ಶ್ರೀಮುರಳಿ ಉಗ್ರಂ ನಂತರ ಶೀಘ್ರಂ ಬರ್ತಾರಾ?

2014ರ ವರ್ಷ ಯಾರಿಗೆ ಅದೃಷ್ಟ ಕೈ ಕೊಡ್ತೋ ಮತ್ಯಾರಿಗೆ ಕೈ ಹಿಡೀತೋ ಗೊತ್ತಿಲ್ಲ. ಆದರೆ ಸೈಲೆಂಟ್ ಸ್ಟಾರ್ ಮುರಳಿಗೆ ಮಾತ್ರ ಭರ್ಜರಿ ಯಶಸ್ಸನ್ನ ತಂದುಕೊಡ್ತು. 2004ರಲ್ಲಿ ಬಂದ 'ಕಂಠಿ' ಸಿನಿಮಾದ ನಂತರ ಸ್ಯಾಂಡಲ್ ವುಡ್ ನಲ್ಲಿ ಮುರಳಿ ಅನ್ನೋ ನಟ ಮರಳಿ ಬರಲ್ಲ ಅಂದುಕೊಂಡಿದ್ದವರಿಗೆ ಸೈಲೆಂಟಾಗೆ ಉಗ್ರ ಶಾಕ್ ಕೊಟ್ರು ಮುರಳಿ.

ಆದರೆ ಮುರಳಿಯ 'ಉಗ್ರಂ' ಯಶಸ್ವಿಯಾಗಿದ್ದು ನೋಡಿ ಹಂಡ್ರೆಡ್ ಡೇಸ್ ಜೋಶ್ ನೊಂದಿಗೆ ಉಗ್ರಂ ಸ್ಟಾರ್ ಶೀಘ್ರ ಮತ್ತೊಂದು ಸಿನಿಮಾ ಮೂಲಕ ಬರ್ತಾರೆ ಅಂದ್ರೆ ಮುರಳಿ ನಿಧಾನವೇ ಪ್ರಧಾನ ಅಂತಿದ್ದಾರೆ. ['ಉಗ್ರಂ ವೀರಂ'ಗೆ ಶ್ರೀಕಾರ ಹಾಕಿದ ಶ್ರೀಮುರಳಿ]

ಅದಕ್ಕಾಗೀನೇ ಸದ್ಯಕ್ಕೆ ಯಾವ ಸಿನಿಮಾವನ್ನ ಮುರಳಿ ಓಕೆ ಮಾಡಿಲ್ಲ ಅನ್ನಿಸ್ತಿದೆ. ಆದರೆ ಕೆಲವೇ ದಿನದಲ್ಲಿ ಹೊಸ ಸಿನಿಮಾ ಮೂಲಕ 'ಉಗ್ರಂ' ಮುರಳಿ ಶೀಘ್ರಂ ಎಂಟ್ರಿ ಕೊಡ್ತಾರೆ ಅನ್ನೋ ಸುದ್ದಿ ಇದೆ. ಅಲ್ಲಿಯವರೆಗೂ ಅವರ ಅಭಿಮಾನಿಗಳು ಕಾಯದೆ ವಿಧಿಯಿಲ್ಲ.