'ಕೋಟಿಗೊಬ್ಬ-3' ಚಿತ್ರದಲ್ಲಿ ನಟಿಸಲು ಸುದೀಪ್ ಗೆ ದಾಖಲೆಯ ಸಂಭಾವನೆ!

ಸೂರಪ್ಪ ಬಾಬು ಸಿನಿಮಾ ಕನ್ ಫರ್ಮ್

ನಿರ್ಮಾಪಕ ಸೂರಪ್ಪ ಬಾಬು ಹಾಗೂ ಕಿಚ್ಚ ಸುದೀಪ್ ಕಾಂಬಿನೇಷನ್ ನಲ್ಲಿ ಸಿನಿಮಾ ಸೆಟ್ಟೇರುವುದು ಖಚಿತವಾಗಿದೆ. ಈ ವಿಷ್ಯವನ್ನ ಖುದ್ದು ಸುದೀಪ್ ಅವರೇ ತಮ್ಮ ಟ್ವಿಟ್ಟರ್ ನಲ್ಲಿ ಸ್ಪಷ್ಟಪಡಿಸಿದ್ದಾರೆ.

ಟೈಟಲ್ 'ಕೋಟಿಗೊಬ್ಬ-3'

ಸುದೀಪ್ ಮತ್ತು ಸೂರಪ್ಪಬಾಬು ಜೋಡಿಯ ಎರಡನೇ ಚಿತ್ರದ ಟೈಟಲ್ 'ಕೋಟಿಗೊಬ್ಬ-3' ಎಂದು ಇಡಲಾಗಿದೆಯಂತೆ. ಸದ್ಯ, ಈ ಚಿತ್ರದ ಸ್ಕ್ರಿಪ್ಟ್ ಕೆಲಸ ಚೆನ್ನೈನಲ್ಲಿ ನಡೆಯುತ್ತಿದ್ದು, ಸ್ಕ್ರಿಪ್ಟ್ ಅಂತಿಮವಾಗುತ್ತಿದ್ದಂತೆ ನಿರ್ದೇಶಕ ಮತ್ತು ಕಲಾವಿದರನ್ನ ಆಯ್ಕೆ ಮಾಡಲಾಗುವುದಂತೆ.

'ಕೋಟಿಗೊಬ್ಬ-3' ಚಿತ್ರಕ್ಕಾಗಿ ಕಿಚ್ಚನ ಸಂಭಾವನೆ

'ಕೋಟಿಗೊಬ್ಬ-3' ಚಿತ್ರದಲ್ಲಿ ಸುದೀಪ್ ನಟಿಸಲು ನಿರ್ಮಾಪಕರು ದೊಡ್ಡ ಮೊತ್ತವನ್ನೇ ಆಫರ್ ಮಾಡಿದ್ದಾರಂತೆ. ಮೂಲಗಳ ಪ್ರಕಾರ ಈ ಚಿತ್ರದಲ್ಲಿ ಬಣ್ಣ ಹಚ್ಚಲು ಕಿಚ್ಚನಿಗೆ 8 ಕೋಟಿ ನೀಡಲಾಗುತ್ತಿದೆಯಂತೆ.

'ದಿ ವಿಲನ್' ನಂತರ ಯಾವುದು?

ಸದ್ಯ ಪ್ರೇಮ್ ನಿರ್ದೇಶನ 'ದಿ ವಿಲನ್' ಚಿತ್ರದಲ್ಲಿ ಸುದೀಪ್ ನಟಿಸುತ್ತಿದ್ದಾರೆ. ಈ ಚಿತ್ರದ ನಂತರ ಹೆಬ್ಬುಲಿ ಕೃಷ್ಣ ಅವರ ಪ್ರಾಜೆಕ್ಟ್ ಕೈಗೆತ್ತಿಕೊಳ್ಳಲಿದ್ದಾರೆ. ವಿಶೇಷ ಅಂದ್ರೆ, ಕೃಷ್ಣ ಅವರ ಪ್ರಾಜೆಕ್ಟ್ ಜೊತೆಯಲ್ಲಿಯೇ ಸೂರಪ್ಪ ಬಾಬು ಅವರ ಸಿನಿಮಾ ಕೂಡ ಸೆಟ್ಟೇರಲಿದೆಯಂತೆ. ಹೀಗೆಂದು, ಸ್ವತಃ ಸುದೀಪ್ ತಿಳಿಸಿದ್ದಾರೆ. ಈ ಮೂಲಕ ಈ ವರ್ಷಾಂತ್ಯಕ್ಕೆ ಸುದೀಪ್ ಅಭಿನಯಿಸಲಿರುವ ಎರಡು ಸಿನಿಮಾಗಳು ಏಕಕಾಲದಲ್ಲಿ ಶುರುವಾಗಲಿದೆ.

'ಥಗ್ಸ್ ಆಫ್ ಮಾಲ್ಗುಡಿ' ಯಾವಾಗ?

ಮೊದಲು 'ಹೆಬ್ಬುಲಿ' ಕೃಷ್ಣ ಸಿನಿಮಾ ರಿಲೀಸ್ ಆಗಲಿದೆ. ನಂತರ ನಂತರ ಸೂರಪ್ಪ ಬಾಬು ಸಿನಿಮಾ ಬಿಡುಗಡೆಯಾಗಲಿದೆ. ಈ ಮಧ್ಯೆ ರಕ್ಷಿತ್ ಶೆಟ್ಟಿ ನಿರ್ದೇಶನ 'ಥಗ್ಸ್ ಆಫ್ ಮಾಲ್ಗುಡಿ' ಚಿತ್ರ ಯಾವಾಗ ಎಂಬ ಪ್ರಶ್ನೆ ಕಾಡುತ್ತಿದೆ. ಅದರ ಜೊತೆಗೆ ರಿಷಬ್ ಶೆಟ್ಟಿ ಜೊತೆಯಲ್ಲೂ ಸುದೀಪ್ ಸಿನಿಮಾ ಮಾಡಲಿದ್ದಾರೆ.