ಟೈಟಲ್ ಏನಂತ ನೀವೆ ಕಂಡುಹಿಡಿಯಿರಿ: ಅಭಿಮಾನಿಗಳ ತಲೆಗೆ ಹುಳ ಬಿಟ್ಟ ಸತೀಶ್ ನಿನಾಸಂ

ಟೈಟಲ್ ಕಂಡುಹಿಡಿಯಿರಿ ಎಂದ ಸತೀಶ್

ಸತೀಶ್ ಫೋಟೋ ಶೇರ್ ಮಾಡಿ ಫೋಟೋದಲ್ಲಿರುವ ಹೆಸರನ್ನು ಗುರುತಿಸಿ ಎಂದು ಹೇಳಿದ್ದಾರೆ. ಅಂದ್ಹಾಗೆ ವೈತರಣಿ ಸಿನಿಮಾದ ಟೈಟಲ್ ಸಿಕ್ಕಾಪಟ್ಟೆ ಸದ್ದು ಮಾಡಿತ್ತು. ವಿಭಿನ್ನವಾಗಿರುವ ಟೈಟಲ್ ಚಿತ್ರದ ಮೇಲಿನ ನಿರೀಕ್ಷೆಯನ್ನು ಹೆಚ್ಚಿಸಿತ್ತು. ಆದರೀಗ ಚಿತ್ರದ ಟೈಟಲ್ ಬದಲಾಯಿಸಲಾಗಿದೆ.

ಲಂಡನ್ ನಗರದ ಲೀಕ್ ಸ್ಟ್ರೀಟ್ ನಲ್ಲಿದೆ ಟೈಟಲ್

ಈ ಬಗ್ಗೆ ಟ್ವೀಟ್ ಮಾಡಿರು ಸತೀಶ್ "ನನ್ನ ಮುಂದಿನ ಸಿನಿಮಾದ ಶೀರ್ಷಿಕೆ 'ವೈತರಣಿ' ಅಲ್ಲ. ನಮ್ಮ ಚಿತ್ರದ ಹೊಸ ಹೆಸರು ಲಂಡನ್ ನಗರದ ಲೀಕ್ ಸ್ಟ್ರೀಟ್ ನ ಗೋಡೆಗಳಲ್ಲಿ ಅಡಗಿದೆ. ಹುಡುಕಿ, ನೋಡೋಣ" ಎಂದಿದ್ದಾರೆ.

ಟೈಟಲ್ ಗುರುತಿಸಿದ ಅಭಿಮಾನಿಗಳು

ಸತೀಶ್ ಅಭಿನಯದ ಮುಂದಿನ ಸಿನಿಮಾದ ಟೈಟಲ್ ಲಂಡನ್ ನಗರದ ಲೀಕ್ ಸ್ಟ್ರೀಟ್ ನಲ್ಲಿದೆ. ಈ ಟೈಟಲ್ ಅನ್ನು ಗುರುತಿಸಿ ಅಭಿಮಾನಿಗಳು ಕಾಮೆಂಟ್ ಮಾಡುತ್ತಿದ್ದಾರೆ. ಸಾಕಷ್ಟು ಅಭಿಮಾನಿಗಳು ಒಂದೆ ಉತ್ತರ ನೀಡುತ್ತಿದ್ದಾರೆ. ಫೋಟೋದಲ್ಲಿ ಗುರಿತಿಸಿ ಅಭಿಮಾನಿಗಳು ಚಿತ್ರದ ಟೈಟಲ್ ದಸರಾ ಎಂದು ಉತ್ತರಿಸುತ್ತಿದ್ದಾರೆ. ಇದು ನಿಜಾನಾ ಎನ್ನುವ ಬಗ್ಗೆ ಸತೀಶ್ ಅವರೆ ಹೇಳಬೇಕು.

ಶರ್ಮಿಳಾ ಮಾಂಡ್ರೆ ನಾಯಕಿ

ಈ ಸಿನಿಮಾಗೆ ಅರವಿಂದ್ ಶಾಸ್ತ್ರಿ ಆಕ್ಷನ್ ಕಟ್ ಹೇಳುತ್ತಿದ್ದಾರೆ. ಮರ್ಡರ್ ಮಿಸ್ಟ್ರಿ ಸಿನಿಮಾ ಇದಾಗಿದ್ದು ಸಿನಿಮಾಗೆ ನಾಯಕಿಯಾಗಿ ಶರ್ಮಿಳಾ ಮಾಂಡ್ರೆ ಅಭಿನಯಿಸುತ್ತಿದ್ದಾರೆ. ಮೊದಲ ಬಾರಿಗೆ ಶರ್ಮಿಳಾ ಮಾಂಡ್ರೆ ಮತ್ತು ಸತೀಶ್ ಒಟ್ಟಿಗೆ ಅಭಿನಯಿಸುತ್ತಿದ್ದಾರೆ.

ಸತೀಶ್ ಬಳಿ ಸಿನಿಮಾಗಳು

ಸತೀಶ್ ನೀನಾಸಂ ಬಳಿ ಸದ್ಯ ಸಾಲು ಸಾಲು ಸಿನಿಮಾಗಳಿವೆ. ಬ್ಯಾಕ್ ಟು ಬ್ಯಾಕ್ ಹಿಟ್ ಸಿನಿಮಾಗಳನ್ನು ನೀಡಿರುವ ಸತೀಶ್ ಕೊನೆಯದಾಗಿ ಬ್ರಹ್ಮಾಚಾರಿ ಸಿನಿಮಾ ಮೂಲಕ ಅಭಿಮಾನಿಗಳ ಮುಂದೆ ಬಂದಿದ್ದಾರೆ. ದಸರಾ ಎಂದು ಹೇಳಲಾಗುತ್ತಿರುವ ಸಿನಿಮಾ ಜೊತೆಗೆ ಸತೀಶ್ ಗೋದ್ರಾ ಸಿನಿಮಾದ ರಿಲೀಸ್ ಗೆ ಎದುರು ನೋಡುತ್ತಿದ್ದಾರೆ. ಅಲ್ಲದೆ ಪರಿಮಳ ಲಾಡ್ಜ್, ಮೈ ನೇಮ್ ಈಸ್ ಸಿದ್ದೇಗೌಡ ಮತ್ತು ಒಂದು ತಮಿಳು ಸಿನಿಮಾದಲ್ಲಿಯೂ ಅಭಿನಯಿಸುತ್ತಿದ್ದಾರೆ.