ಪಂಡರೀಬಾಯಿ ಜನ್ಮದಿನದ ಸವಿನೆನಪು: 'ಕಲಬೆರಕೆ ಚಿನ್ನಗಳ ಮುಂದೆ 24 ಕ್ಯಾರೆಟ್ ಚಿನ್ನ ಮಂಕಾಗಿದೆ' ಎಂದ ಜಗ್ಗೇಶ್

ನಾಯಕಿಯಾಗಿ, ತಾಯಿಯಾಗಿ ನಟಿಸಿರುವ ಪಂಡರೀಬಾಯಿ

ದಕ್ಷಿಣ ಭಾರತೀಯ ಸಿನಿಮಾರಂಗದ ಬಹುತೇಕ ಖ್ಯಾತ ನಟರಿಗೆ ನಾಯಕಿಯಾಗಿ, ತಾಯಿಯಾಗಿ ಪಂಡರೀಬಾಯಿ ನಟಿಸಿದ್ದಾರೆ. ರಂಗಭೂಮಿ ಕಲಾವಿದೆಯಾಗಿದ್ದ ಪಂಡರೀಬಾಯಿ ಹರಿಕಥೆ ಹೇಳುವ ಮೂಲಕ ಚಿಕ್ಕ ವಯಸ್ಸಿನಲ್ಲೇ ಎಲ್ಲರ ಮನಗೆದ್ದಿದ್ದರು. 13ನೇ ವಯಸ್ಸಿನಲ್ಲೇ ಕನ್ನಡ ಚಿತ್ರರಂಗ ಪ್ರವೇಶ ಮಾಡಿದ ನಟಿ ಬಳಿಕ ಬೇರೆ ಬೇರೆ ಭಾಷೆಗಳಲ್ಲಿ ಅಭಿನಯಿಸುವ ಮೂಲಕ ಪ್ರಖ್ಯಾತಿಗಳಿಸಿದ್ದು ಇತಿಹಾಸ.

6 ದಶಕ, 1500 ಸಿನಿಮಾಗಳು

ಸುಮಾರು 60 ವರ್ಷಗಳ ಕಾಲ ಚಿತ್ರರಂಗದಲ್ಲಿ ಸೇವೆ ಸಲ್ಲಿಸಿದ ಪಂಡರೀಬಾಯಿ 1500 ಸಿನಿಮಾಗಳಲ್ಲಿ ಅಭಿನಯಿಸಿದ್ದಾರೆ. ತಾಯಿಯ ಪಾತ್ರದ ಮೂಲಕ ಪಂಡರೀಬಾಯಿ ಇಂದಿಗೂ ಚಿತ್ರಪ್ರೇಕ್ಷಕರಲ್ಲಿ ಚಿರಸ್ಥಾಯಿಯಾಗಿ ಉಳಿದಿದ್ದಾರೆ.

ಕೊನೆಯ ದಿನಗಳು ಕಷ್ಟಕರವಾಗಿತ್ತು

ಖ್ಯಾತ ನಟರಿಗೆ ತಾಯಿಯಾಗಿ ಬಹುತೇಕ ಸಿನಿಮಾಗಳಲ್ಲಿ ನಟಿಸಿರುವ ಪಂಡರೀಬಾಯಿ ಕೊನೆಯ ದಿನಗಳು ಯಾತನಾಮಯವಾಗಿತ್ತು. 50 ವರ್ಷದವರೆಗೂ ಒಂಟಿಯಾಗಿ ಜೀವನ ನಡೆಸಿದ ಪಂಡರೀಬಾಯಿ, 50ನೇ ವಯಸ್ಸಿನಲ್ಲಿ ಡಾ.ಪಿ.ಎಚ್.ರಾಮಾ ರಾವ್ ಅವರನ್ನು ಮದುವೆಯಾದರು. ಅಪಘಾತದಿಂದ ಪಂಡರೀಬಾಯಿ ಆರೋಗ್ಯ ಹದಗೆಟ್ಟಿತ್ತು. ಆರ್ಥಿಕ ಪರಿಸ್ಥಿತಿಯೂ ಉತ್ತಮವಾಗಿ ಇರಲಿಲ್ಲ. ತಮಿಳುನಾಡು ಸರ್ಕಾರ ಆರ್ಥಿಕ ನೆರವನ್ನು ನೀಡಿತ್ತು. 2003 ಜನವರಿಯಲ್ಲಿ ಪಂಡರೀಬಾಯಿ ಕೊನೆಯುಸಿರೆಳೆದರು.

Recommended Video

ಫಸ್ಟ್ ಯಾವನ್ ಹೊಡಿತಾನೋ ಅವನೇ ಹೀರೊ | Filmibeat Kannada

ಜಗ್ಗೇಶ್ ಹೇಳಿದ್ದೇನು?

ಅಭಿನಯ ಸರಸ್ವತಿ ಪಂಡರೀಬಾಯಿ ಅವರ ಜನ್ಮದಿನ ಸವಿನೆನಪಿನಲ್ಲಿ ನಟ ಜಗ್ಗೇಶ್ ನೆನಪಿಸಿಕೊಂಡಿದ್ದು ಹೀಗೆ, " ಮನಸ್ಸುಗಳು ಮರೆತಿರಬಹುದು ಇತಿಹಾಸ ಇವರ ಮರೆಯಲು ಬಿಡಲ್ಲ. ಹಿರಿಯ ಕಲಾವಿದರು ಆ ಕಾಲದ 24 ಕ್ಯಾರೆಟ್ ಚಿನ್ನವಿದ್ದಂತೆ. ಅದರ ಬೆಲೆ ಇಂದಿನ ಕಲಬೆರಕೆ ಚಿನ್ನಗಳ ಮುಂದೆ ಮಂಕಾಗಿ ನೆಪಕ್ಕೆ ಕಾಣುತ್ತದೆ ಆದರೆ ಅಭಿಮಾನಿ ಹೃದಯದಲ್ಲಿ ಮಿನುಗುವ ತಾಕತ್ತು ಇಂದಿಗೂ ಇರುವುದು 24 ಕ್ಯಾರೆಟ್ ಮಾತ್ರ" ಎಂದು ಹೇಳಿದ್ದಾರೆ.