ಸುಳ್ಳು ಸುದ್ದಿ ಹಬ್ಬಿಸುವವರ ವಿರುದ್ಧ ನಟ ಜಗ್ಗೇಶ್ ದೂರು

ಜಗ್ಗೇಶ್ ಹೆಸರಿನಲ್ಲಿ ಸುಳ್ಳು ಸುದ್ದಿ ಹಬ್ಬಿಸುತ್ತಿರುವ ಕಿಡಿಗೇಡಿಗಳು

ಇತ್ತೀಚಿಗೆ ಜಗ್ಗೇಶ್ ಹೆಸರಿನಲ್ಲಿ ಹಿಂದಿ ಹೇರಿಕೆ ವಿಚಾರವಾಗಿ ಒಂದು ಪೋಸ್ಟ್ ವೈರಲ್ ಆಗಿತ್ತು. ಪೋಸ್ಟ್ ನಲ್ಲಿ "ಹಿಂದಿ ಹೇರಿಕೆ ಬಗ್ಗೆ ಅಭಿಪ್ರಾಯ ಹೇಳಿ ಎಂದು ಜನರ ಒತ್ತಾಯಕ್ಕೆ ಹೇಳಲೇಬೇಕಾದ ಅನಿವಾರ್ಯತೆ ಬಂದೊದಗಿದೆ. ನನ್ನ ಮನಃಸಾಕ್ಷಿ ಅರಿತು ಈ ಮಾತು ಹೇಳುತ್ತಿದ್ದೇನೆ. ಕರ್ನಾಟಕ ಮತ್ತು ಕನ್ನಡಕ್ಕಿಂತ ಹೆಚ್ಚಾಗಿ ಯಾವುದೂ ಇಲ್ಲ, ಯಾರು ಇಲ್ಲ. ಆದರೆ ರಾಜಕೀಯ ಮತ್ತು ಪಕ್ಷ ಮತ್ತು ಐಟಿ ಈಡಿಗೆ ಹೆದರಿ ಬಹಳಷ್ಟು ನಟರುಗಳ ಹಾಗೆ ನಾನು ಮೂಕನಾಗಬೇಕಾಯಿತು ಕ್ಷಮಿಸಿ" ಎಂದು ಕನ್ನಡದ ಬಗ್ಗೆ ಇರುವ ಪೋಸ್ಟ್ ಜಗ್ಗೇಶ್ ಹೆಸರಿನಲ್ಲಿ ವೈರಲ್ ಆಗಿದೆ.

ದೂರು ನೀಡಿರುವ ಜಗ್ಗೇಶ್

ಇಗೀದ ಸೈಬರ್ ಪೊಲೀಸರಿಗೆ ದೂರು ನೀಡಿರುವ ಜಗ್ಗೇಶ್ "Online complaint ಕೊಟ್ಟಿರುವೆ. ಈ ರೀತಿಯ ಯತ್ನಗಳಿಗೆ ನಾನು ಹೆದರುವುದಿಲ್ಲ. ನನ್ನ ಅಭಿಮಾನಿಗಳು ನಂಬುವುದಿಲ್ಲ. ನಿಮ್ಮ ಕಾರ್ಯ ನೀವು ಮುಂದುವರಿಸಿ ನಮ್ಮ ಕಾರ್ಯ ನಾವು ಮಾಡುತ್ತೇವೆ. ಒಟ್ನಲ್ಲಿ ತಂತ್ರಜ್ಞಾನ ಬಳಕೆ ಮಜವಾಗಿದೆ. best of luck ಭೇಟಿಯಾಗುವ" ಎಂದು ಟ್ಟೀಟ್ ಮಾಡಿದ್ದಾರೆ.

ಸೆಲೆಬ್ರಿಟಿಗಳಿಗೆ ಮುಜುಗರ ಉಂಟು ಮಾಡುವುದು ದಂಧೆಯಾಗಿದೆ

ಜಗ್ಗೇಶ್ ಹೆಸರಿನಲ್ಲಿ ಇರುವ ಪೋಸ್ಟ್ ನೋಡಿ ಅಚ್ಚರಿಗೊಂಡ ನಟ, "ಕೆಲವರಿಗೆ ಹೀಗೆ ಸೆಲೆಬ್ರಿಟಿ ಪೇಜ್ ಹಾಗು ಅವರಿಗೆ ಮುಜುಗರ ಉಂಟುಮಾಡುವುದು ದಂಧೆಯಾಗಿದೆ. ಖುಷಿಯಾಗಿರಿ. ಸೈಬರ್ ಕ್ರೈಮ್ ಇದೆ. ನನ್ನ ವೈಯಕ್ತಿಕ ದೂರು ಎಂದು ಭಾವಿಸಿ ಈ ಕೃತ್ಯಕ್ಕೆ ಕಾನೂನು ಕ್ರಮಕ್ಕೆ ಮುಂದಾಗುವೆ" ಎಂದು ಟ್ವಿಟ್ಟರ್ ನಲ್ಲಿ ಪ್ರತಿಕ್ರಿಯೆ ನೀಡಿದ್ದರು.

Recommended Video

ನನ್ನ ನಂಬಿ ಸರ್ಕಾರ ದೊಡ್ಡ ಜವಾಬ್ದಾರಿ ಕೊಟ್ಟಿದೆ | Shruthi Krishna | Filmibeat Kannada

IP Adress ಗೊತ್ತಾಗಿದೆ, ಅಮಾಯಕರು retweet ಮಾಡಿ

"ಈ ನಕಲಿ ವಿಷಯದ ಹಿಂದೆ ಇರುವವರ IP Adress ಬಹುತೇಕ ಗೊತ್ತಾಗಿದೆ. ದಯಮಾಡಿ ಅಮಾಯಕರು retweet ಮಾಡಿ ಅನಾವಶ್ಯಕವಾಗಿ ಸೈಬರ್ ಸಮಸ್ಯೆಗೆ ನೀವು ಸಿಲುಕಬೇಡಿ. ಪ್ರೀತಿಯಿಂದ ಮಾಹಿತಿ." ಎಂದಿದ್ದಾರೆ. "ಇಂತಹ ಸಣ್ಣ ಮಕ್ಕಳ ಆಟ ನನಗೆ ಬಹಳ ಖುಷಿ. ಒಂದೆ ಕೆಲಸ ಬೊರ್ ಆಗಿತ್ತು ಈ ಹೊಸ ಆಟ ಮಜಕೊಡ್ತಿದೆ. let's enjoy new game." ಎಂದು ಹೇಳಿದ್ದಾರೆ.