಕ್ಸ್ ಪ್ಯಾಕ್ ಬರಿಸಲು ನಾವು ಪಡುವ ಶ್ರಮದ ನನಗೆ ಚೆನ್ನಾಗಿ ಗೊತ್ತು. ನಾನು ಬಿಡಿ, ದೇವರ ದಯೆಯಿಂದ ನಟನಾಗಿ ಅವಕಾಶ ಪಡೆದಿದ್ದೇನೆ. ಆದರೆ ಸಾಮಾನ್ಯ ಜಿಮ್ ಟ್ರೈನರ್ ಗಳು ಒಂದು ತಿಂಗಳು ಜಿಮ್ ಮುಚ್ಚಿದಾಗ ಪಡೋ ಕಷ್ಟ ಕಲ್ಪನೆಗೂ ಕಷ್ಟ! ಯಾಕೆಂದರೆ ಅಲ್ಲಿಗೆ ಬರುವವರೆಲ್ಲ ವರ್ಷಾನುಗಟ್ಟಲೆ ಬರುವ ಭರವಸೆಯಿಲ್ಲ.‌ ಮೂರೇ ದಿನಕ್ಕೆ ಗುಡ್ ಬೈ ಹೇಳುವವರೇ ಹೆಚ್ಚು! ಕಳೆದ ಒಂದೂವರೆ ತಿಂಗಳಿಂದ ಅದು ಕೂಡ ಇಲ್ಲವಾಗಿದೆ ಎಂದು ಜಿಮ್ ಟ್ರೈನರ್‌ಗಳ ಕಷ್ಟದ ಬಗ್ಗೆ ವಿವರಿಸಿದ್ದಾರೆ ದುನಿಯಾ ವಿಜಯ್.