ಮತ್ತೆ ಒಂದಾಗ್ತಿದೆ 'ಲವ್ ಇನ್ ಮಂಡ್ಯ' ಜೋಡಿ

ನಟ ಸತೀಶ್ ನೀನಾಸಂ ಕೆರಿಯರ್ ನ ಬೆಸ್ಟ್ ಸಿನಿಮಾಗಳ ಪೈಕಿ 'ಲವ್ ಇನ್ ಮಂಡ್ಯ' ಕೂಡ ಒಂದು. ಮಂಡ್ಯದ ಹುಡುಗ ಸತೀಶ್ ಗೆ ಈ ಸಿನಿಮಾ ದೊಡ್ಡ ಫೇಮ್ ತಂದುಕೊಟ್ಟಿತ್ತು. ಇಂತಹ ಸಿನಿಮಾದ ಜೋಡಿ ಈಗ ಮತ್ತೆ ಒಂದಾಗುತ್ತಿದೆ.

ಸತೀಶ್ ನೀನಾಸಂ 'ಅಯೋಗ್ಯ' ಸಿನಿಮಾದ ಯಶಸ್ಸಿನ ಬಳಿಕ ಮತ್ತೊಂದು ಸಿನಿಮಾ ಮಾಡುತ್ತಿದ್ದಾರೆ. ಈ ಸಿನಿಮಾವನ್ನು ಉದಯ್ ಮೆಹ್ತಾ ನಿರ್ಮಾಣ ಮಾಡುತ್ತಿದ್ದಾರೆ. ಈ ಹಿಂದೆ ಸತೀಶ್ ಅವರ 'ಲವ್ ಇನ್ ಮಂಡ್ಯ' ಚಿತ್ರಕ್ಕೂ ಬಂಡವಾಳ ಹಾಕಿದ್ದು, ಇದೇ ನಿರ್ಮಾಪಕರೇ.

ಐದು ವರ್ಷಗಳ ಬಳಿಕ ಹೊಸ ಸಿನಿಮಾ ಮಾಡಲು ಈ ಜೋಡಿ ಸಿದ್ಧವಾಗಿದೆ. ಈ ಸಿನಿಮಾ ಪಕ್ಕಾ ಕಮರ್ಶಿಯಲ್ ಎಂಟಟೈನ್ಮೆಂಟ್ ಆಗಿರಲಿದೆಯಂತೆ. ಸಿನಿಮಾದ ಮುಹೂರ್ತ ಯುಗಾದಿ ಹಬ್ಬದ ಪ್ರಯುಕ್ತ ಏಪ್ರಿಲ್ 6 ರಂದು ನಡೆಯಲಿದೆ. ಹೊಸ ವರ್ಷಕ್ಕೆ ಸತೀಶ್ ಹೊಸ ಸಿನಿಮಾ ಪ್ರಾರಂಭ ಮಾಡಿದ್ದಾರೆ.

ಸಿನಿಮಾದ ನಾಯಕಿ, ನಿರ್ದೇಶಕ ಹಾಗೂ ಟೈಟಲ್ ಸೇರಿದಂತೆ ಎಲ್ಲ ಮಾಹಿತಿ ಮುಹೂರ್ತದ ದಿನ ಬಹಿರಂಗ ಆಗಲಿದೆ. ಸಿನಿಮಾದಲ್ಲಿ ಸಿಕ್ಕಾಪಟ್ಟೆ ಕಾಮಿಡಿ ಇರಲಿದ್ದು, ಸತೀಶ್ ಇಲ್ಲಿ ಹೊಸ ರೀತಿಯಲ್ಲಿ ಕಾಣಿಸಿಕೊಳ್ಳಲಿದ್ದಾರಂತೆ.