ಹೊಸ ಕ್ರಾಂತಿಗೆ ಸಜ್ಜಾದ ಕಾಮಿಡಿ ಕಿಂಗ್ ಸಾಧುಕೋಕಿಲ!

ಕಾಮಿಡಿ ಕಿಂಗ್ ಸಾಧು ಮಹಾರಾಜ್!

ಸಾಧುಕೋಕಿಲ ಎನ್ನು ಹೆರಸು ಕೇಳಿದರೆ ಸಾಕು ಹಲವರ ಮೊಗದಲ್ಲಿ ನಗು ಉಕ್ಕುತ್ತದೆ. ಅಷ್ಟರ ಮಟ್ಟಿಗೆ ಸಾಧುಕೋಕಿಲ ಪ್ರೇಕ್ಷಕರನ್ನು ನಕ್ಕು ನಗಿಸಿದ್ದಾರೆ. ಯಾವುದೇ ಪಾತ್ರವಿರಲಿ, ತಮ್ಮ ಪಾತ್ರದ ಮೂಲಕ ಪ್ರೇಕ್ಷಕರನ್ನು ನಗಿಸುತ್ತಾರೆ ಸಾಧು. ಅಭಿನಯದ ಅಂತ ಬಂದಾಗ ಕಾಮಿಡಿ ಮಾಡಿರುವದೇ ಹೆಚ್ಚು. ನೂರಾರು ಸಿನಿಮಾಗಳಲ್ಲಿ ನೂರಾರು ಪಾತ್ರಗಳ ಮೂಲಕ ಪ್ರೇಕ್ಷಕರನ್ನು ರಂಜಿಸಿ ಖ್ಯಾತಿ ಇವರಿಗೆ ಸಲ್ಲುತ್ತದೆ.

ವಿದೇಶದಲ್ಲೂ ಹಾರುತ್ತಿದೆ ಕನ್ನಡದ 'ಗಾಳಿಪಟ'!

ಸಾಧುಕೋಕಿಲಾಗೆ ಹೆಚ್ಚಿನ ಡಿಮ್ಯಾಂಡ್!

ಸಾಧುಕೋಕಿಲ ಅವರಿಗೆ ದೊಡ್ಡ ದೊಡ್ಡ ಸಿನಿಮಾಗಳಲ್ಲಿ ಭಾರಿ ಬೇಡಿಕೆ ಇದೆ. ಸ್ಟಾರ್ ನಟರ ಸಿನಿಮಾಗಳಲ್ಲಿ ಇವರಿಗೆ ಒಂದು ಪಾತ್ರ ಸದಾ ಮಿಸಲಿರುತ್ತದೆ. ಒಂದು ರೀತಿಯಲ್ಲಿ ಸಾಧುಕೋಕಿಲ ಸಿನಿಮಾದ ಎರಡನೇ ಹೀರೋ ಎಂದೇ ಹೇಳಬಹುದು. ಹೀರೋ ಎಂಟ್ರಿಗೆ ಚಪ್ಪಾಳೆ ಬೀಳುತ್ತೋ ಇಲ್ವೋ, ಇವರ ಎಂಟ್ರಿಗೆ ಮಾತ್ರ ಶಿಳ್ಳೆ, ಚಪ್ಪಾಳೆ ಫಿಕ್ಸ್. ಹಾಗಾಗಿ ಸಿನಿಮಾದಲ್ಲಿ ಸಾಧುಕೋಕಿಲ ಇದ್ದಾರೆ ಎಂದರೆ, ಅವರ ಪಾತ್ರದ ಪರಿಚಯವನ್ನು ವಿಶೇಷವಾಗಿ ಮಾಡಿಕೊಡಲಾಗುತ್ತದೆ.

ನಿರ್ದೇಶಕ, ಸಂಗೀತ ನಿರ್ದೇಶಕ!

