»   » ರೀಮೇಕ್ ಮಾಡದ ಶಿವಣ್ಣನಿಗೆ ಹೊಸ ಬಿರುದು

ರೀಮೇಕ್ ಮಾಡದ ಶಿವಣ್ಣನಿಗೆ ಹೊಸ ಬಿರುದು

By Rajendra
Subscribe to Filmibeat Kannada
For Quick Alerts
ALLOW NOTIFICATIONS
For Daily Alerts
    ತಮ್ಮ ವೃತ್ತಿಜೀವನದಲ್ಲಿ ನೂರು ಚಿತ್ರಗಳನ್ನು ಪೂರೈಸಿರುವ ಹ್ಯಾಟ್ರಿಕ್ ಹೀರೋ ಶಿವರಾಜ್ ಕುಮಾರ್ ಅವರಿಗೆ ಈಗಾಗಲೆ ಅಭಿಮಾನಿಗಳು ಸೆಂಚುರಿ ಸ್ಟಾರ್ ಎಂಬ ಬಿರುದನ್ನು ಪ್ರಸಾದಿಸಿದ್ದಾರೆ. ಈಗವರ ವಯಸ್ಸು 50 ವರ್ಷ. ಅಭಿಮಾನಿಗಳ ಪಾಲಿನ ಶಿವಣ್ಣ ಬಣ್ಣ ಹಚ್ಚಿದರೆ ನವ ಯುವಕ.

    ಸ್ಯಾಂಡಲ್ ವುಡ್ ಕಿಂಗ್ ಎಂದು ಕರೆಸಿಕೊಂಡಿರುವ ಶಿವಣ್ಣ ಅವರಿಗೆ ಅವರ ಅಭಿಮಾನಿಗಳು ಮತ್ತೊಂದು ಕಿರೀಟವನ್ನು ತೊಡಿಸಲು ಮುಂದಾಗಿದ್ದಾರೆ. ಕಾಸರಗೋಡಿನ ಕರಾವಳಿ ಸಾಂಸ್ಕೃತಿಕ ಪರಿಷತ್ ಹೊಸ ಬಿರುದು ಶಿವಣ್ಣನಿಗೆ ನೀಡಲು ನಿರ್ಧರಿಸಿದೆ. ಅದೇನಪ್ಪಾ ಅಂತಹ ಗೌರವ ಎಂದು ಗೊತ್ತಾಗಬೇಕಾದರೆ ಏಪ್ರಿಲ್ 14ರ ತನಕ ಕಾಯಲೇಬೇಕು.

    ಮೈಸೂರಿನ ಮಾನಸಗಂಗೋತ್ರಿ ಬಯಲು ರಂಗಮಂದಿರದಲ್ಲಿ ಅಂದು ಸಂಜೆ ನಡೆಯುವ ಸಾಂಸ್ಕೃತಿಕ ಕಾರ್ಯಕ್ರಮದಲ್ಲಿ ಬಿರುದನ್ನು ಘೋಷಿಸಲಾಗುತ್ತದೆ ಎನ್ನುತ್ತಾರೆ ಕಾರ್ಯಕ್ರಮವನ್ನು ಆಯೋಜಿಸಿರುವ ಚಾಮುಂಡೇಶ್ವರಿ ಸಿನಿ ಕಂಬೈನ್ಸ್ ಮಾಲೀಕ ಕೃಷ್ಣ. ಯಾವುದೇ ರೀಮೇಕ್ ಚಿತ್ರಗಳಲ್ಲಿ ಅಭಿನಯಿಸುವುದಿಲ್ಲ ಎಂಬ ಮಾತಿಗೆ ಶಿವಣ್ಣ ಬದ್ಧರಾಗಿದ್ದಾರೆ.

    ಈ ಮೂಲಕ ಕನ್ನಡ ಚಿತ್ರರಂಗದ ಉಳಿದ ತಾರೆಗಳು ಅವರು ಸ್ಫೂರ್ತಿಯಾಗಿದ್ದಾರೆ. 'ಕೋದಂಡರಾಮ' (ಶಿವಣ್ಣನ 67ನೇ ಚಿತ್ರ) ಚಿತ್ರದ ಬಳಿಕ ಅವರು ಇನ್ನು ಮುಂದೆ ಯಾವುದೇ ರೀಮೇಕ್ ಚಿತ್ರಗಳಲ್ಲಿ ಅಭಿನಯಿಸಲ್ಲ ಎಂದಿದ್ದರು. ಅದರಂತೆ ಅವರು ನಡೆದುಕೊಂಡು ಬರುತ್ತಿದ್ದಾರೆ. ಅವರಿಗೆ ನಮ್ಮ ಸಂಸ್ಥೆಯಿಂದ ಹೊಸ ಬಿರುದು ನೀಡಿ ಸನ್ಮಾನಿಸಲಿದ್ದೇವೆ ಎನ್ನುತ್ತಾರೆ ಕೃಷ್ಣ.

    ಈ ಕಾರ್ಯಕ್ರಮದಲ್ಲಿ ಹಲವು ಸಿನಿಮಾ ತಾರೆಗಳು ಪಾಲ್ಗೊಳ್ಳಲಿದ್ದಾರೆ. ಹೆಚ್ಚಿನ ಸಂಖ್ಯೆಯಲ್ಲಿ ಅಭಿಮಾನಿಗಳು ಆಗಮಿಸುತ್ತಿದ್ದು ಕಾರ್ಯಕ್ರಮವನ್ನು ಅದ್ದೂರಿಯಾಗಿ ಆಚರಿಸಲು ಎಲ್ಲ ಸಿದ್ಧತೆಗಳನ್ನು ಮಾಡಿಕೊಳ್ಳಲಾಗಿದೆ. (ಏಜೆನ್ಸೀಸ್)

    English summary
    Sandalwood King Shivarajkumar will be felicitated in a programme which will be organized at the Open Air Theatre, of Manasagangotri in Mysore on April 14. A title will be conferred to the actor on the same evening. Shivarajkumar is first among Indian actors to abandon projects of ‘remake’ movies after the film ‘Kodandarama.’

    Kannada Photos

    Go to : More Photos

    ಮನರಂಜನಾ ಜಗತ್ತಿನ ಎಲ್ಲ ತಾಜಾ ರೋಚಕ ಸುದ್ದಿಗಳನ್ನು ಪಡೆಯಿರಿ - Filmibeat Kannada

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Filmibeat sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Filmibeat website. However, you can change your cookie settings at any time. Learn more