ತವರಿನಲ್ಲಿ ಮಲ್ಲಿಕಾ ಶೆರಾವತ್ ಮೇಲೆ ಮುಗಿಬಿದ್ದ ಜನ

The Bachelorette India -- Mere Khayalon ki Mallika

'ದಿ ಬ್ಯಾಚಲರೇಟ್ ಇಂಡಿಯಾ ಮೇರೆ ಕಯಾಲೋಂಕಿ ಮಲ್ಲಿಕಾ' ರಿಯಾಲ್ಟಿ ಷೋಗಾಗಿ ನಟಿ ಮಲ್ಲಿಕಾ ತನ್ನ ಪೂರ್ವಿಕರ ಮನೆ ಹಾಗೂ ಗ್ರಾಮದ ಗುರುದ್ವಾರಕ್ಕೆ ಭೇಟಿ ನೀಡುವುದು ಮತ್ತು ಟ್ರ್ಯಾಕ್ಟರಿನಲ್ಲಿ ಊರಲ್ಲೆಲ್ಲಾ ರೌಂಡ್ಸ್ ಹೊಡೆಯುವುದನ್ನು ಚಿತ್ರೀಕರಣ ಮಾಡಬೇಕಿತ್ತು.
ಆದರೆ ಮಲ್ಲಿಕಾ ಕಾರಿನಲ್ಲಿ ಬರುತ್ತಿದ್ದಂತೆ ಮೂರ್‍ನಾಲ್ಕು ಸಾವಿರ ಜನ ಆಕೆಯನ್ನು ನೋಡಲು ಸೇರಿದ್ದಲ್ಲದೆ ಒಂದು ಗುಂಪು ಆಕೆಯ ಕಾರನ್ನು ಸುತ್ತುವರಿದ್ದಿದ್ದರು. ಇದರಿಂದ ಕಾರಿನಿಂದಲೂ ಇಳಿಯಲು ಆಗದೆ ನಟಿ ಮಲ್ಲಿಕಾ ಗ್ರಾಮದಿಂದ ಹಿಂತಿರುಗಿದ್ದಾಳೆ.

Actor Mallika Sherawat native Moth Rangran, Hisar district

ಅಂದಹಾಗೆ ಮೂಲತಃ ಹರಿಯಾಣದ ಮೊತ್ ರಂಗ್ರಾನ್ ಗ್ರಾಮದವಳಾದ ಮಲ್ಲಿಕಾಳ ಮೂಲ ಹೆಸರು ರೀಮಾ ಲಂಬಾ. ಈಕೆಯ ತಂದೆ ಮುಖೇಶ್ ಲಂಬಾ. ಇವರು ಹರಿಯಾಣದಲ್ಲಿ ಇಂಜಿನಿಯರ್. ಮುಖೇಶ್ ಲಂಬಾ, ಗುರುದ್ವಾರದ ಬಳಿ ದೊಡ್ಡ ಸಂಖ್ಯೆಯಲ್ಲಿದ್ದ ಚಿತ್ರೀಕರಣ ತಂಡದ ಮಧ್ಯೆ ಹೇಗೋ ದಾರಿ ಮಾಡಿಕೊಂಡು ಮಗಳಿಗಾಗಿ ಕಾಯುತ್ತಿದ್ದರು.

Reema Lamba D/o Mukesh Lamba

ಆದರೆ ಮಗಳು ಮಲ್ಲಿಕಾ, ಗ್ರಾಮಕ್ಕೆ ಭೇಟಿ ಕೊಟ್ಟರೂ ಅನಿವಾರ್ಯ ಪರಿಸ್ಥಿತಿಯಲ್ಲಿ ಕೂಡಲೇ ಹಿಂತಿರುಗಿದ್ದರು. ಇದರಿಂದ ಅಪ್ಪ ಮುಖೇಶ್ ಅವರಿಗೂ ಬೇಸರವಾಗಿತ್ತು. ಅಲ್ಲದೆ, ಆಕೆಯ ಪೂರ್ವಿಕರ ನಿವಾಸದ ಬಳಿ ನೆರೆದಿದ್ದ ನೂರಾರು ಮಂದಿ ಸಂಬಂಧಿಕರಿಗೂ ನಿರಾಸೆಯಾಯಿತು. Murder ಖ್ಯಾತಿಯ ನಟಿ ಮಲ್ಲಿಕಾ, ಹಿಸ್ಸಾರಿನ ದೊಡ್ಡ ದಾನಿ, ಖ್ಯಾತ ಸೇಠ್ ಛಾಜು ರಾಮ್ ಅವರ ಮರಿಮೊಮ್ಮಗಳು.

Hisar SHO Bijendar Singh

ಕಾರ್ಯಕ್ರಮ ಆಯೋಜಕರು ಮೊದಲೇ ಪೊಲೀಸರಿಗೆ ವಿಷಯ ತಿಳಿಸದೆ ಇದ್ದಿದ್ದರಿಂದ ಈ ಪರಿಸ್ಥಿತಿ ನಿರ್ಮಾಣವಾಗಿದೆ. ಹಾಗಿದ್ದೂ ಶೆರಾವತ್ ಅವರನ್ನು ಸುರಕ್ಷಿತವಾಗಿ ಕಳುಹಿಸಲಾಗಿದೆ ಎಂದು ಪೊಲೀಸ್ ಅಧಿಕಾರಿ ಬಿಜೇಂದರ್ ಸಿಂಗ್ ಹೇಳಿದ್ದಾರೆ.