ಸಿನಿಮಾಗಿಂತ ಹೆಚ್ಚಾಗಿ ಸುದೀಪ್ ಬದುಕಿನಲ್ಲಿ ನಾಳೆ ಮರೆಯಲಾಗದ ದಿನ, ಏನದು?

ವಿವಾಹ ವಾರ್ಷಿಕೋತ್ಸವ

ಅಕ್ಟೋಬರ್ 18 ಸುದೀಪ್ ವೈಯಕ್ತಿಕ ಜೀವನದ ವಿಶೇಷ ದಿನ. ಯಾಕೆಂದರೆ, ಅಂದು ಅವರು ತಮ್ಮ ಪತ್ನಿ ಪ್ರಿಯಾ ಅವರನ್ನು ಕೈ ಹಿಡಿದ ದಿನ. ಹೌದು, ಸುದೀಪ್ ಹಾಗೂ ಪ್ರಿಯಾ ಸುದೀಪ್ ದಂಪತಿ ನಾಳೆ 17 ವರ್ಷದ ವಿವಾಹ ವಾರ್ಷಿಕೋತ್ಸವನ್ನು ಆಚರಿಸಿಕೊಳ್ಳಲಿದ್ದಾರೆ.

ಡಬ್ಬಲ್ ಖುಷಿ

ಈ ಬಾರಿ ಸುದೀಪ್ ಮದುವೆಯಾದ ದಿನವೇ 'ದಿ ವಿಲನ್' ಸಿನಿಮಾ ಕೂಡ ಬಿಡುಗಡೆಯಾಗುತ್ತಿದೆ. ಸುದೀಪ್ ಪಾಲಿಗೆ ಈ ವರ್ಷದ ಈ ದಿನ ಡಬ್ಬಲ್ ಖುಷಿಗೆ ಕಾರಣವಾಗಿದೆ. ದಸರಾ ಹಬ್ಬದ ವಿಶೇಷವಾಗಿ ಸಿನಿಮಾ ಬಿಡುಗಡೆಯಾಗುತ್ತಿದ್ದು, ಕಿಚ್ಚನ ವಿವಾಹ ವಾರ್ಷಿಕೋತ್ಸವದ ಆಚರಣೆ ಕೂಡ ಇದಕ್ಕೆ ಸೇರಿಕೊಂಡಿದೆ

ಲವ್ ಮ್ಯಾರೇಜ್

ಪ್ರೇಮಿಗಳಾಗಿದ್ದ ಸುದೀಪ್ ಹಾಗೂ ಪ್ರಿಯಾ 2001 ರಲ್ಲಿ ಮದುವೆಯಾಗುವ ನಿರ್ಧಾರ ಮಾಡಿದರು. ಕುಟುಂಬದ ಒಪ್ಪಿಗೆ ಮೇರೆಗೆ ಇಬ್ಬರು ಸಪ್ತಪದಿ ತುಳಿದಿದರು. ಸುದೀಪ್ ಹಾಗೂ ಪ್ರಿಯಾ ಸುದೀಪ್ ದಂಪತಿಗೆ ಸಾನ್ವಿ ಎನ್ನುವ ಒಬ್ಬ ಮಗಳಿದ್ದಾಳೆ.

ನಿರ್ಮಾಪಕಿಯಾದ ಪ್ರಿಯಾ ಸುದೀಪ್

ಈ ವರ್ಷದ ಇನ್ನೊಂದು ವಿಶೇಷ ಎಂದರೆ ಪ್ರಿಯಾ ಸುದೀಪ್ ನಿರ್ಮಾಪಕಿ ಆಗುತ್ತಿದ್ದರೆ. ಸುದೀಪ್ ಅಭಿನಯದಲ್ಲಿ ಬರುತ್ತಿರುವ ಮದಕರಿ ನಾಯಕರ ಬಗ್ಗೆ ಇರುವ 'ದುರ್ಗದ ಹುಲಿ' ಸಿನಿಮಾಗೆ ಪ್ರಿಯಾ ಹಣ ಹಾಕುತ್ತಿದ್ದಾರೆ.