ಸೈಕಲ್ ಹತ್ತಿ ಬೆಂಗಳೂರು ಸುತ್ತಿ ಬಂದ 'ದೊಡ್ಮನೆ ಹುಡ್ಗ' ಪುನೀತ್

ಸದಾಶಿವನಗರ ಟು ವಿಧಾನಸೌಧ

ಸದಾಶಿವನಗರದ ನಿವಾಸದಿಂದ ಸೈಕಲ್ ಸವಾರಿ ಆರಂಭಿಸಿದ ಪುನೀತ್ ರಾಜ್ ಕುಮಾರ್ ಮೇಖ್ರಿ ಸರ್ಕಲ್, ವಸಂತನಗರ, ಚಾಳುಕ್ಯ ಸರ್ಕಲ್, ವಿಧಾನಸೌಧ, ಬಹುಮಹಡಿ ಕಟ್ಟಡ, ಚಿನ್ನಸ್ವಾಮಿ ಸ್ಟೇಡಿಯಂ, ಎಂಜಿ ರಸ್ತೆಯಲ್ಲಿ ಸೇರಿದಂತೆ ಹಲವು ಪ್ರಮುಖ ರಸ್ತೆಗಳಲ್ಲಿ ಸೈಕಲ್ ಸವಾರಿ ಮಾಡಿದ್ದಾರೆ.

ನಂದಿ ಬೆಟ್ಟಕ್ಕೆ ಸೈಕಲ್‌ನಲ್ಲಿ ಹೋಗಿದ್ದ ಅಪ್ಪು

ಈ ಹಿಂದೆ ಸದಾಶಿವನಗರ ನಿವಾಸದಿಂದ ಚಿಕ್ಕಬಳ್ಳಾಪುರ ಬಳಿ ಇರುವ ನಂದಿಬೆಟ್ಟಕ್ಕೆ ಸೈಕಲ್‌ನಲ್ಲಿ ಸವಾರಿ ಮಾಡಿದ್ದರು. ಆ ಸಂದರ್ಭದಲ್ಲಿ ವಿಡಿಯೋ ಸಹ ವೈರಲ್ ಆಗಿತ್ತು. ಆಗಲೂ ಪುನೀತ್ ಅವರ ಫಿಟ್ನೆಸ್ ಬಗ್ಗೆ ಭಾರಿ ಚರ್ಚೆಯಾಗಿತ್ತು.

ಶಿವಣ್ಣ ಸೈಕಲ್ ಗಿಫ್ಟ್ ನೀಡಿದ್ದ ಅಪ್ಪು

ಶಿವರಾಜ್ ಕುಮಾರ್ ಹುಟ್ಟುಹಬ್ಬದ ವಿಶೇಷವಾಗಿ ಪುನೀತ್ ರಾಜ್ ಕುಮಾರ್ ಸೈಕಲ್ ಉಡುಗೊರೆ ನೀಡಿದ್ದರು. ಶಿವಣ್ಣ ಅವರು ಫಿಟ್ನೆಸ್ ಬಗ್ಗೆ ಹೆಚ್ಚು ಕಾಳಜಿ ವಹಿಸುವ ಕಾರಣ, ಸೈಕಲ್ ನೀಡಿ ಗಮನ ಸೆಳೆದಿದ್ದರು ಪುನೀತ್.

ಐಂದ್ರಿತಾ-ದಿಗಂತ್ ಸೈಕಲ್ ಸವಾರಿ

ಕನ್ನಡ ನಟ ದಿಗಂತ್ ಹಾಗೂ ಪತ್ನಿ ಐಂದ್ರಿತಾ ರೈ ಸಹ ಸೈಕಲ್ ಸವಾರಿ ಮಾಡಿದ್ದಾರೆ. ಗೆಳೆಯರ ಜೊತೆ ಸೈಕಲ್ ಸವಾರಿ ಹೋಗಿರುವ ದಂಪತಿಗಳು ಫೋಟೋಗಳನ್ನು ಇನ್ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿದ್ದರು.