Don't Miss!
- News ಬಿಸಿಲಿನ ಶಾಖಕ್ಕೆ ಬೇಸತ್ತು ಎಸಿ ಹೆಲ್ಮೆಟ್ ಮೊರೆಹೋದ ಟ್ರಾಫಿಕ್ ಪೊಲೀಸರು-ಎಲ್ಲಿ?
- Lifestyle ಸೌರಮಂಡಲದಲ್ಲಿದೆ 9ನೇ ಗ್ರಹ..! ಯಾವುದದು..? ಎಲ್ಲಿದೆ..?
- Automobiles ಟಿವಿಎಸ್ ಐಕ್ಯೂಬ್ಗೆ ನಡುಕ ಶುರು!: ಸದ್ಯದಲ್ಲೇ ಕಡಿಮೆ ಬೆಲೆ ಮಾರುಕಟ್ಟೆಗೆ ಬಜಾಜ್ ಚೇತಕ್ ಎಲೆಕ್ಟ್ರಿಕ್
- Technology ಅಗ್ಗದ ಬೆಲೆಯಲ್ಲಿ ಎಂಟ್ರಿ ಕೊಡಲು ಸಜ್ಜಾಗಿದೆ ಐಟೆಲ್ S24 ಸ್ಮಾರ್ಟ್ಫೋನ್!
- Sports LSG vs CSK IPL 2024: ಲಕ್ನೋ vs ಚೆನ್ನೈ ಪಂದ್ಯದ ವರದಿ, ಫ್ಯಾಂಟಸಿ ಡ್ರೀಮ್ ಟೀಂ, ಸಂಭಾವ್ಯ ಆಡುವ 11ರ ಬಳಗ
- Finance n. r. narayana murthy ಐದು ತಿಂಗಳ ಮೊಮ್ಮಗನಿಗೆ 4.2 ಕೋಟಿ ಇನ್ಫೋಸಿಸ್ ಲಾಭ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಕೆಜಿಎಫ್ ವಿಲನ್ ಯೋಗ ಕಲಿಕೆ: ಪರಭಾಷಾ ನಟನಿಗೆ ಡಾ.ರಾಜ್ಕುಮಾರ್ ಸ್ಪೂರ್ತಿ
ಡಾ.ರಾಜ್ಕುಮಾರ್ ಅವರು ಅಗಲಿ ಇಷ್ಟು ವರ್ಷಗಳಾದರೂ ಅವರು ಸಮಾಜದ ಮೇಲೆ ಬೀರುತ್ತಿರುವ ಪರಿಣಾಮ ಕಡಿಮೆ ಆಗುತ್ತಿಲ್ಲ.
Recommended Video
ರಾಜ್ಕುಮಾರ್ ಅವರನ್ನು ಆದರ್ಶವಾಗಿಟ್ಟುಕೊಂಡ ಲಕ್ಷಾಂತರ ಜನರಿದ್ದಾರೆ. ಹಲವಾರು ನಟರಿಗೆ ರಾಜ್ಕುಮಾರ್ ಅವರು ಸ್ಪೂರ್ತಿಯಾಗಿದ್ದಾರೆ. ಕೇವಲ ಕನ್ನಡದ ಮಾತ್ರವಲ್ಲದೇ ಪರಭಾಷೆಯ ನಟರಿಗೂ ರಾಜ್ಕುಮಾರ್ ಸ್ಪೂರ್ತಿಯಾಗಿದ್ದಾರೆ.
ಹಿಂದಿ, ತೆಲುಗು, ಮಲೆಯಾಳಂ, ತಮಿಳು, ಕನ್ನಡ ಸಿನಿಮಾಗಳಲ್ಲಿ ವಿಲನ್ ಆಗಿ ಹೆಸರು ಮಾಡಿರುವ ನಟರೊಬ್ಬರಿಗೆ ರಾಜ್ಕುಮಾರ್ ಸ್ಪೂರ್ತಿಯಾಗಿದ್ದಾರೆ. ಯಾರಾ ನಟ? ಹೇಗೆ ರಾಜ್ಕುಮಾರ್ ಅವರು ಹೇಗೆ ಸ್ಪೂರ್ತಿಯಾಗಿದ್ದಾರೆ ತಿಳಿಯಲು ಮುಂದೆ ಓದಿ..
