'ಗೂಗ್ಲಿ 2' ಸಿನಿಮಾಗೆ ನಾಯಕನಾದ ಪೃಥ್ವಿ

ಕನ್ನಡದಲ್ಲಿ ಪಾರ್ಟ್ ಸಿನಿಮಾಗಳು ಜಾಸ್ತಿಯಾಗುತ್ತಿವೆ. ಆ ಸಾಲಿಗೆ ಇದೀಗ 'ಗೂಗ್ಲಿ 2' ಸಿನಿಮಾ ಸಹ ಸೇರಿಕೊಳ್ಳುತ್ತಿದೆ. 'ಗೂಗ್ಲಿ 2' ಸಿನಿಮಾಗೆ ಪೃಥ್ವಿ ನಾಯಕನಾಗಿದ್ದಾರೆ.

'ಗೂಗ್ಲಿ 2' ಚಿತ್ರದ ಬರುವುದು ಪಕ್ಕಾ ಆಗಿದೆ. ಈ ವಿಷಯವನ್ನು ಸ್ವತ ಪವನ್ ಒಡೆಯರ್ ಅಧಿಕೃತ ಪಡಿಸಿದ್ದಾರೆ. ಪವನ್ ಜೊತೆಗೆ ಕೆಲಸ ಮಾಡುತ್ತಿದ್ದ ಅಸಿಸ್ಟೆಂಟ್ ಡೈರೆಕ್ಟರ್ ರಾಜ್ ಗುರು ಈ ಸಿನಿಮಾದ ನಿರ್ದೇಶನ ಮಾಡುತ್ತಿದ್ದಾರೆ.

ಪೃಥ್ವಿ ಜಿಕೆ ವೆಂಕಟೇಶ್ ಮೊಮ್ಮಗ. ಈ ಹಿಂದೆ 'ನಾನು ಮತ್ತು ವರಲಕ್ಷ್ಮಿ' ಸಿನಿಮಾದಲ್ಲಿ ನಟಿಸಿದ್ದ ಪೃಥ್ವಿ ಈಗ ಗೂಗ್ಲಿ ಹಾಕಲು ರೆಡಿಯಾಗಿದ್ದಾರೆ. ಪೃಥ್ವಿ ತಂದೆ ಮಂಜುನಾಥ್ ಈ ಸಿನಿಮಾಗೆ ಬಂಡವಾಳ ಹಾಕುತ್ತಿದ್ದಾರೆ. ಸದ್ಯ, ಈ ಸಿನಿಮಾದ ಪ್ರೀ ಪ್ರೊಡಕ್ಷನ್ ಕೆಲಸಗಳು ನಡೆಯುತ್ತಿದ್ದು, ಮುಂದಿನ ತಿಂಗಳಿನಿಂದ ಚಿತ್ರೀಕರಣ ಪ್ರಾರಂಭ ಆಗಲಿದೆಯಂತೆ.

ಅಂದಹಾಗೆ, 'ಗೂಗ್ಲಿ' ಸಿನಿಮಾ 2013ರಲ್ಲಿ ಬಿಡುಗಡೆಯಾಗಿತ್ತು. ಯಶ್ ಹಾಗೂ ಕೃತಿ ಕರಾಬಂದ ಚಿತ್ರದಲ್ಲಿ ನಟಿಸಿದ್ದರು. ಪವನ್ ಒಡೆಯರ್ ಸಿನಿಮಾದ ನಿರ್ದೇಶನ ಮಾಡಿದ್ದರು. ಕ್ಯೂಟ್ ಲವ್ ಸ್ಟೋರಿ ಹೊಂದಿದ್ದ ಈ ಸಿನಿಮಾ ದೊಡ್ಡ ಮಟ್ಟದ ಯಶಸ್ಸು ಕಂಡಿತ್ತು.