ಸಾಧುಕೋಕಿಲ ಸಿನಿಮಾಗಳಲ್ಲಿ ಕಾಮಿಡಿ ಪಾತ್ರ ಮಾಡುವುದು ಮಾತ್ರವಲ್ಲ, ನಿರ್ದೇಶಕನಾಗಿ, ಸಂಗೀತ ನಿರ್ದೇಶಕನಾಗಿ ಗೆದ್ದಿದ್ದಾರೆ. 'ರಕ್ತ ಕಣ್ಣೀರು', 'ಅನಾಥರು', 'ಸುಂಟರಗಾಳಿ' ಸೇರಿದಂತೆ 10ಕ್ಕೂ ಹೆಚ್ಚು ಸಿನಿಮಾಗಳನ್ನು ನಿರ್ದೇಶನ ಮಾಡಿದ್ದಾರೆ ಸಾಧುಕೋಕಿಲ. ಇನ್ನು ಸಂಗೀತ ನಿರ್ದೇಶಕನಾಗಿಯೂ ಗೆದ್ದಿದ್ದಾರೆ. ಹಲವಾರು ಸಿನಿಮಾಗಳಿಗೆ ಸಂಗೀತ ಮಾಡುವುದ ಮೂಲಕ ಸೈ ಎನಿಸಿಕೊಂಡಿದ್ದಾರೆ ಸಾಧು. ಜೊತೆಗೆ ಕೆಲವು ಸಿನಿಮಾಗಳಿಗೆ ಬಂಡವಾಳ ಹೂಡಿ, ನಿರ್ಮಾಪಕನೂ ಆಗಿದ್ದಾರೆ ಸಾಧುಕೋಕಿಲ.

ವಿಡಿಯೋ ಮೂಲಕ ಸಾಧು ಮನವಿ!

ಈಗ ಸೋಷಿಯಲ್ ಮೀಡಿಯಾಗೆ ಎಮಟ್ರಿ ಕೊಡುವ ಮೂಲಕ ಸಾಧುಕೋಕಿಲ, ಜನರಿಗೆ ಮತ್ತಷ್ಟು ಹತ್ತಿರವಾಗುತ್ತಿದ್ದಾರೆ. ಈ ಬಗ್ಗೆ ವಿಡಿಯೋ ಮಾಡಿರುವ ಸಾಧುಕೋಕಿಲ " ನನ್ನ ಎಲ್ಲಾ ಸ್ನೇಹಿತರು ಮತ್ತು ಅಭಿಮಾನಿಗಳಿಗೆ ನಮಸ್ಕಾರ, ನಾನು ಇಲ್ಲಿ ತನಕ ಸೋಷಿಯಲ್ ಮೀಡಿಯಾದಲ್ಲಿ ಇರಲಿಲ್ಲ. ಈಗ ಕೊನೆಗೂ ಸೋಷಿಯಲ್ ಮೀಡಿಯಾಗೆ ಎಂಟ್ರಿ ಕೊಡ್ತಿದ್ದೇನೆ. ಈ ಮೂಲ ಇನ್ನು ಮುಂದೆ ನನ್ನ ಸಿನಿಮಾ ಮಾಹಿತಿ ಮತ್ತು ಆಗೂ, ಹೋಗುಗಳನ್ನು ನಿಮ್ಮೊಂದಿಗೆ ಹಂಚಿಕೊಳ್ಳುತ್ತೇನೆ. ಇದು ನನ್ನ ಅಫೀಷಿಯಲ್ ಪೇಜ್. ಸಿನಿಮಾಗಳಿಗೆ ಚಪ್ಪಾಳೆ ತಟ್ಟಿ ಹೇಗೆ ನ್ನ ಬೆಳೆಸಿದಿರೋ, ಇಲ್ಲಿ ನಿಮ್ಮ ಸಹಕಾರ ಇರಲಿ" ಎಂದು ಹೇಳಿಕೊಂಡಿದ್ದಾರೆ.