ಇದ್ದಕ್ಕಿದ್ದಂತೆ ಸಿದ್ದಾರ್ಥ್ ಟ್ವಿಟ್ಟರ್ ಖಾತೆ ಮಾಯ! ಕಾರಣವೇನು?

ಕೇಂದ್ರ ಸರ್ಕಾರ ಟೀಕಿಸಿ ಟ್ವೀಟ್ ಮಾಡುತ್ತಿದ್ದ ಸಿದ್ದಾರ್ಥ್

ಸಿದ್ದಾರ್ಥ್ ಅವರ ಬಹುತೇಕ ಟ್ವೀಟ್‌ಗಳು ಕೇಂದ್ರ ಸರ್ಕಾರದ ವಿರೋಧದಲ್ಲಿ ಇರುತ್ತಿದ್ದವು. ತುಸು ಎಡ ಚಿಂತನೆಗಳ ಪರ ಒಲವಿದ್ದ ಸಿದ್ದಾರ್ಥ್ ಅವರು ಮೋದಿ ಅವರನ್ನೂ ಅವರ ಹೇಳಿಕೆಗಳನ್ನು ವಿಮರ್ಶಿಸಿ ಟ್ವೀಟ್ ಮಾಡುತ್ತಿದ್ದರು.

ಬಿಜೆಪಿ-ಆರ್‌ಎಸ್‌ಎಸ್ ವಿರೋಧಿಸಿ ಟ್ವೀಟ್ ಮಾಡುತ್ತಿದ್ದರು

ಬಿಜೆಪಿ-ಆರ್‌ಎಸ್‌ಎಸ್ ವಿರೋಧವಾಗಿಯೂ ಸಿದ್ದಾರ್ಥ್‌ ಅವರು ಟ್ವೀಟ್‌ಗಳನ್ನು ಮಾಡುತ್ತಿದ್ದರು. ಜಾತ್ಯಾತೀತತೆ ಮತ್ತು ಧಾರ್ಮಿಕ ನಿರಪೇಕ್ಷತೆಯ ಬಗ್ಗೆಯೂ ಅವರ ಟ್ವೀಟ್‌ಗಳನ್ನು ಮಾಡುತ್ತಿದ್ದರು. ಸಿದ್ದಾರ್ಥ್ ಅವರ ಟ್ವೀಟ್‌ಗಳಿಗೆ ಹಲವರು ವಿರೋಧಗಳನ್ನು ವ್ಯಕ್ತಪಡಿಸಿದ್ದರು.

ಸಿಎಎ-ಎನ್‌ಆರ್‌ಸಿ ವಿರುದ್ಧ ಪ್ರತಿಭಟಿಸಿದ್ದ ಸಿದ್ದಾರ್ಥ್‌

ಸಿದ್ದಾರ್ಥ್ ಅವರು ಕೇಂದ್ರ ಸರ್ಕಾರದ ಸಿಎಎ-ಎನ್‌ಆರ್‌ಸಿ ಅನ್ನು ತೀವ್ರವಾಗಿ ವಿರೋಧಿಸಿದ್ದರು. ಸಿಎಎ ವಿರುದ್ಧ ಹಲವು ಟ್ವೀಟ್‌ಗಳನ್ನು ಮಾಡಿದ್ದರು. ಅಷ್ಟೆ ಅಲ್ಲದೆ ಸಿಎಎ ವಿರೋಧಿಸಿ ರಸ್ತೆಗಿಳಿದು ಪ್ರತಿಭಟನೆ ನಡೆಸಿದ್ದರು. ಪೊಲೀಸರು ಸಿದ್ದಾರ್ಥ್ ವಿರುದ್ಧ ದೂರು ಸಹ ದಾಖಲಿಸಿದ್ದರು.

ಕೇಂದ್ರ ಸರ್ಕಾರ ಮತ್ತು ಮೋದಿ ವಿರುದ್ಧ ಟ್ವೀಟ್

ಕೇಂದ್ರ ಸರ್ಕಾರ ಮತ್ತು ಮೋದಿ ವಿರುದ್ಧ ಟ್ವೀಟ್‌ ಮಾಡಿದ್ದರಿಂದ ಸಿದ್ದಾರ್ಥ್ ಅವರ ಖಾತೆಯನ್ನು ಅಮಾನತ್ತು ಮಾಡಲಾಗಿದೆಯೇ ಎಂಬ ಶಂಕೆ ವ್ಯಕ್ತಪಡಿಸಲಾಗಿದೆ. ಈ ಬಗ್ಗೆ ಟ್ವಿಟ್ಟರ್ ಅಧಿಕೃತ ಹೇಳಿಕೆ ನೀಡಿಲ್ಲ.

ಮೂರು ತಮಿಳು ಸಿನಿಮಾದಲ್ಲಿ ಸಿದ್ದಾರ್ಥ್ ಬ್ಯುಸಿ

ಪ್ರಸ್ತುತ ಸಿದ್ದಾರ್ಥ್ ಅವರು ಮೂರು ಪ್ರಮುಖ ತಮಿಳು ಸಿನಿಮಾಗಳಲ್ಲಿ ಬ್ಯುಸಿಯಾಗಿದ್ದಾರೆ. ಶೈತಾನ್‌ ಕಾ ಬಚ್ಚಾ, ಠಕ್ಕರ್ ಮತ್ತು ಕಮಲ್‌ಹಾಸನ್ ಅವರ ಇಂಡಿಯನ್ 2 ನಲ್ಲಿ ನಟನೆ ಮಾಡುತ್ತಿದ್ದಾರೆ.