ಬಂತು ಶರಣ್ ನಟನೆ 'ವಿಕ್ಟರಿ 2' ಚಿತ್ರದ ಫಸ್ಟ್ ಲುಕ್

Recommended Video

'Rambo2' ಸಿನಿಮಾದ ನಂತರ ಶರಣ್ 'ವಿಕ್ಟರಿ2 ' ಹೆಸರಿನಲ್ಲಿ ಹೊಸ ಸಿನಿಮಾ ಮಾಡುತ್ತಿದ್ದಾರೆ. ಈ ಚಿತ್ರವನ್ನು 'ಅಲೆಮಾರಿ' ಖ್ಯಾತಿಯ ನಿರ್ದೇಶಕ ಹರಿ ಸಂತೋಷ್ ನಿರ್ದೇಶನ ಮಾಡುತ್ತಿದ್ದಾರೆ. 'ಕಾಲೇಜ್ ಕುಮಾರ' ನಂತರ ಸಂತು ಈ ಚಿತ್ರಕ್ಕೆ ಕೈ ಹಾಕಿದ್ದಾರೆ.

ಅಂದಹಾಗೆ, ಇದೀಗ 'ವಿಕ್ಟರಿ 2' ಸಿನಿಮಾದ ಫಸ್ಟ್ ಲುಕ್ ರಿಲೀಸ್ ಆಗಿದೆ. ಸಿನಿಮಾದ ಟೈಟಲ್ ಡಿಸೈನ್ ಗಮನ ಸೆಳೆದಿದೆ. 'ವಿಕ್ಟರಿ 2' ಎಂಬ ಹೆಸರಿಗೆ ತಕ್ಕಂತೆ ಎರಡು ವಿಕ್ಟರಿ ಸಿಂಬಲ್ ಪೋಸ್ಟರ್ ನಲ್ಲಿ ಇದೆ. ಪೋಸ್ಟರ್ ನೋಡುತ್ತಿದ್ದರೆ ಇಲ್ಲಿಯೂ ಶರಣ್ ದ್ವಿಪಾತ್ರದಲ್ಲಿ ನಟಿಸುತ್ತಾರಾ ಎನ್ನುವ ಕುತೂಹಲ ಮೂಡುತ್ತಿದೆ.

ಶರಣ್ ಜೋಡಿಯಾಗಿ ಈ ಸಿನಿಮಾದಲ್ಲಿ ನಟಿ ಅಪೂರ್ವ ಕಾಣಿಸಿಕೊಳ್ಳುತ್ತಿದ್ದಾರೆ. 'ಅಪೂರ್ವ' ಚಿತ್ರದ ನಂತರ ನಟಿ ಅಪೂರ್ವ ಈ ಸಿನಿಮಾದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ಸಿನಿಮಾದ ಮತ್ತೊಬ್ಬ ನಾಯಕಿಯಾಗಿ 'ವಿಕ್ಟರಿ' ಚಿತ್ರದಲ್ಲಿ ನಟಿಸಿದ್ದ ಅಸ್ಮಿತಾ ಸೂದ್ ಅವರೇ ಇರಲಿದ್ದಾರೆ.

ಉಳಿದಂತೆ, ನಿರ್ದೇಶಕ ತರುಣ್ ಸುಧೀರ್ ಈ ಚಿತ್ರದ ಕ್ರಿಯೇಟಿವ್ ಹೆಡ್ ಹಾಗೂ ಅರ್ಜುನ್ ಜನ್ಯ ಸಂಗೀತ ನಿರ್ದೇಶನದ ಹೊಣೆ ಹೊತ್ತಿದ್ದಾರೆ. ಈಗಾಗಲೇ ಸಿನಿಮಾದ ಟಾಕಿ ಪೋಷನ್ ಮುಗಿದಿದೆಯಂತೆ.