'ಫ್ಯಾಂಟಮ್' ಲೋಕಕ್ಕೆ ಲಂಡನ್ ನಿಂದ ಬಂದ ಸಂಜು: ವಿಶ್ ಮಾಡಿದ ವಿಕ್ರಾಂತ್ ರೋಣ

ನಿರೂಪ್ ಪಾತ್ರದ ಬಗ್ಗೆ ಅನೂಪ್ ವಿವರಣೆ

"ಫ್ಯಾಂಟಮ್ ಸಿನಿಮಾದ ಮತ್ತೊಂದು ಪ್ರಮುಖ ಪಾತ್ರ ಸಂಜೀವ್ ಗಂಭೀರ. ಸಂಜು ಲಂಡನ್ ನಲ್ಲಿ ಬೆಳೆದು, ಹುಟ್ಟಿದ ಊರಿಗೆ ವಾಪಸ್ ಬರುತ್ತಾನೆ. ಸಂಜು ನಗ್ತಾನೆ, ನಗಿಸ್ತಾರೆ, ತರ್ಲೆ ಮಾಡುತ್ತಾನೆ ಎಲ್ಲರ ಮನಸ್ಸಿಗೂ ಹತ್ತಿರವಾಗುತ್ತಾನೆ. ಸಂಜು ಪಾತ್ರದಲ್ಲಿ ನಿರೂಪ್ ಭಂಡಾರಿ ಕಾಣಿಸಿಕೊಳ್ಳುತ್ತಿದ್ದಾರೆ. ನಿರೂಪ್ ಹುಟ್ಟುಹಬ್ಬದ ಶುಭಾಶಯಗಳು" ಎಂದು ಅನೂಪ್ ಪ್ರೀತಿಯ ಸಹೋದರನ ಪಾತ್ರ ರಿವೀಲ್ ಮಾಡಿ ಶುಭಕೋರಿದ್ದಾರೆ.

ನಿರೀಪ್ ಭಂಡಾರಿಗೆ ಸುದೀಪ್ ವಿಶ್

ಮೊದಲ ಬಾರಿಗೆ ನಿರೂಪ್ ಭಂಡಾರಿ ಕಿಚ್ಚ ಸುದೀಪ್ ಜೊತೆ ತೆರೆಹಂಚಿಕೊಳ್ಳುತ್ತಿದ್ದಾರೆ. ಹುಟ್ಟುಹಬ್ಬದ ಸಂಭ್ರಮದಲ್ಲಿರುವ ನಿರೂಪ್ ಗೆ ಕಿಚ್ಚ ಸುದೀಪ್ ಶುಭಕೋರಿದ್ದಾರೆ. ಜೊತೆಗೆ ನಿರೂಪ್ ಫಸ್ಟ್ ಲುಕ್ ಶೇರ್ ಮಾಡಿದ್ದಾರೆ. ಸರ್ಪೈಸ್ ನೀಡುವುದಾಗಿ ಸುದೀಪ್ ನಿನ್ನಯೇ ಅನೌನ್ಸ್ ಮಾಡಿದ್ದರು. ಮಾತಿನಂತೆ ನಿರೂಪ್ ಹುಟ್ಟುಹಬ್ಬಕ್ಕೆ ಭರ್ಜರಿ ಗಿಫ್ಟ್ ನೀಡಿದ್ದಾರೆ.

ವಿಕ್ರಾಂತ್ ರೋಣ ಪಾತ್ರದ ಬಗ್ಗೆ

ಇತ್ತೀಚಿಗೆ ಚಿತ್ರತಂಡ ಕಿಚ್ಚ ಸುದೀಪ್ ಪಾತ್ರ ವಿಕ್ರಾಂತ್ ರೋಣನ ಬಗ್ಗೆ ವಿವರಣೆ ನೀಡಿ ಸಿಂಹಾಸನದ ಮೇಲೆ ಕುಳಿತಿರುವ ಲುಕ್ ರಿಲೀಸ್ ಮಾಡಿದ್ದರು. 'ಫ್ಯಾಂಟಮ್ ಚಿತ್ರದ ಮುಖ್ಯ ಪಾತ್ರಧಾರಿ ವಿಕ್ರಾಂತ್ ರೋಣ. ಈ ಹೆಸರಿನಲ್ಲಿ ಎಷ್ಟು ಪವರ್ ಇದೆಯೋ ಆ ಪಾತ್ರವೂ ಅಷ್ಟೇ ಪವರ್ ಫುಲ್ ಆಗಿದೆ. ವಿಕ್ರಾಂತ್ ರೋಣ ಏನು ಮಾಡ್ತಾನೆ, ಹೇಗೆ ಮಾಡ್ತಾನೆ, ಯಾಕೆ ಮಾಡ್ತಾನೆ ಇದು ಯಾರಿಗೂ ಅರ್ಥವಾಗಲ್ಲ. ಆದರೆ, ಅವನು ಏನೇ ಮಾಡಿದ್ರೂ ಅದಕ್ಕೆ ಕಾರಣ ಇರುತ್ತೆ'' ಎಂದು ಹೀರೋ ಪಾತ್ರದ ಬಗ್ಗೆ ಅನೂಪ್ ಭಂಡಾರಿ ವಿವರಣೆ ನೀಡಿದ್ದರು.