ನಟ ವಿಷ್ಣುವರ್ಧನ್ ಮನೆಗೆ ರಾತ್ರಿ ಕಲ್ಲು ತೂರಾಟ

ಈ ಸಂಬಂಧ ಬ್ರಾಹ್ಮಣ ಸಮುದಾಯ ಕಾನೂನು ಕ್ರಮಕ್ಕೂ ಮುಂದಾಗಿದೆ. ಈ ಘಟನೆ ನಡೆದ ಬಳಿಕ ಎಲ್ಲಾ ತಣ್ಣಗಾಯಿತು ಎಂದುಕೊಂಡಿರುವಾಗಲೇ ಚಿತ್ರದ ನಾಯಕ ನಟ ಮಂಚು ವಿಷ್ಣುವರ್ಧನ್ ಅವರ ಮನೆಗೆ ರಾತ್ರಿ ವೇಳೆಯಲ್ಲಿ ಯಾರೋ ಕಲ್ಲು ತೂರಿದ ಘಟನೆ ನಡೆದಿದೆ.

ಸರಿಸುಮಾರು 40 ಮಂದಿಯಿದ್ದ ತಂಡ ಹೈದರಾಬಾದಿನ ಅವರ ಮನೆಗೆ ಕಲ್ಲು ತೂರಿ ಅವರ ಮನೆ ಬಾಗಿಲನ್ನು ಜಖಂ ಗೊಳಿಸಿದ್ದಾರೆ. ಅವರ ಮನೆಯ ಮುಂದಿನ ದೀಪಗಳು ಕಲ್ಲಿನ ದಾಳಿಗೆ ಪುಡಿಪುಡಿಯಾಗಿವೆ. ಆದರೆ ಈ ಸಂದರ್ಭದಲ್ಲಿ ನಟ ವಿಷ್ಣುವರ್ಧನ್ ಮನೆಯಲ್ಲಿರಲಿಲ್ಲವಂತೆ. ಅವರ ತಾಯಿ ಮಾತ್ರ ಇದ್ದರಂತೆ.

ಈ ಘಟನೆಯಿಂದ ಕಂಗೆಟ್ಟಿರುವ ಅವರು ತಮ್ಮನ್ನು ಕಾಪಾಡಿ ಎಂದು ಮಾನವ ಹಕ್ಕುಗಳ ಆಯೋಗಕ್ಕೆ ಮೊರೆಹೋಗಿದ್ದಾರೆ. ಚಿತ್ರದಲ್ಲಿ ಬ್ರಾಹ್ಮಣ ಸಮುದಾಯದ ಪುರೋಹಿತರನ್ನು ತಮಾಷೆಯಾಗಿ, ಲೇವಡಿ ಮಾಡಿ ತೋರಿಸಲಾಗಿದೆ ಎಂದು ವಿವಿಧ ಬ್ರಾಹ್ಮಣ ಸಂಘಟನೆಗಳು ಆರೋಪಿಸಿವೆ. (ಏಜೆನ್ಸೀಸ್)