ಜಾನ್ ಕೊಕೆನ್ ಗೆ ರಾಜ್ಕುಮಾರ್ ಸ್ಪೂರ್ತಿ
ಪೃಥ್ವಿ ಸಿನಿಮಾದಿಂದ ಹಲವು ಕನ್ನಡ ಸಿನಿಮಾಗಳಲ್ಲಿ ವಿಲನ್ ಆಗಿ ಕಾಣಿಸಿಕೊಂಡಿರುವ ಜಾನ್ ಕೊಕೆನ್ ತಮ್ಮ ಹುರಿಗಟ್ಟಿದ ಮೈಕಟ್ಟಿನಿಂದ ಖ್ಯಾತರು. ಆದರೆ ಅವರು ಜಿಮ್ ಬಿಟ್ಟು ಯೋಗ ಪ್ರಾರಂಭ ಮಾಡಿದ್ದಾರೆ. ಯೋಗ ಮಾಡಲು ಸ್ಪೂರ್ತಿ ರಾಜ್ಕುಮಾರ್.
ಯೋಗ ಕಲಿಯಲು ಡಾ.ರಾಜ್ಕುಮಾರ್ ಸ್ಪೂರ್ತಿ
ಈ ಬಗ್ಗೆ ಇನ್ಸ್ಟಾಗ್ರಾಂ ನಲ್ಲಿ ಬರೆದುಕೊಂಡಿರುವ ಜಾನ್ ಕೊಕೆನ್, ನಾನು ನನ್ನ ಮಾಮೂಲಿ ವರ್ಕ್ಔಟ್ ಬಿಟ್ಟು ಯೋಗ ಪ್ರಾರಂಭಿಸಿದ್ದೇನೆ. ಇದು ನನಗೆ ಸವಾಲು ಆದರೆ ಯೋಗ ಪ್ರಾರಂಭಿಸಲು ನನಗೆ ಸ್ಪೂರ್ತಿ ಡಾ.ರಾಜ್ಕುಮಾರ್ ಎಲ್ಲರೂ ಕರೆಯುವ ಹಾಗೆ ಅಪ್ಪಾಜಿ' ಎಂದು ಬರೆದುಕೊಂಡಿದ್ದಾರೆ ಕೊಕೆನ್.
'ಪುನೀತ್ ಅವರು ಅಪ್ಪಾಜಿ ಬಗ್ಗೆ ಸಾಕಷ್ಟು ಹೇಳಿದ್ದಾರೆ'
ಪುನೀತ್ ರಾಜ್ಕುಮಾರ್ ಅವರು ರಾಜ್ಕುಮಾರ್ ಅವರ ಬಗ್ಗೆ ಆಗಾಗ ಹೇಳುತ್ತಲೇ ಇರುತ್ತಾರೆ. ಅವರು ಹೇಗೆ ಯೋಗ ಮಾಡುತ್ತಿದ್ದರು ಎಂಬುದನ್ನೂ ಸಹ ಹೇಳಿದ್ದಾರೆ. ಅದೆಲ್ಲಾ ನನ್ನ ಸ್ಮೃತಿಪಟಲದಲ್ಲಿ ಅಚ್ಚೊತ್ತಿದೆ ಎಂದಿದ್ದಾರೆ ಕೊಕೆನ್.
'ಈಗಷ್ಟೆ ಯೋಗ ಪ್ರಾರಂಭಿಸಿದ್ದೇನೆ'
ಈಗಷ್ಟೆ ನಾನು ಯೋಗ ಪ್ರಾರಂಭಿಸಿದ್ದೇನೆ. ಯೋಗಾಸನಗಳನ್ನು ಪರಿಪೂರ್ಣವಾಗಿ ಮಾಡಲು ಇನ್ನಷ್ಟು ಸಮಯ ಹಿಡಿಯಬಹುದು, ಯೋಗವು ನನ್ನನ್ನು ನಾನು ಸ್ಥಿಮಿತದಲ್ಲಿಟ್ಟುಕೊಳ್ಳಲು, ಆರೋಗ್ಯವಾಗಿರಲು ಸಹಕಾರಿ ಆಗಲಿದೆ ಎಂದಿದ್ದಾರೆ ಅವರು.
ಹಲವು ಕನ್ನಡ ಸಿನಿಮಾದಲ್ಲಿ ನಟಿಸಿದ್ದಾರೆ
ಜಾನ್ ಕೊಕೆನ್ ಪುನೀತ್ ಅವರು ಹಲವು ಸಿನಿಮಾಗಳಲ್ಲಿ ವಿಲನ್ ಆಗಿ ನಟಿಸಿದ್ದಾರೆ. ಯುವರತ್ನ ಸಿನಿಮಾದಲ್ಲಿಯೂ ನಟಿಸಿದ್ದಾರೆ. ಕೆಜಿಎಫ್ ಚಿತ್ರದಲ್ಲೂ ಅವರಿದ್ದಾರೆ. ತೆಲುಗಿನ ಬಾಹುಬಲಿ, ನೇನೊಕ್ಕಡಿನೆ, ಜನತಾ ಗ್ಯಾರೇಜ್ ಇನ್ನೂ ಹಲವು ಸಿನಿಮಾಗಳಲ್ಲಿ ನಟಿಸಿದ್ದಾರೆ.