Don't Miss!
- Lifestyle ಉಪ್ಪು ನೀರಿನಿಂದ ಮುಖ ತೊಳೆದರೆ ಆಗುವ ಲಾಭವೇನು.? ಇದರ ಅನಾನುಕೂಲವೇನು ಗೊತ್ತಾ?
- Sports IPL 2024: ಆರ್ಸಿಬಿ ಕಪ್ ಗೆಲ್ಲದಿರಲು ಅತಿಯಾದ ಪಾರ್ಟಿ ಕಾರಣವೇ?; ರೈನಾ ಬಿಚ್ಚಿಟ್ಟ ಸತ್ಯ
- News Bengaluru Heat Wave: ಮಳೆಯ ನಡುವೆ ಮತ್ತೆ ದಾಖಲೆಯ ಗರಿಷ್ಠ ತಾಪಮಾನ: ಶಾಖದ ಅಲೆ ಮುನ್ಸೂಚನೆ
- Automobiles Ola: ಓಲಾದಿಂದ ಕಡಿಮೆ ಬೆಲೆಯ 'ಎಸ್1 ಎಕ್ಸ್' ಎಲೆಕ್ಟ್ರಿಕ್ ಸ್ಕೂಟರ್ ಬಗ್ಗೆ ದೊಡ್ಡ ಘೋಷಣೆ.. ಏನದು?
- Technology ನಾಳೆ ವಿವೋದ ಈ ಹೊಸ ಫೋನ್ ಫಸ್ಟ್ ಸೇಲ್!..ಬಜೆಟ್ ಬೆಲೆಗೆ ಲಭ್ಯ!
- Finance Bengaluru Karaga: ಇಂದು ಈ ರಸ್ತೆಗಳಲ್ಲಿ ಸಂಚಾರ ಬಂದ್, ಬದಲಿ ಮಾರ್ಗ ವಿವರ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
'ನೀರ್ದೋಸೆ' ನಿರ್ದೇಶಕರ ಜೊತೆ ಜಗ್ಗೇಶ್ ಮತ್ತೊಂದು ಸಾಹಸ
ನವರಸ ನಾಯಕ ಜಗ್ಗೇಶ್ ಮತ್ತು ನಿರ್ದೇಶಕ ವಿಜಯ ಪ್ರಸಾದ್ ಅವರ ಕಾಂಬಿನೇಷನ್ ನಲ್ಲಿ ಮೂದಿ ಬಂದ ಸಿನಿಮಾ 'ನೀರ್ದೋಸೆ'. ಈ ನೀರ್ದೋಸೆ ತಿಂದ ಪ್ರೇಕ್ಷಕರು ಶಬ್ಬಾಶ್ ಎಂದಿದ್ದರು. ನಿರ್ದೇಶಕನ ಕೆಲಸಕ್ಕೆ, ಜಗ್ಗೇಶ್ ಅವರ ಅಭಿನಯಕ್ಕೆ ದೊಡ್ಡ ಸಲಾಂ ಹೊಡೆದಿದ್ದರು.
ಹೀಗಾಗಿ, ಇವರಿಬ್ಬರ ಜುಗಲ್ ಬಂದಿಯಲ್ಲಿ ಮತ್ತೊಂದು ಸಿನಿಮಾ ಬಂದ್ರು ಅಚ್ಚರಿಯಿಲ್ಲ ಎಂದು ಅಂದುಕೊಂಡಿದ್ದವರೇ ಹೆಚ್ಚು. ಈಗ ಸಮಯ ಬಂದಿದೆ, 'ನೀರ್ದೋಸೆ' ನಂತರ ಜಗ್ಗೇಶ್ ಮತ್ತು ವಿಜಯ ಪ್ರಸಾದ್ ಮತ್ತೊಂದು ಸಾಹಸಕ್ಕೆ ಕೈ ಹಾಕಿದ್ದಾರೆ.
ಇವರಿಬ್ಬರು ಈ ಬಾರಿ ಹಿಂದೆ ಬಿದ್ದಿರುವುದು ದೋಸೆ ಹಿಂದೆ ಅಲ್ಲಾ, 'ಲೇಡಿಸ್ ಟೈಲರ್' ಹಿಂದೆ. ಅರೇ 'ಲೇಡಿಸ್ ಟೈಲರ್'ಗೆ ಬೇರೆ ನಾಯಕ ಇದ್ದಾರೆ ಅಲ್ವಾ ಅಂತ ಆಶ್ಚರ್ಯವಾಗಬೇಡಿ. ಅದೇಲ್ಲಾ ಹಳೆ ಕಥೆ. ಇದು ತಾಜಾ ಕಥೆ. 'ಲೇಡಿಸ್ ಟೈಲರ್' ಬಗ್ಗೆ ತಿಳಿದುಕೊಳ್ಳಲು ಮುಂದೆ ಓದಿ.....
'ಲೇಡಿಸ್ ಟೈಲರ್'ಗೆ ಜಗ್ಗೇಶ್ ನಾಯಕ
'ನೀರ್ದೋಸೆ' ನಿರ್ದೇಶಕರ 'ಲೇಡಿಸ್ ಟೈಲರ್' ಸಿನಿಮಾಗೆ ನವರಸನಾಯಕ ಜಗ್ಗೇಶ್ ನಾಯಕನಾಗಿ ಆಯ್ಕೆ ಆಗಿದ್ದಾರಂತೆ. ಈ ಮೂಲಕ ರವಿಶಂಕರ್ ಗೌಡ ಮತ್ತು ನೀನಾಸಂ ಸತೀಶ್ ನಂತರ ಜಗ್ಗೇಶ್ ಅವರ ಜೋಳಿಗಿಗೆ ಈ ಸಿನಿಮಾ ಬಿದ್ದಿದೆ.
ಜಗ್ಗೇಶ್ ಸೂಕ್ತ ಎಂಬ ಆಶಯ
'ಲೇಡಿಸ್ ಟೈಲರ್' ಕಥೆ ಕೇಳಿದ್ದ ಬಹುತೇಕರು ಈ ಕಥೆಗೆ ಜಗ್ಗೇಶ್ ಅವರೇ ಸೂಕ್ತ. ಅವರಿಗಾಗಿಯೇ ಈ ಕಥೆ ಬರೆದಂತಿದೆ ಎಂಬ ಅಭಿಪ್ರಾಯ ವ್ಯಕ್ತಪಡಿಸಿದ್ದರಂತೆ. ಇನ್ನು ಅದೇ ಸಮಯಲ್ಲಿ ಮೊದಲು ಆಯ್ಕೆ ಆದ ನಟರು ಕಾರಣಾಂತರಗಳಿಂದ ಈ ಪ್ರಾಜೆಕ್ಟ್ ನ್ನ ಕೈಬಿಡಲು ನಿರ್ಧರಿಸಿದ್ದರು. ಹೀಗಾಗಿ, ಜಗ್ಗೇಶ್ ಅವರೇ ಟೈಲರ್ ಆಗಬೇಕು ಎಂದು ಚಿತ್ರತಂಡ ನಿರ್ಧರಿಸಿದೆ.
ಜಗ್ಗೇಶ್ ಕೂಡ ಒಪ್ಪಿದ್ದಾರೆ
ಇನ್ನು 'ಲೇಡಿಸ್ ಟೈಲರ್' ಆಗಲು ಜಗ್ಗೇಶ್ ಅವರು ಕೂಡ ಒಪ್ಪಿಗೆ ಕೊಟ್ಟಿದ್ದಾರೆ. ಈ ಬಗ್ಗೆ ಜಗ್ಗೇಶ್ ಅವರು ಕೂಡ ಟ್ವೀಟ್ ಮಾಡಿದ್ದು, ಚಿತ್ರದ ಬಗ್ಗೆ ಬಿಟ್ಟು ಕೊಟ್ಟಿಲ್ಲ. ಆದ್ರೆ, ಮೂಲಗಳ ಪ್ರಕಾರ 'ಲೇಡಿಸ್ ಟೈಲರ್' ಚಿತ್ರಕ್ಕೆ ಜಗ್ಗೇಶ್ ಅವರು ಸಹಿ ಮಾಡಿದ್ದಾರೆ.
ನಾಯಕಿಯ ಹುಡುಕಾಟ
ಅಂದ್ಹಾಗೆ, 'ಲೇಡಿಸ್ ಟೈಲರ್' ಚಿತ್ರಕ್ಕಾಗಿ ನಾಯಕಿಗಾಗಿ ಹುಡುಕಾಟ ನಡೆಯುತ್ತಿದೆ. ಮೂಲಗಳ ಪ್ರಕಾರ ನಟಿ ಶರ್ಮಿಳಾ ಮಾಂಡ್ರೆ ನಾಯಕಿ ಆಗುವ ಸಾಧ್ಯತೆ ಇದೆ ಎನ್ನಲಾಗಿದೆ. ಆದ್ರೆ, ಅಧಿಕೃತವಾಗಿ ಘೋಷಣೆ ಆಗಿಲ್ಲ.
125 ಕೆಜಿ ತೂಕದ ನಾಯಕಿ
'ಲೇಡಿಸ್ ಟೈಲರ್' ನಾಯಕಿ ಪ್ರಧಾನ ಚಿತ್ರವಾಗಿದ್ದು, ನಾಯಕಿ ಇಲ್ಲಿ ಮುಸ್ಲಿಂ ಹೆಣ್ಣುಮಗಳಂತೆ. ಈ ಚಿತ್ರದಲ್ಲಿ ನಾಯಕಿ ಬರೋಬ್ಬರಿ 125 ಕೆಜಿ ತೂಕವಿರಬೇಕಾಗುತ್ತಂತೆ. ಹೀಗಾಗಿಯೇ ಚಿತ್ರದ ಟೈಟಲ್ ಕೂಡ 'ಲೇಡಿಸ್ ಟೈಲರ್ 34:34' ಎಂದು ಇಡಲಾಗಿದೆ.
ಪಕ್ಕಾ ಮನರಂಜನೆ
ಇಲ್ಲೊಂದು ಪುಟ್ಟ ಪ್ರೇಮಕಥೆಯು ಬಿಚ್ಚಿಕೊಳ್ಳುತ್ತಲೇ ಒಂದಷ್ಟು ಸಂದೇಶಗಳನ್ನು ಕೊಡುತ್ತಾ ಹೋಗುತ್ತದೆ. ಇಲ್ಲಿ ಜಾತಿ ಕುರಿತಾಗಿ ಹೇಳುತ್ತಿದ್ದೇನೆ. ಹಾಗಂತ ಅತಿಯಾದ ಬೋಧನೆ ಇಲ್ಲ. ಒಂದು ಗಂಭೀರ ವಿಷಯವನ್ನು ಹಾಸ್ಯವಾಗಿ, ನವಿರಾಗಿ ಹೇಳಲು ಹೊರಟಿದ್ದಾರೆ ನಿರ್ದೇಶಕರು.